ꠔꠃꠞꠣꠔ ৪: ꠡꠥꠝꠣꠞꠤ 23:10 - Siloṭi Asmani Kitab (Latin lipi)

¹⁰ Iakubor aolad deki balur danar moto, gonia fuṛaito tare ḳar ase shaiddo? Moron zanu oy amar nekkar ou dolor laḳan aḳerato ouk mor tarar-u laḳan.”

Siloṭi Asmani Kitab (Nagri lipi)

¹⁰ ꠁꠀꠇꠥꠛꠞ ꠀꠅꠟꠣꠖ ꠖꠦꠈꠤ ꠛꠣꠟꠥꠞ ꠖꠣꠘꠣꠞ ꠝꠔ, ꠉꠘꠤꠀ ꠚꠥꠠꠣꠁꠔ ꠔꠣꠞꠦ ꠇꠣꠞ ꠀꠍꠦ ꠡꠣꠁꠖ꠆ꠖ? ꠝꠞꠘ ꠎꠣꠘꠥ ꠅꠄ ꠀꠝꠣꠞ ꠘꠦꠇꠇꠣꠞ ꠅꠃ ꠖꠟꠞ ꠟꠣꠈꠣꠘ ꠀꠈꠦꠞꠣꠔꠅ ꠅꠃꠇ ꠝꠞ ꠔꠣꠞꠣꠞꠃ ꠟꠣꠈꠣꠘ।”

ছিলটি আছমানি কিতাব (বাংলা লিপি)

¹⁰ ইয়াকুবর আওলাদ দেখি বালুর দানার মত, গনিয়া ফুড়াইতো তারে কার আছে সাইধ্য? মরন যানু অয় আমার নেককার অউ দলর লাখান আখেরাতো অউক মোর তারারউ লাখান।”

ꠔꠃꠞꠣꠔ ৪: ꠡꠥꠝꠣꠞꠤ 23:10 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 13:16

Ami tumar oarishre duniair duil-balur laḳan behishab ḳormu. Duniar duil-balu zudi keu gonia fuṛaito fare, te tumar oarishre-o gonto farbo.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 22:17

ami nisoy tumare borkot nazil ḳormu, tumar bongshore asmanor tera ar doriar soror balur laḳan behishab ḳormu. Tumar bongshoe tarar dushmonor ṭaun oḳol doḳol ḳorba.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 28:14

Tumar oarish oḳol duniair duil-balur laḳan behishab oiba. Ar fube-foisme, utore-douḳne sairobae meliziba. Tumi ar tumar bongshor mazedi duniair hokkol zatie borkot hasil ḳorba.

ꠎꠛꠥꠞ ꠡꠞꠤꠚ 37:37

Ni-oforadir bae sao deḳo hok manshor bae, ṭikia roy tar aolad shae-shanti ze bala fae.

ꠔꠃꠞꠣꠔ ৪: ꠡꠥꠝꠣꠞꠤ 2:16

Rubenor fotaḳar ou tino ḳandano gona sifair zuka muṭ manush oila, eḳ laḳ eḳanno azar sair-sho foinchash zon. Soforor shomoy tara dusra ḳafelat roana diba.

ꠔꠃꠞꠣꠔ ৪: ꠡꠥꠝꠣꠞꠤ 2:24

Afraimor fotaḳar ou tino ḳandanor gona sifair zuka muṭ manush oila, eḳ laḳ aṭ azar eḳ-sho zon. Tara tin nombor ḳafelat roana diba.

ꠔꠃꠞꠣꠔ ৪: ꠡꠥꠝꠣꠞꠤ 2:31

Danor fotaḳar ou tino ḳandanor gona sifair zuka muṭ manush oila, eḳ laḳ shatanno azar soy-sho zon. Era hoḳol heshor ḳafelat roana diba.”

ꠔꠃꠞꠣꠔ ৪: ꠡꠥꠝꠣꠞꠤ 2:9

Ehudar fotaḳar ou tino ḳandanor gona sifair zuka muṭ manush oila, eḳ laḳ siashi azar sair-sho. Soforor shomoy tarar ḳafela hoḳlor age roana diba.

ꠔꠃꠞꠣꠔ ৪: ꠡꠥꠝꠣꠞꠤ 31:8

Shadaron manshor loge Madiani oḳlor fas zon bashshare-o tara marilila. Ou bashshain oila, Ibi, Reḳom, Shur, Hur ar Reba. Ar erar loge Balam bin Baur namor hou pirre-o tara zane marilila.

Injil 8: 2-Korintia 5:1

Amra zani, amra i duniabi ze ḍera-goro boshot ḳori, mani ze ḳomzur shoril loia asi, ikan zudi binash-o oizae, tebou Allar deoa ekkan gor amrar ase. I gor kunu manshor ator banail nae, ikan to hamesha behesto ase.

Injil 27: Zaira Kalam 14:13

Bade ami hunlam, behest taki eḳzone ḳoira, “Ou ayat leḳo, oḳon taki malikor torikat roia zoto zonor zan zaibo, era-u nek-kofali.” Pak Ruhe ou shakki dira, “Nichchoy era-u nek-kofali. Tarar ḳam-ḳaz taki tara rehai faiba, ḳaron tarar ḳamor fol tarar loge loge roibo.”