ꠔꠃꠞꠣꠔ ৪: ꠡꠥꠝꠣꠞꠤ 3:8 - Siloṭi Asmani Kitab (Latin lipi)

⁸ Tara-u Milon-tambur mal-samana deḳa-huna ar Allar goror kezmot ḳoria Boni Israilor fokke ebadot-bondegir day-dayitto adae ḳorba.

Siloṭi Asmani Kitab (Nagri lipi)

⁸ ꠔꠣꠞꠣꠃ ꠝꠤꠟꠘ-ꠔꠣꠝ꠆ꠛꠥꠞ ꠝꠣꠟ-ꠍꠣꠝꠣꠘꠣ ꠖꠦꠈꠣ-ꠢꠥꠘꠣ ꠀꠞ ꠀꠟ꠆ꠟꠣꠞ ꠊꠞꠞ ꠈꠦꠎꠝꠔ ꠇꠞꠤꠀ ꠛꠘꠤ ꠁꠍꠞꠣꠁꠟꠞ ꠙꠇ꠆ꠇꠦ ꠄꠛꠣꠖꠔ-ꠛꠘ꠆ꠖꠦꠉꠤꠞ ꠖꠣꠄ-ꠖꠣꠄꠁꠔ꠆ꠔ ꠀꠖꠣꠄ ꠇꠞꠛꠣ।

ছিলটি আছমানি কিতাব (বাংলা লিপি)

⁸ তারাউ মিলন-তাম্বুর মাল-ছামানা দেখা-হুনা আর আল্লার ঘরর খেজমত করিয়া বনি ইছরাইলর পক্ষে এবাদত-বন্দেগির দায়-দায়িত্ব আদায় করবা।

ꠔꠃꠞꠣꠔ ৪: ꠡꠥꠝꠣꠞꠤ 3:8 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 10:17

Bade Allar goror hoḳolta kula oilo, teu Zarsuni ar Mararia oḳole oḳanor hoḳolta boia loia roana dila.

ꠔꠃꠞꠣꠔ ৪: ꠡꠥꠝꠣꠞꠤ 10:21

Erar bade Allar goror fak-fobitro mal-samana loia Kahati oḳole roana dila. Kahati oḳol zagat gia fosar age-u Allar gor ḳaṛa ḳorar ḳota asil.

ꠔꠃꠞꠣꠔ ৪: ꠡꠥꠝꠣꠞꠤ 3:7

Tara imam Harunor zimmae Milon-tambur samne hoḳol Boni Israilor torof taki amar goror ḳadimdari korba.

ꠔꠃꠞꠣꠔ ৪: ꠡꠥꠝꠣꠞꠤ 3:9

Lebi kandanor ḳadim oḳolre tumi Harun ar tar fuaintor ato shomzai deo. Boni Israilor maz taki erare imam Harunor ato shofi deoa oilo.

ꠔꠃꠞꠣꠔ ৪: ꠡꠥꠝꠣꠞꠤ 31:30

Ar Boni Israilor baṭo zeta manush, goru-sagol faiba, itar forteḳ foinchashṭa taki eḳṭare alog kori toio. Toia Allar boshot ḳana, Baytulla tambur ḳadim Lebi oḳlor ato ita shomzaio.”

ꠔꠃꠞꠣꠔ ৪: ꠡꠥꠝꠣꠞꠤ 4:15

Harun ar tar fuainte zebla ou fak-fobitro zinish oḳol ar ebadot ḳanar mal-samana hoḳolta guriliba, tara tambu tulia soforo baronir lagi zebla tiar oiziba, ou shomoy ota boia nibar lagi Kahati oḳol aiba. Oile tara kunu fak-fobitro sizre atdi soita farta nae, soile-u morba. Milon-tambur ou hokkol zinish tara boia niba.

ꠔꠃꠞꠣꠔ ৪: ꠡꠥꠝꠣꠞꠤ 4:28

Ota-u oilo Milon-tambur ḳamo Zarsuni oḳlor day-dayitto. Tarar ḳam-ḳazor todarki korba imam Harunor fua Isamare.

ꠔꠃꠞꠣꠔ ৪: ꠡꠥꠝꠣꠞꠤ 4:33

Ota-u oilo Milon-tambur maze Mararia gusṭir day-dayitto. Tarar ḳam-ḳazor todarki korba imam Harunor fua Isamare.”