ꠔꠃꠞꠣꠔ ৪: ꠡꠥꠝꠣꠞꠤ 25:2 - Siloṭi Asmani Kitab (Latin lipi)

² Honor beṭinte tarar deb-debir name boli dibar onusṭano Boni Israilre daot dila, ar era gia ota beṭintor loge ḳana-dana ḳaia hou deb-debir puja ḳorla.

Siloṭi Asmani Kitab (Nagri lipi)

² ꠢꠘꠞ ꠛꠦꠐꠤꠘ꠆ꠔꠦ ꠔꠣꠞꠣꠞ ꠖꠦꠛ-ꠖꠦꠛꠤꠞ ꠘꠣꠝꠦ ꠛꠟꠤ ꠖꠤꠛꠣꠞ ꠅꠘꠥꠡ꠆ꠐꠣꠘꠅ ꠛꠘꠤ ꠁꠍꠞꠣꠁꠟꠞꠦ ꠖꠣꠅꠔ ꠖꠤꠟꠣ, ꠀꠞ ꠄꠞꠣ ꠉꠤꠀ ꠅꠔꠣ ꠛꠦꠐꠤꠘ꠆ꠔꠞ ꠟꠉꠦ ꠈꠣꠘꠣ-ꠖꠣꠘꠣ ꠈꠣꠁꠀ ꠢꠃ ꠖꠦꠛ-ꠖꠦꠛꠤꠞ ꠙꠥꠎꠣ ꠇꠞꠟꠣ।

ছিলটি আছমানি কিতাব (বাংলা লিপি)

² হনর বেটিন্তে তারার দেব-দেবীর নামে বলি দিবার অনুষ্টানো বনি ইছরাইলরে দাওত দিলা, আর এরা গিয়া অতা বেটিন্তর লগে খানা-দানা খাইয়া হউ দেব-দেবীর পুজা করলা।

ꠔꠃꠞꠣꠔ ৪: ꠡꠥꠝꠣꠞꠤ 25:2 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 20:5

Tumra itar puja ḳorio na, itar sheba-zoton ḳorio na. Mono rakio, ami Alla to la-shorik Mabud, kunu shorik shoijjo ḳori na. Huno, amare zera mane na, ami tarar gunar shaza dei, tarar tin-sair siṛi forzonto shaza dei.

ꠔꠃꠞꠣꠔ ২: ꠢꠤꠎꠞꠔ 22:20

“Ḳali Mabud saṛa dusra kuntar name zudi keu kunu boli-foshad dey, te tare-o shesh ḳorilte oibo.

ꠔꠃꠞꠣꠔ ২: ꠢꠤꠎꠞꠔ 23:24

Tumra tarar devtare puja ḳorio na, kezmot-o ḳorio na, ar hinor manshe zeta ḳoroin tumra ita ḳorio na. Tumra tarar deb-debir murtin ar tarar pujar monḍop oḳol bangia surmar ḳorilio.

ꠔꠃꠞꠣꠔ ২: ꠢꠤꠎꠞꠔ 32:6

Teu bador din kub sobre uṭia manshe devtar samne aia mongol boli ar foshu zalaia boli dila. Bade tara ḳaoa-daoa ḳoria hari, hoi-hulla ḳori nas-gan, furti-amud ḳorat lagla.

Injil 7: 1-Korintia 10:20

Na, muṭe-u na. Ta-o bidormi oḳole zoto nomunar boli dein, ita deo-danob, but-ferotor name-u dein, Allar name nae. Te ami sai na, ou but-ferotor loge tumrar kunu ḳatir-dusti rouk.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:38

Ḳoi gela hou deb-debi zetae ḳaisla sorbi, sorbi ala bolir gust ḳaisil besh ḳori. Zeta devtain ḳaisil sodgar shorbot, oḳon tara basauk aia tarar ummot. Shaijjo ḳorouk na aia tumrar hou ṭakur, asroy dey na ḳene naforman bodkur.

Injil 27: Zaira Kalam 2:14

Ta-o tumrar birudde amar kisu mat ase. Tumrar ono ola kisu manush asoin, zetae Musa nobir amolor bonḍo nobi Balamor talime soloin. Ou Balame bashsha Balakre hikaisil, zate he devtar murtir samnor foshad ḳaoaia ar zina ḳoraia, Boni Israilre gunar fote ney.