ꠔꠃꠞꠣꠔ ৪: ꠡꠥꠝꠣꠞꠤ 22:5 - Siloṭi Asmani Kitab (Latin lipi)

⁵ Bashshae ḍoraia Balam bin Baur namor pir sabre anar lagi kobria faṭaila. Balam to ou shomoy tan nizor deshor Furat gangor faro Fotur ṭauno asla. Balake ḳobriare ḳoia dila, “Tumra gia tanre ḳoio, Mishor desh taki eḳdol manush bar oia aise. Aia asta zomin boria ḳali gisgis ḳorra, tara oḳon amar samne boshot ḳorra.

Siloṭi Asmani Kitab (Nagri lipi)

⁵ ꠛꠣꠖꠡꠣꠄ ꠒꠞꠣꠁꠀ ꠛꠣꠟꠣꠝ ꠛꠤꠘ ꠛꠣꠃꠞ ꠘꠣꠝꠞ ꠙꠤꠞ ꠍꠣꠛꠞꠦ ꠀꠘꠣꠞ ꠟꠣꠉꠤ ꠈꠛꠞꠤꠀ ꠙꠣꠑꠣꠁꠟꠣ। ꠛꠣꠟꠣꠝ ꠔ ꠅꠃ ꠡꠝꠄ ꠔꠣꠘ ꠘꠤꠎꠞ ꠖꠦꠡꠞ ꠚꠥꠞꠣꠔ ꠉꠣꠋꠉꠞ ꠙꠣꠞꠅ ꠚꠔꠥꠞ ꠐꠣꠃꠘꠅ ꠀꠍꠟꠣ। ꠛꠣꠟꠣꠇꠦ ꠈꠛꠞꠤꠀꠞꠦ ꠇꠁꠀ ꠖꠤꠟꠣ, “ꠔꠥꠝꠞꠣ ꠉꠤꠀ ꠔꠣꠘꠞꠦ ꠇꠁꠅ, ꠝꠤꠡꠞ ꠖꠦꠡ ꠕꠣꠇꠤ ꠄꠇꠖꠟ ꠝꠣꠘꠥꠡ ꠛꠣꠞ ꠅꠁꠀ ꠀꠁꠍꠦ। ꠀꠁꠀ ꠀꠡ꠆ꠔꠣ ꠎꠝꠤꠘ ꠜꠞꠤꠀ ꠈꠣꠟꠤ ꠉꠤꠍꠉꠤꠍ ꠇꠞꠞꠣ, ꠔꠣꠞꠣ ꠅꠈꠘ ꠀꠝꠣꠞ ꠍꠣꠝꠘꠦ ꠛꠡꠔ ꠇꠞꠞꠣ।

ছিলটি আছমানি কিতাব (বাংলা লিপি)

⁵ বাদশায় ডরাইয়া বালাম বিন বাউর নামর পীর ছাবরে আনার লাগি খবরিয়া পাঠাইলা। বালাম তো অউ সময় তান নিজর দেশর ফোরাত গাংগর পারো ফতুর টাউনো আছলা। বালাকে খবরিয়ারে কইয়া দিলা, “তুমরা গিয়া তানরে কইও, মিসর দেশ থাকি একদল মানুষ বার অইয়া আইছে। আইয়া আস্তা জমিন ভরিয়া খালি গিছগিছ কররা, তারা অখন আমার ছামনে বসত কররা।

ꠔꠃꠞꠣꠔ ৪: ꠡꠥꠝꠣꠞꠤ 22:5 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 13:16

Ami tumar oarishre duniair duil-balur laḳan behishab ḳormu. Duniar duil-balu zudi keu gonia fuṛaito fare, te tumar oarishre-o gonto farbo.

ꠔꠃꠞꠣꠔ ২: ꠢꠤꠎꠞꠔ 10:15

Tara asta zominor ufor gurilila, desh andair oigelo, ar zominor zoto ḳet, gas-gasali hil-tufan taki basi gesil, ita hokkolta ḳailila. Asta Mishoror kunu gas-gasali ba ḳetor foshol kunta-u roilo na.

ꠔꠃꠞꠣꠔ ৪: ꠡꠥꠝꠣꠞꠤ 23:7

Ou shomoy Balam pire Allar hikaia deoa ou buli hoḳol hunaila, ḳoila, “Siria desh taki Balake amare anaisoin, fubor faṛ oḳlor daro taki Muabor bashsha Balake-u more zugaisoin. Zugaia ḳoila, amar fokko loia Iakubor aolad Boni Israilre lannot deukka, otare boddua deukka.

ꠔꠃꠞꠣꠔ ৪: ꠡꠥꠝꠣꠞꠤ 31:8

Shadaron manshor loge Madiani oḳlor fas zon bashshare-o tara marilila. Ou bashshain oila, Ibi, Reḳom, Shur, Hur ar Reba. Ar erar loge Balam bin Baur namor hou pirre-o tara zane marilila.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 23:4

Mono ase ni, tumra Mishor desh taki bar oia aibar ḳalo, fotor maze tara tumrar ḳani-fani loia aguai aise na, borong tumrare boddua dibar lagi Balam bin Baur namor eḳ pirre tara gush disil, dia Oram-Nohoroyim deshor Fotur ṭaun taki tare baṛa ḳori anchil.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 23:5

Oile tumrar Mabud Allae ou Balamor arzit shae disoin na, tain to tumrare mohobbot ḳoroin, erlagi hou Balam piror bodduare bodlaia tain nek-dua banaila.

Injil 26: Ehuda 1:11

Ita to lannoti! Iguin Baba Adomor lannoti fut Kabilor laḳan bonchoin. Duniabi labor ashae tara hou bonḍo nobi Balamor ḳaishor ato nizore shofi dise. Ar Musa nobir bae bigṛi zaora hou neta Kurahor laḳan tarar binash ase.

Injil 27: Zaira Kalam 2:14

Ta-o tumrar birudde amar kisu mat ase. Tumrar ono ola kisu manush asoin, zetae Musa nobir amolor bonḍo nobi Balamor talime soloin. Ou Balame bashsha Balakre hikaisil, zate he devtar murtir samnor foshad ḳaoaia ar zina ḳoraia, Boni Israilre gunar fote ney.