ꠔꠃꠞꠣꠔ ৪: ꠡꠥꠝꠣꠞꠤ 4:5 - Siloṭi Asmani Kitab (Latin lipi)

⁵ Boni Israil soforo baronir shomoy, Harun ar tar fuainte amar goror bitre hamaia, Herem Shorifor forda kulia hari, oḳandi shahadot shondukre guria diba.

Siloṭi Asmani Kitab (Nagri lipi)

⁵ ꠛꠘꠤ ꠁꠍꠞꠣꠁꠟ ꠍꠚꠞꠅ ꠛꠣꠞꠘꠤꠞ ꠡꠝꠄ, ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠀꠝꠣꠞ ꠊꠞꠞ ꠜꠤꠔꠞꠦ ꠢꠣꠝꠣꠁꠀ, ꠢꠦꠞꠦꠝ ꠡꠞꠤꠚꠞ ꠙꠞ꠆ꠖꠣ ꠈꠥꠟꠤꠀ ꠢꠣꠞꠤ, ꠅꠈꠣꠘꠖꠤ ꠡꠣꠢꠣꠖꠔ ꠡꠘ꠆ꠖꠥꠇꠞꠦ ꠉꠥꠞꠤꠀ ꠖꠤꠛꠣ।

ছিলটি আছমানি কিতাব (বাংলা লিপি)

⁵ বনি ইছরাইল ছফরো বারনির সময়, হারুন আর তার পুয়াইন্তে আমার ঘরর ভিতরে হামাইয়া, হেরেম শরিফর পর্দা খুলিয়া হারি, অখানদি শাহাদত সন্দুকরে গুরিয়া দিবা।

ꠔꠃꠞꠣꠔ ৪: ꠡꠥꠝꠣꠞꠤ 4:5 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 36:35

Ou ustad ḳarigor oḳole dami suti kafoṛdi ekkan forda banaila. Fordar ufre lilua, baingoni, lal suta dia Karubi oḳlor sobi bain ḳorla.

ꠔꠃꠞꠣꠔ ২: ꠢꠤꠎꠞꠔ 40:3

Goror bitre shahadot shondukre haraia, maze forda ṭanaia shondukre aoṛe toio.

ꠔꠃꠞꠣꠔ ২: ꠢꠤꠎꠞꠔ 40:5

Shunadi banail agor-kushboy zalanir ṭebul shahadot shondukor samne toio, toia amar goror duaror forda lagaio.

ꠔꠃꠞꠣꠔ ৩: ꠟꠦꠛꠤꠀꠘ 16:2

Mabude ḳoila, “Tumar bai Harunre ḳo, he zanu zebla mone sae ebla shahadot shondukor ḍaḳnar gese zaoar lagi Herem Shorifor fordar bitre na hamae, arnae he morbo-u. Zano to, ou ḍaḳnar ufror dumar andairor maze ami nize azir oi.

ꠔꠃꠞꠣꠔ ৪: ꠡꠥꠝꠣꠞꠤ 10:14

Foyla-u Ehudar fotaḳar tino ḳandanor nanan fouzi dole roana dila, erar neta asla Aminadabor fua Nahish.

ꠔꠃꠞꠣꠔ ৪: ꠡꠥꠝꠣꠞꠤ 4:15

Harun ar tar fuainte zebla ou fak-fobitro zinish oḳol ar ebadot ḳanar mal-samana hoḳolta guriliba, tara tambu tulia soforo baronir lagi zebla tiar oiziba, ou shomoy ota boia nibar lagi Kahati oḳol aiba. Oile tara kunu fak-fobitro sizre atdi soita farta nae, soile-u morba. Milon-tambur ou hokkol zinish tara boia niba.

ꠔꠃꠞꠣꠔ ৪: ꠡꠥꠝꠣꠞꠤ 4:4

“Kahati oḳlor ḳam oibo, Milon-tambur ḳas fobitro siz oḳlor deḳa-huna ḳora.

ꠔꠃꠞꠣꠔ ৪: ꠡꠥꠝꠣꠞꠤ 7:9

Oile Lebir fua Kahator gusṭire ita kunta dila na, ḳaron niom asil tara ḳali fak-fobitro siz oḳol deḳa-huna ḳora, ar otare ḳando ḳori boia neoa.

ꠁꠘ꠆ꠎꠤꠟ ১: ꠝꠕꠤ 27:51

Loge loge Baytul-Mukaddos mani Kaba goror Herem Shorifor fordaḳan, ufre taki tol forzonto siṛia dui ṭukra oigelo. Ar boisalor loge boṛo boṛo fattor oḳol faṭigelo.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 31:9

Bade Musa nobie Tourator ou hukum-ahkam oḳol leḳla, lekia Lebi kandanor hou imam oḳol, zara Mabudor shahadot shonduk boia nita, tarar ato ar Boni Israilor moy-murobbir ato dila.

Injil 19: Ibrani 10:20

Al-Mosie amrar lagi noya ar zinda eḳ torika kulchoin, tan shoril kurbanir usillae amra zanu ou Herem Shorifor duaror forda faroia, Allar samne azir oitam fari.

Injil 19: Ibrani 9:3

Dusra fordar bitre arok kuṭa asil, hi dusra kuṭar nam asil Ḳas Pak Zaga ba Herem Shorif.