ꠔꠃꠞꠣꠔ ৪: ꠡꠥꠝꠣꠞꠤ 24:17 - Siloṭi Asmani Kitab (Latin lipi)

¹⁷ Ami to hou zonre dekiar, oḳon samne na taḳle-o dekiar. Tain amar ḳasat na oile-o, amar souk gia tan ufre foṛse. Iakubor bongshot aiba asmanor eḳ tera, Boni Israilor maze-u eḳ raz-laṭi zonmiba. Ein Muab zatir mata faṭaia dui ṭukra ḳorba, Shish nobir aolador ḳolla surmar ḳorba.

Siloṭi Asmani Kitab (Nagri lipi)

¹⁷ ꠀꠝꠤ ꠔ ꠢꠃ ꠎꠘꠞꠦ ꠖꠦꠈꠤꠀꠞ, ꠅꠈꠘ ꠍꠣꠝꠘꠦ ꠘꠣ ꠕꠣꠇꠟꠦꠅ ꠖꠦꠈꠤꠀꠞ। ꠔꠣꠁꠘ ꠀꠝꠣꠞ ꠇꠣꠍꠣꠔ ꠘꠣ ꠅꠁꠟꠦꠅ, ꠀꠝꠣꠞ ꠌꠃꠈ ꠉꠤꠀ ꠔꠣꠘ ꠃꠙꠞꠦ ꠙꠠꠍꠦ। ꠁꠀꠇꠥꠛꠞ ꠛꠋꠡꠔ ꠀꠁꠛꠣ ꠀꠍꠝꠣꠘꠞ ꠄꠇ ꠔꠦꠞꠣ, ꠛꠘꠤ ꠁꠍꠞꠣꠁꠟꠞ ꠝꠣꠎꠦꠃ ꠄꠇ ꠞꠣꠎ-ꠟꠣꠑꠤ ꠎꠘꠝꠤꠛꠣ। ꠄꠁꠘ ꠝꠥꠀꠛ ꠎꠣꠔꠤꠞ ꠝꠣꠕꠣ ꠚꠣꠐꠣꠁꠀ ꠖꠥꠁ ꠐꠥꠇꠞꠣ ꠇꠞꠛꠣ, ꠡꠤꠡ ꠘꠛꠤꠞ ꠀꠅꠟꠣꠖꠞ ꠇꠟ꠆ꠟꠣ ꠌꠥꠞꠝꠣꠞ ꠇꠞꠛꠣ।

ছিলটি আছমানি কিতাব (বাংলা লিপি)

¹⁷ আমি তো হউ জনরে দেখিয়ার, অখন ছামনে না থাকলেও দেখিয়ার। তাইন আমার কাছাত না অইলেও, আমার চউখ গিয়া তান উপরে পড়ছে। ইয়াকুবর বংশত আইবা আছমানর এক তেরা, বনি ইছরাইলর মাজেউ এক রাজ-লাঠি জন্মিবা। এইন মোয়াব জাতির মাথা ফাটাইয়া দুই টুকরা করবা, শিস নবীর আওলাদর কল্লা চুরমার করবা।

ꠔꠃꠞꠣꠔ ৪: ꠡꠥꠝꠣꠞꠤ 24:17 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 49:10

Ehudar at tone to raz-laṭi horto nae; tar duio faor maz tone bisaror goda zaito nae; zotodin Shilo na aiba, ar hoḳol zati tan hukume solba.

ꠔꠃꠞꠣꠔ ৪: ꠡꠥꠝꠣꠞꠤ 21:29

Haere Muab, shorbonash! O Komush-devtar bokto oḳol tumra to binash oigelae. Komushor fuain bagia horigese, tar fuṛin oḳol bondi oise, Amuri bashsha Sihunor ato bondi tara.

ꠔꠃꠞꠣꠔ ৪: ꠡꠥꠝꠣꠞꠤ 24:16

ze zone Allar kalam hunra, zeinor gese Allatalar aḳol-hekmot ase, zein shorbo-shoktimanor didar faira, zein soizdat foṛia batuni kobor deḳoin, ein oḳan ḳoira.

Injil 3: Luk 1:78

Amrar Allar rohom ar hou mohobbote, behesti nuror eḳ shuruz aiba ufrete, amrar ufre aia hari rakiba nozor.

Injil 19: Ibrani 1:8

Oile ou futor befare tain ḳoira, Ia Elahi, tumar toḳt hor-hamesha boail roibo, tumar insaf-u oilo hok insaf,

Injil 19: Ibrani 7:14

Amrar munib to Ehuda gusṭir maze foyda oisoin, i gusṭir ḳeu imam oiba ḳoria Musae kunta ḳoisoin na.

ꠁꠘ꠆ꠎꠤꠟ ২২: ২-ꠙꠤꠔꠞ 1:19

Ar amrar lagi aro boṛo forman oilo, Pak Kitabo nobi oḳole zotota batai gesoin. Andarir maze tumrar souk zelaḳan rushnir bae taḳe, ṭik olaḳan zoto shomoy bian oise na ar tumrar dilo fozoror shuk-tera uṭse na, oto shomoy tumra nobi oḳlor ḳotae kiali o, teu tumrar bala oibo.

Injil 26: Ehuda 1:11

Ita to lannoti! Iguin Baba Adomor lannoti fut Kabilor laḳan bonchoin. Duniabi labor ashae tara hou bonḍo nobi Balamor ḳaishor ato nizore shofi dise. Ar Musa nobir bae bigṛi zaora hou neta Kurahor laḳan tarar binash ase.

Injil 27: Zaira Kalam 1:7

Huno, tain megor saḳat oia toshrif anra, forteḳe tanre soukdi deḳbo, zara laḳṛidi banail solibo gatia tanre zane marilisil tara-o deḳbo, ar tan lagi duniar hoḳol zatie zure zure ḳandiba. Oula-u ouk, Amin.

Injil 27: Zaira Kalam 11:15

Bade shat nombor firistae tan shinga fukila. Teu behestor maze zure zure elan ḳora oilo, “Oḳon to duniar bashshai amrar Mabud ar tan Mosir hukum-o aise. Tain zug zug dori siroḳal bashshai korba.”

Injil 27: Zaira Kalam 22:16

“Te ami Isae amar firistare faṭaisi, zate ein zomat oḳlor lagi tumrar gese ota hoḳol befare zobanbondi dein. Ami to Bashsha Daudor ḳandan ar mul zoṛ, fozoror soḳsoḳa shuk-tera.”