ꠔꠃꠞꠣꠔ ৪: ꠡꠥꠝꠣꠞꠤ 27:14 - Siloṭi Asmani Kitab (Latin lipi)

¹⁴ Mono ase ni, Zin morubumir Kadesh elaḳar Meriba namor zagar hou fanir ḳota? Morubumit Boni Israile zebla fanir lagi amar birudita ḳorsil, tarar samne tumra-o amare fak-fobitro ḳoia na mania amar hukumor ulṭa geslae.”

Siloṭi Asmani Kitab (Nagri lipi)

¹⁴ ꠝꠘꠅ ꠀꠍꠦ ꠘꠤ, ꠎꠤꠘ ꠝꠞꠥꠜꠥꠝꠤꠞ ꠇꠣꠖꠦꠡ ꠄꠟꠣꠇꠣꠞ ꠝꠦꠞꠤꠛꠣ ꠘꠣꠝꠞ ꠎꠣꠉꠣꠞ ꠢꠃ ꠙꠣꠘꠤꠞ ꠇꠕꠣ? ꠝꠞꠥꠜꠥꠝꠤꠔ ꠛꠘꠤ ꠁꠍꠞꠣꠁꠟꠦ ꠎꠦꠛꠟꠣ ꠙꠣꠘꠤꠞ ꠟꠣꠉꠤ ꠀꠝꠣꠞ ꠛꠤꠞꠥꠗꠤꠔꠣ ꠇꠞꠍꠤꠟ, ꠔꠣꠞꠣꠞ ꠍꠣꠝꠘꠦ ꠔꠥꠝꠞꠣꠅ ꠀꠝꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠁꠀ ꠘꠣ ꠝꠣꠘꠤꠀ ꠀꠝꠣꠞ ꠢꠥꠇꠥꠝꠞ ꠃꠟꠐꠣ ꠉꠦꠍꠟꠣꠄ।”

ছিলটি আছমানি কিতাব (বাংলা লিপি)

¹⁴ মনো আছে নি, জীন মরুভুমির কাদেশ এলাকার মেরীবা নামর জাগার হউ পানির কথা? মরুভুমিত বনি ইছরাইলে যেবলা পানির লাগি আমার বিরুধিতা করছিল, তারার ছামনে তুমরাও আমারে পাক-পবিত্র কইয়া না মানিয়া আমার হুকুমর উল্টা গেছলায়।”

ꠔꠃꠞꠣꠔ ৪: ꠡꠥꠝꠣꠞꠤ 27:14 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 17:7

Ou Rofidimo aia manshe ḳaijja ḳori koisla, “Mabud kita amrar loge asoin ni, na hori gesoin?” Oula ḳoia tara Mabudre forikka ḳorsla ḳori, i zagar nam oilo Masa [mani, forikka] ar Meriba [mani, ḳaijja].

ꠔꠃꠞꠣꠔ ৪: ꠡꠥꠝꠣꠞꠤ 13:21

Teu tara Zin morubumi taki shuru ḳoria Hamator bae Rahob forzonto gia asta deshor hal-hokikot dekia aila.

ꠔꠃꠞꠣꠔ ৪: ꠡꠥꠝꠣꠞꠤ 20:1

Bosoror foyla sando hokkol Boni Israil Zin morubumit gia Kadesh elaḳat aia roila. Hono Musa nobir boin bibi Moriomor inteḳal oilo ar tanre dafon ḳora oilo.

ꠔꠃꠞꠣꠔ ৪: ꠡꠥꠝꠣꠞꠤ 20:24

“Harun to tar baf-dadar gese ḳoyboro zaitegi oibo. Ar ami Boni Israilre ze desh dimu, he to hi desho zaito farto nae. Mono ase ni, Meriba namor zagat fanir befare tumra amar hukumor ulṭa ḳam ḳorso.

ꠔꠃꠞꠣꠔ ৪: ꠡꠥꠝꠣꠞꠤ 20:5

Mishor desh taki tumi kene amrare ola zomor gato loia ailae? I zagat na ase kunu dan-saul ba ḍumur fol, na ase angur ba anuar fol? Ar ḳaibar fani-o nai.”

ꠔꠃꠞꠣꠔ ৪: ꠡꠥꠝꠣꠞꠤ 27:15

Oḳan hunia Musae aroz ḳorla,

Injil 5: Sahabi Nama 7:51

“O gaṛteṛar zat! Ḳan ar dilor mosolmani na ḳorail zat! Tumra hamesha Pak Ruhur duar bond ḳori to. Tumrar baf-dadain zela asla, tumra-o oula oiso.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:37

“Baiainre, tumrar ḳarone Mabude amar ufre-o gusa ḳorla, gusa ḳori amare ḳoila, tumi Musa-o hou desho hamaitae fartae nae.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:22

Amar mout ono-u oibo. Zordan gang faronir hukum nae. Oile tumra gang faroia hou aramor desh doḳol ḳorat zairae.