ꠔꠃꠞꠣꠔ ৪: ꠡꠥꠝꠣꠞꠤ 32:32 - Siloṭi Asmani Kitab (Latin lipi)

³² Amra Mabudor name zuddor shaz-shoronjam loia Zordan gang faroia Kenan desho zaimu, oile amrar zomi-zomar baṭ gangor ofaro roilo.”

Siloṭi Asmani Kitab (Nagri lipi)

³² ꠀꠝꠞꠣ ꠝꠣꠛꠥꠖꠞ ꠘꠣꠝꠦ ꠎꠥꠖ꠆ꠖꠞ ꠡꠣꠎ-ꠡꠞꠘ꠆ꠎꠣꠝ ꠟꠁꠀ ꠎꠞ꠆ꠖꠣꠘ ꠉꠣꠋ ꠙꠣꠞ ꠅꠁꠀ ꠇꠦꠘꠣꠘ ꠖꠦꠡꠅ ꠎꠣꠁꠝꠥ, ꠅꠁꠟꠦ ꠀꠝꠞꠣꠞ ꠎꠝꠤ-ꠎꠝꠣꠞ ꠛꠣꠐ ꠉꠣꠋꠉꠞ ꠅꠙꠣꠞꠅ ꠞꠁꠟ।”

ছিলটি আছমানি কিতাব (বাংলা লিপি)

³² আমরা মাবুদর নামে যুদ্ধর সাজ-সরঞ্জাম লইয়া জর্দান গাং পার অইয়া কেনান দেশো যাইমু, অইলে আমরার জমি-জমার বাট গাংগর অপারো রইলো।”

ꠔꠃꠞꠣꠔ ৪: ꠡꠥꠝꠣꠞꠤ 32:32 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 14:34

“Ami ze deshḳanre tumrar malikanae dimu, ou Kenan desho hamanir bade, ami zudi honor kunu goror maze nafak-feukni bemar faṭai,

ꠔꠃꠞꠣꠔ ৪: ꠡꠥꠝꠣꠞꠤ 32:19

Ar Zordan gangor hofaro Boni Israilor loge amra kunu zomi-zomar baṭo nitam nae, ḳenena amrar baṭ to gangor ou fubor faro-u miligese.”

ꠔꠃꠞꠣꠔ ৪: ꠡꠥꠝꠣꠞꠤ 32:31

Ikan hunia Sadu ar Ruben ḳandanor manshe ḳoila, “Mabude tan i gulam oḳolre zela hukum disoin, amra ola-u ḳormu.

ꠔꠃꠞꠣꠔ ৪: ꠡꠥꠝꠣꠞꠤ 32:33

Ikan hunia Musa nobi razi oila. Tain Sadu ar Ruben ḳandanre, erloge Iusufor fua Manosha ḳandanor ordeḳ manshore, ou zagain dila. Musae Amuri oḳlor bashsha Sihun ar Bashonor bashsha Uzor asta razottor hoḳol ṭaun ar gau-geram shoho shob zomi-mirash tarar lagi toila.

ꠔꠃꠞꠣꠔ ৪: ꠡꠥꠝꠣꠞꠤ 34:15

Tara Ziriho elaḳar Zordan gangor fubor faro tarar baṭ age-u basia nisoingi.”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:1

Musa nobie Zordan gangor fub faror Araba namor morubumit Boni Israil zatire ou boyan ḳorsla, tain Suf gaur samne ubaia tarar loge matila. Er eḳbae asil Faran, ar oinnobae asil Tufol, Labon, Hazirut ar Dizahab, ou sair gau.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 29:8

Tarar deshre doḳolo ania amra asta Ruben ḳandan, asta Sadu ḳandan ar Manosha ḳandanor ordeḳ manshore baṭia dilam.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 3:12

Hozrot Musae aro ḳoira, “Amrar doḳol ḳora Ornon ḳalor faro Aruar ṭaunor bairor utoror elaḳa, ar faṛia Giliod elaḳar ordeḳ zaga, honor hoḳol ṭaun ar gau-geram oḳol, Boni Israilor Ruben ar Sadu ḳandanre dilailam.