ꠔꠃꠞꠣꠔ ৪: ꠡꠥꠝꠣꠞꠤ 22:6 - Siloṭi Asmani Kitab (Latin lipi)

⁶ Ita to amra taki beshi boloban. Erlagi afne aukka, aia otare lannot deukka. Teu ami hoyto tarare maria desh taki kedaitam farmu. Ar ami to zani, afne zare dua dein he ṭik-u dua fae, ar zare lannot dein tar ufre hasau lannot foṛe.”

Siloṭi Asmani Kitab (Nagri lipi)

⁶ ꠁꠔꠣ ꠔ ꠀꠝꠞꠣ ꠕꠣꠇꠤ ꠛꠦꠡꠤ ꠛꠟꠛꠣꠘ। ꠄꠞꠟꠣꠉꠤ ꠀꠙꠘꠦ ꠀꠃꠇ꠆ꠇꠣ, ꠀꠁꠀ ꠅꠔꠣꠞꠦ ꠟꠣꠘ꠆ꠘꠔ ꠖꠦꠃꠇ꠆ꠇꠣ। ꠔꠦꠃ ꠀꠝꠤ ꠢꠄꠔ ꠔꠣꠞꠣꠞꠦ ꠝꠣꠞꠤꠀ ꠖꠦꠡ ꠕꠣꠇꠤ ꠈꠦꠖꠣꠁꠔꠣꠝ ꠙꠣꠞꠝꠥ। ꠀꠞ ꠀꠝꠤ ꠔ ꠎꠣꠘꠤ, ꠀꠙꠘꠦ ꠎꠣꠞꠦ ꠖꠥꠀ ꠖꠦꠁꠘ ꠢꠦ ꠑꠤꠇꠃ ꠖꠥꠀ ꠙꠣꠄ, ꠀꠞ ꠎꠣꠞꠦ ꠟꠣꠘ꠆ꠘꠔ ꠖꠦꠁꠘ ꠔꠣꠞ ꠃꠙꠞꠦ ꠢꠣꠍꠣꠃ ꠟꠣꠘ꠆ꠘꠔ ꠙꠠꠦ।”

ছিলটি আছমানি কিতাব (বাংলা লিপি)

⁶ ইতা তো আমরা থাকি বেশি বলবান। এরলাগি আপনে আউক্কা, আইয়া অতারে লান্নত দেউক্কা। তেউ আমি হয়তো তারারে মারিয়া দেশ থাকি খেদাইতাম পারমু। আর আমি তো জানি, আপনে যারে দোয়া দেইন হে ঠিকউ দোয়া পায়, আর যারে লান্নত দেইন তার উপরে হাছাউ লান্নত পড়ে।”

ꠔꠃꠞꠣꠔ ৪: ꠡꠥꠝꠣꠞꠤ 22:6 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 12:3

Ar huno, tumare zara dua diba, ami Allae tarare rohom-borkot dimu, oile zara tumare boddua diba, ami tarare lannot dimu. Duniar hoḳol zatie tumar usillae rohom-borkot faiba.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 27:29

Hoḳol manush tumar gulam ouk, hoḳol zatie tumar gese mata nuauk. Nizor zator maze tumi boṛo murobbi o, tumar maʼr feṭor baiainte tumar gese mata nuauk. Ze tumare lannot dibo, tar ufre lannot foṛouk. Ze tumare dua ḳorbo, he rohomoti ouk.”

ꠔꠃꠞꠣꠔ ৪: ꠡꠥꠝꠣꠞꠤ 22:12

Oile Mabude Balamre ḳoila, “Tumi erar loge zaio na, ar hita manshore kunu lannot-o dio na. Mono rakio, tara amar rohom-borkot faoa bonda.”

ꠔꠃꠞꠣꠔ ৪: ꠡꠥꠝꠣꠞꠤ 22:17

Tain afnare bout ijjot-boḳshish diba, ar afne zela ḳoiba, tain ola-u ḳorba. Ḳali afne zanu tan fokko loia ota manshore lannot dein, tain oḳan-u saira.”

ꠔꠃꠞꠣꠔ ৪: ꠡꠥꠝꠣꠞꠤ 23:13

Bade bashsha Balake Balam pirre ḳoila, “Afne amar loge aroḳ zagat aukka. Hon tone afnar souke Boni Israilor deḳa faiba. Tara hoḳolre deḳa zaito nae, ḳali eḳ ongshore afne deḳba, dekia afne amar fokko loia tarare lannot diba.”

ꠔꠃꠞꠣꠔ ৪: ꠡꠥꠝꠣꠞꠤ 23:27

Bade Balak bashshae Balam pirre ḳoila, “Aukka, ami afnare aroḳ zagat loia zaimu. Hono gele oito fare Allae kushi oia amar fokko loiba, ar afnaredi hotar ufre lannot dite diba.”

ꠔꠃꠞꠣꠔ ৪: ꠡꠥꠝꠣꠞꠤ 24:9

Shinghor laḳan tara ḳaf dori hutibo, tarare laṛanir shaosh oibo kun beṭar? Tumrare zera dua diba, erar ufre dua lamouk; tumrare zetae lannot diba, itar ufre lannot foṛouk.”

Injil 5: Sahabi Nama 16:16

Eḳdin amra zebla hou dua ḳorar zagat zaoat aslam, ou shomoy zinnat shadoki eḳ bandi beṭi aḳta-u amrar samne ailo. Tai baiggo gonia tair girost oḳolre bout lab ḳoraito.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 23:4

Mono ase ni, tumra Mishor desh taki bar oia aibar ḳalo, fotor maze tara tumrar ḳani-fani loia aguai aise na, borong tumrare boddua dibar lagi Balam bin Baur namor eḳ pirre tara gush disil, dia Oram-Nohoroyim deshor Fotur ṭaun taki tare baṛa ḳori anchil.