ꠔꠃꠞꠣꠔ ৪: ꠡꠥꠝꠣꠞꠤ 23:23 - Siloṭi Asmani Kitab (Latin lipi)

²³ Iakubor aolador ufre kunu zadu-montro solto nae, Israil zatir ufre kunu tabiz-ḳobze ḳam aito nae. Tarar befare oḳon ou buli koa zae, Allae zeta ḳorsoin ota saia deḳo.

Siloṭi Asmani Kitab (Nagri lipi)

²³ ꠁꠀꠇꠥꠛꠞ ꠀꠅꠟꠣꠖꠞ ꠃꠙꠞꠦ ꠇꠥꠘꠥ ꠎꠣꠖꠥ-ꠝꠘꠔ꠆ꠞ ꠌꠟꠔ ꠘꠣꠄ, ꠁꠍꠞꠣꠁꠟ ꠎꠣꠔꠤꠞ ꠃꠙꠞꠦ ꠇꠥꠘꠥ ꠔꠣꠛꠤꠎ-ꠇꠛꠎꠦ ꠇꠣꠝ ꠀꠁꠔ ꠘꠣꠄ। ꠔꠣꠞꠣꠞ ꠛꠦꠙꠣꠞꠦ ꠅꠈꠘ ꠅꠃ ꠛꠥꠟꠤ ꠇꠅꠀ ꠎꠣꠄ, ꠀꠟ꠆ꠟꠣꠄ ꠎꠦꠔꠣ ꠇꠞꠍꠂꠘ ꠅꠔꠣ ꠌꠣꠁꠀ ꠖꠦꠈꠅ।

ছিলটি আছমানি কিতাব (বাংলা লিপি)

²³ ইয়াকুবর আওলাদর উপরে কুনু যাদু-মন্ত্র চলতো নায়, ইছরাইল জাতির উপরে কুনু তাবিজ-কবজে কাম আইতো নায়। তারার বেয়াপারে অখন অউ বুলি কওয়া যায়, আল্লায় যেতা করছইন অতা চাইয়া দেখো।

ꠔꠃꠞꠣꠔ ৪: ꠡꠥꠝꠣꠞꠤ 23:23 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 3:15

Ami tumar ar beṭir maze, tumar bongsho ar beṭi manshor bongshor maze dushmoni foyda ḳormu. Hi bongshe tumar ḳolla guṛa ḳorbo, ar tumi tar faor murat ḳamṛaibae.”

ꠎꠛꠥꠞ ꠡꠞꠤꠚ 31:19

Tumar ashik bondar lagi zoma ase ḳoto doya, asroy loise zara tumar sayat aia, hoḳlor samne tarare deḳaiso tumar oto maya.

ꠔꠃꠞꠣꠔ ৪: ꠡꠥꠝꠣꠞꠤ 24:1

Balam pire zebla buzla, Boni Israilre dua deoa-u oilo Mabudor ichcha, buzia tain agor laḳan ar isteḳara-azirator sesṭa ḳorla na. Borong tan nizor muk morubumir bae firailla.

ꠁꠘ꠆ꠎꠤꠟ ১: ꠝꠕꠤ 12:25

Tarar monor sinta buzia Isae ḳoila, “Kunu deshor bitre doladoli lagigele, i desh to binash oizae. Ou laḳan kunu foribaror maze ba kunu ṭauno zebla doladoli lagizae, ita-o ar ṭike na.

ꠁꠘ꠆ꠎꠤꠟ ১: ꠝꠕꠤ 12:27

Ami zudi Bel-Sobulor bole zinnat saṛai, te tumrar manshe ḳar bole saṛae? Tumrar mator bisar tumrar manshe-u ḳorba.

ꠁꠘ꠆ꠎꠤꠟ ১: ꠝꠕꠤ 16:18

Te ami tumare ḳoiram, tumi to fattor, erlagi tumar nam dislam Fitor, ar ou fattoror ufre-u amar torikar tamam zomat goṛia tulmu. Duzoki kunu shoktie-u er loge farto nae.

Injil 4: Hannan 11:47

Ita hunia boṛo imam oḳole ar Forishi dolor manshe deshor fotua komiṭire loia ekḳano boila, boia ḳoila, “Amra oḳon kita ḳortam? I beṭae to bout keramoti kam deḳar.

Injil 5: Sahabi Nama 10:38

Allae Nasarotor Isare Pak Ruhu ar kudrote kila ḳas kolifa banaisla; tain bala ḳam ḳori kori sofor ḳorta, ar zine dora bemari oḳolre bala ḳorta, Alla Pak to tan loge asla.

Injil 5: Sahabi Nama 15:12

Teu hokkol nirai oigela; Paulus ar Barnabasor zoriae Allae o-Ihudir maze zeta muzeza ar keramoti kam oḳol ḳoraisoin, tarar muk taki ota hunla.

Injil 5: Sahabi Nama 4:16

ḳoila, “I manshore loia amra kita ḳortam? Era to bout boṛo ek keramoti kam ḳorse ar ita to asta Zeruzalemor hoḳole zane, ar amra-o iṭare oshikar ḳortam fariar na.

Injil 5: Sahabi Nama 5:12

Sahabi oḳlor atane manshor maze bout muzeza ar keramoti nishana zair oito, tara hoḳole eḳ dil oia Baytul-Mukaddosor Sulaimanor barindat dola oita.

Injil 5: Sahabi Nama 5:14

Ar dine dine bout beṭain-beṭinte iman ania Allar dolo hamanit lagla.

Injil 6: Ruman 16:20

Shanti deora Allae Iblis-Shoytanre kub zoldi kori tumrar faor tole falai fishaiba. Amrar Malik Isa al-Mosir rohom-niamot tumrar ufre zari rouk.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 3:24

O Mabud Moula, tumar gulamre to oḳon-u deḳani dorso, tumi koto mohan ar ḳoto boloban. Tumi ou zotota ḳorso, ita ḳorar shaiddo ḳar ase, asmano ba zominor kunu devtar takkot ase ni, tumar laḳan dafoṭ deḳaito?

Injil 27: Zaira Kalam 12:9

Hou danobre ar tar sela-samsa oḳolre duniat falai deoa oilo. Ou danob oilo hou furana haf, zegur nam Iblis-Shoytan, he duniar hoḳol manshore be-foti banae.