ꠔꠃꠞꠣꠔ ৪: ꠡꠥꠝꠣꠞꠤ 27:21 - Siloṭi Asmani Kitab (Latin lipi)

²¹ Bade he imam Ali-Azoror gese zaibo, gele Ali-Azore Allar fobitro Urim ar Tummim fattordi loṭari maria Mabudor morzi zanta farba. Ola Iusa ar tamam Boni Israile sola-fira ḳorba.”

Siloṭi Asmani Kitab (Nagri lipi)

²¹ ꠛꠣꠖꠦ ꠢꠦ ꠁꠝꠣꠝ ꠀꠟꠤ-ꠀꠎꠞꠞ ꠉꠦꠍꠦ ꠎꠣꠁꠛ, ꠉꠦꠟꠦ ꠀꠟꠤ-ꠀꠎꠞꠦ ꠀꠟ꠆ꠟꠣꠞ ꠙꠛꠤꠔ꠆ꠞ ꠃꠞꠤꠝ ꠀꠞ ꠔꠥꠝ꠆ꠝꠤꠝ ꠙꠣꠔ꠆ꠔꠞꠖꠤ ꠟꠐꠣꠞꠤ ꠝꠣꠞꠤꠀ ꠝꠣꠛꠥꠖꠞ ꠝꠞ꠆ꠎꠤ ꠎꠣꠘꠔꠣ ꠙꠣꠞꠛꠣ। ꠅꠟꠣ ꠁꠃꠍꠣ ꠀꠞ ꠔꠣꠝꠣꠝ ꠛꠘꠤ ꠁꠍꠞꠣꠁꠟꠦ ꠌꠟꠣ-ꠚꠤꠞꠣ ꠇꠞꠛꠣ।”

ছিলটি আছমানি কিতাব (বাংলা লিপি)

²¹ বাদে হে ইমাম আলি-আজরর গেছে যাইবো, গেলে আলি-আজরে আল্লার পবিত্র উরিম আর তুম্মিম পাথরদি লটারি মারিয়া মাবুদর মর্জি জানতা পারবা। অলা ইউছা আর তামাম বনি ইছরাইলে চলা-ফিরা করবা।”

ꠔꠃꠞꠣꠔ ৪: ꠡꠥꠝꠣꠞꠤ 27:21 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 28:30

Amar ray-foysalar ou tolir bitre Urim ar Tummim namor fobitro fattorguin rakio. Harun zebla Mabudor samne azir oibo, ou shomoy ita tar bukur ufre roibo. Harune Boni Israilor lagi amar ray-foysala zanar ufae hishabe hor-hamesha tar bukur ufre Mabudor deoa ou siz raḳbo.”

ꠔꠃꠞꠣꠔ ৩: ꠟꠦꠛꠤꠀꠘ 8:8

Bade bukur ufror toli findaia er bitre fobitro Urim ar Tummim haraila.

আছমানি কিতাব: মালাখি 2:7

Ashole imamor ḳam oilo Pak Kalam hefazote raḳa, zate manshe gia tan ges taki ou kalam talim ḳore. Imam oḳol to Alla Rabbul Alaminor foygambor.

ꠔꠃꠞꠣꠔ ৪: ꠡꠥꠝꠣꠞꠤ 27:17

ze netae hoḳol manshore gore-bare, maṭo-moydano hoḳol befare salaiba. Teu Mabudor bonda oḳol a-raḳali goru-sagolor laḳan oita nae.”

ꠔꠃꠞꠣꠔ ৪: ꠡꠥꠝꠣꠞꠤ 27:2

Ou fuṛin aia Milon-tambur duaror samne ubaia Musa nobi, imam Ali-Azor, murobbi neta ar hoḳol Boni Israilre ḳoila,

ꠔꠃꠞꠣꠔ ৪: ꠡꠥꠝꠣꠞꠤ 27:20

Tumare ze ḳemota deoa oise, ou ḳemotar kisu baṭ tare deo, teu hokkol Boni Israil tar ḳotae solba.

ꠔꠃꠞꠣꠔ ৪: ꠡꠥꠝꠣꠞꠤ 27:22

Musa nobie Mabudor hukum mafik kam ḳorla. Tain imam Ali-Azor ar Boni Israilor samne Iusare nia azir ḳorla.

ꠔꠃꠞꠣꠔ ৪: ꠡꠥꠝꠣꠞꠤ 27:5

Teu Musa nobie tarar befare Mabudor dorbaro aroz ḳorla.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 31:3

Te tumrar Mabud Alla nize tumrar age age roia Zordan gang faroia zaiba. Tain tumrar samne taki honor hoḳol zatire binash ḳorba, teu tumra hou desh doḳol ḳorbae. Ar Mabudor ḳota mafik Hozrot Iusae tumrare loia hofaro tumrar age age zaiba.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:8

Lebi kandanor befare ḳoila: Tumar ashikor ato ase Tummim ar Urim, kudroti hou dui samanar malik kali ou Lebin. Masa namor zagat loiso tar forikka, Meriba namor fanir zagat oisil ou ḳaijja.