ꠔꠃꠞꠣꠔ ৪: ꠡꠥꠝꠣꠞꠤ 28:7 - Siloṭi Asmani Kitab (Latin lipi)

⁷ Forteḳ meṛar loge eḳ sher anguror shorbot dia shorbot-fanir sodga adae ḳorio. Mabudor namor kurbanir ou shorbot ebadot ḳanar uṭano ḍali dibae.

Siloṭi Asmani Kitab (Nagri lipi)

⁷ ꠙꠞꠔꠦꠇ ꠝꠦꠠꠣꠞ ꠟꠉꠦ ꠄꠇ ꠡꠦꠞ ꠀꠋꠉꠥꠞꠞ ꠡꠞꠛꠔ ꠖꠤꠀ ꠡꠞꠛꠔ-ꠙꠣꠘꠤꠞ ꠍꠖꠉꠣ ꠀꠖꠣꠄ ꠇꠞꠤꠅ। ꠝꠣꠛꠥꠖꠞ ꠘꠣꠝꠞ ꠇꠥꠞꠛꠣꠘꠤꠞ ꠅꠃ ꠡꠞꠛꠔ ꠄꠛꠣꠖꠔ ꠈꠣꠘꠣꠞ ꠃꠑꠣꠘꠅ ꠓꠣꠟꠤ ꠖꠤꠛꠣꠄ।

ছিলটি আছমানি কিতাব (বাংলা লিপি)

⁷ পরতেক মেড়ার লগে এক সের আংগুরর শরবত দিয়া শরবত-পানির ছদগা আদায় করিও। মাবুদর নামর কুরবানির অউ শরবত এবাদত খানার উঠানো ঢালি দিবায়।

ꠔꠃꠞꠣꠔ ৪: ꠡꠥꠝꠣꠞꠤ 28:7 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 29:40

Foyla meṛa-baichchar loge dui sher moyda ar eḳ sher zoytunor fisha tel mishaite oibo. Ar shorbot-fanir sodgar lagi anguror eḳ sher shorbot-o Allar name dibae.

ꠔꠃꠞꠣꠔ ২: ꠢꠤꠎꠞꠔ 29:42

“Oarishor for oarish dori Milon-tambur duaror gese, mani amar samne forteḳ din i zalail kurbani dite oibo. Hono ami tumrare didar dimu, tumar loge batchit ḳormu.

ꠔꠃꠞꠣꠔ ২: ꠢꠤꠎꠞꠔ 30:9

I agor-kushboy zalanir ṭebulor ufre dusra kunuzator kushboy zalaio na. Kunu zalail kurbani, dan-gomor sodga, ba shorbot-fanir sodga dio na.

ꠔꠃꠞꠣꠔ ৩: ꠟꠦꠛꠤꠀꠘ 1:9

Kurbani deorae gorur ṭeng ar feṭor bitoror hokkolta fani dia doia saf ḳoria diba, ar imame ota nia asta bisalor hokkolta kurbani kanar ufre zalailiba. Iṭar nam oilo zalail kurbani, Mabudor name agunit deoa kurbani, ou dumar gerane tain kushi oin.

ꠔꠃꠞꠣꠔ ৩: ꠟꠦꠛꠤꠀꠘ 23:13

Erloge dan-gomor sodgar lagi tel maḳail sair sher moyda dibae. Ita to Mabudor namor agunit deoa sodga, itar dumar gerane tain kushi oin. Ar er logor shorbot-fanir sodgar niote anguror eḳ sher shorbot-o dibae.

ꠔꠃꠞꠣꠔ ৪: ꠡꠥꠝꠣꠞꠤ 15:10

Ar shorbot-fanir sodgar lagi anguror dui sher shorbot-o ante oibo. “Ita oilo agunit deoa kurbani, i kurbanir dumar gerane ami kushi oi.

ꠔꠃꠞꠣꠔ ৪: ꠡꠥꠝꠣꠞꠤ 15:5

Oile kurbanir foshuṭa zudi meṛa-baichcha oy, te iṭar loge shorbot-fanir sodga hishabe anguror eḳ sher shorbot-o dibae.

ꠔꠃꠞꠣꠔ ৪: ꠡꠥꠝꠣꠞꠤ 15:7

Shorbot-fanir sodgar lagi lagbo anguror shua sher shorbot. Ita ania amare kush ḳorar geran ala kurbani hishabe dite oibo.

ꠔꠃꠞꠣꠔ ৪: ꠡꠥꠝꠣꠞꠤ 28:14

Shorbot-fanir sodgar lagi forteḳ bisalor loge dui sher anguror shorbot dibae. Forteḳ meṛar loge shua sher ar forteḳ meṛa-baichchar loge eḳ sher shorbot dio. Ita oilo mashik zalail kurbani, bosoror forteḳ sando ita adae ḳorbae.

ꠔꠃꠞꠣꠔ ৪: ꠡꠥꠝꠣꠞꠤ 28:31

Ou hoḳol kurbani ar itar logor shorbot-fanir sodgar loge fortidinor zalail kurbani ar er logor dan-gomor sodga adae ḳorbae. Kial rakio, kurbanir hoḳol foshu zanu furafur nikut oy.

ꠔꠃꠞꠣꠔ ৪: ꠡꠥꠝꠣꠞꠤ 28:6

Iṭa oilo hou fortidinor zalail kurbani, zeta Tur faṛo shaibosto ḳora oisil. Ar ita to amar name agunit deoa kurbani, er dumar gerane ami kushi oi.

ꠔꠃꠞꠣꠔ ৪: ꠡꠥꠝꠣꠞꠤ 28:8

Meṛar aroḳ baichchare hainja bala kurbani dibae. Erloge biankur laḳan dan-gomor sodga ar shorbot-fanir sodga adae ḳorbae. Ita oilo agunit deoa kurbani, er dumar gerane ami Mabud kushi oi.

Injil 11: Filifia 2:17

Huno, ze imanor kurbanir mazdi tumra Allar ebadot ḳorrae, er ufre zudi amar nizor loure kurbani hishabe ḍali deoa oy, ta-o ami kush asi, tumrare loia kushi korram.