ꠔꠃꠞꠣꠔ ৪: ꠡꠥꠝꠣꠞꠤ 3:9 - Siloṭi Asmani Kitab (Latin lipi)

⁹ Lebi kandanor ḳadim oḳolre tumi Harun ar tar fuaintor ato shomzai deo. Boni Israilor maz taki erare imam Harunor ato shofi deoa oilo.

Siloṭi Asmani Kitab (Nagri lipi)

⁹ ꠟꠦꠛꠤ ꠈꠣꠘ꠆ꠖꠣꠘꠞ ꠈꠣꠖꠤꠝ ꠅꠇꠟꠞꠦ ꠔꠥꠝꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠀꠔꠅ ꠡꠝꠎꠣꠁ ꠖꠦꠅ। ꠛꠘꠤ ꠁꠍꠞꠣꠁꠟꠞ ꠝꠣꠎ ꠕꠣꠇꠤ ꠄꠞꠣꠞꠦ ꠁꠝꠣꠝ ꠢꠣꠞꠥꠘꠞ ꠀꠔꠅ ꠡꠙꠤ ꠖꠦꠅꠀ ꠅꠁꠟ।

ছিলটি আছমানি কিতাব (বাংলা লিপি)

⁹ লেবি খান্দানর খাদিম অকলরে তুমি হারুন আর তার পুয়াইন্তর আতো সমজাই দেও। বনি ইছরাইলর মাজ থাকি এরারে ইমাম হারুনর আতো সপি দেওয়া অইলো।

ꠔꠃꠞꠣꠔ ৪: ꠡꠥꠝꠣꠞꠤ 3:9 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 16:9

Tumra mono ḳorrae ni Mabudor Kaba goro ebadoti kora ar shomazor manshor kezmot ḳora ita ekkere huru-muru befar? Huno, Boni Israilor Allae shomazor oinnainno manush taki tumrare basia nia, tan nizor didaro anchoin, zate tumra ou ḳam ḳoro.

ꠔꠃꠞꠣꠔ ৪: ꠡꠥꠝꠣꠞꠤ 18:2

Te tumar baf-dadar ḳandan taki aro Lebi oḳolre tumi ano. Tara aia tumare ar tumar fuainre shahadot tambur samnor ebadoti kamo shaijjo ḳorba. Tara tumar zimmae roia shahadot tambur hoḳol ḳam-ḳaz ḳorba.

ꠔꠃꠞꠣꠔ ৪: ꠡꠥꠝꠣꠞꠤ 3:8

Tara-u Milon-tambur mal-samana deḳa-huna ar Allar goror kezmot ḳoria Boni Israilor fokke ebadot-bondegir day-dayitto adae ḳorba.

ꠔꠃꠞꠣꠔ ৪: ꠡꠥꠝꠣꠞꠤ 8:14

Ou laḳan tumi oinno Boni Israil taki Lebi kandanre alog korbae, teu tara ḳali amar oiba.

ꠔꠃꠞꠣꠔ ৪: ꠡꠥꠝꠣꠞꠤ 8:16

Boni Israil taki basia alog kora i Lebi kandan ḳali amar, ar ḳeuror nae. Forteḳ Israili beṭintor foyla fuar bodla ami Lebi kandanre amar nizor banaisi.

ꠔꠃꠞꠣꠔ ৪: ꠡꠥꠝꠣꠞꠤ 8:18

Ar oḳon ami Boni Israilor foyla fuaintor zagat ḳali Lebi oḳolre amar nizor ḳoia kobul ḳorsi.

ꠔꠃꠞꠣꠔ ৪: ꠡꠥꠝꠣꠞꠤ 8:19

Ou Lebi oḳolre ami Harun ar tar fuaintore shomzaisi, zate tara Boni Israilor oia Milon-tambur kezmot ḳoroin, tarar gunar koforar usilla ḳoroin. Erlagi Boni Israilor ḳeu amar goror ḳandat aile-o tar ufre kunu gozob lamto nae.”

Injil 10: Ifisia 4:11

Tain manshore ou dan disoin, ḳoyzonre sahabi, ḳoyzonre nobi, ḳoyzonre kush-ḳobrir toblig, ḳoyzonre zomator imam ar ustad hishabe boail ḳorsoin.

Injil 10: Ifisia 4:8

Erlagi Zobur Shorifo leḳa ase, Tain gia zebla behesto uṭila, ou shomoy bondi oḳolre bandia ṭania nila, ar tan manshore bout dan dila.