ꠔꠃꠞꠣꠔ ৪: ꠡꠥꠝꠣꠞꠤ 22:12 - Siloṭi Asmani Kitab (Latin lipi)

¹² Oile Mabude Balamre ḳoila, “Tumi erar loge zaio na, ar hita manshore kunu lannot-o dio na. Mono rakio, tara amar rohom-borkot faoa bonda.”

Siloṭi Asmani Kitab (Nagri lipi)

¹² ꠅꠁꠟꠦ ꠝꠣꠛꠥꠖꠦ ꠛꠣꠟꠣꠝꠞꠦ ꠇꠁꠟꠣ, “ꠔꠥꠝꠤ ꠄꠞꠣꠞ ꠟꠉꠦ ꠎꠣꠁꠅ ꠘꠣ, ꠀꠞ ꠢꠤꠔꠣ ꠝꠣꠘꠡꠞꠦ ꠇꠥꠘꠥ ꠟꠣꠘ꠆ꠘꠔꠅ ꠖꠤꠅ ꠘꠣ। ꠝꠘꠅ ꠞꠣꠈꠤꠅ, ꠔꠣꠞꠣ ꠀꠝꠣꠞ ꠞꠢꠝ-ꠛꠞꠇꠔ ꠙꠣꠅꠀ ꠛꠘ꠆ꠖꠣ।”

ছিলটি আছমানি কিতাব (বাংলা লিপি)

¹² অইলে মাবুদে বালামরে কইলা, “তুমি এরার লগে যাইও না, আর হিতা মানষরে কুনু লান্নতও দিও না। মনো রাখিও, তারা আমার রহম-বরকত পাওয়া বন্দা।”

ꠔꠃꠞꠣꠔ ৪: ꠡꠥꠝꠣꠞꠤ 22:12 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 12:2

Tumar maz taki ami bout boṛo eḳ zati foyda ḳormu. Tumare rohom-borkot dimu. Ami tumare boṛo ijjoti banaimu, ar tumar usillae asta duniar manshe rohom-borkot faiba.

ꠔꠃꠞꠣꠔ ৪: ꠡꠥꠝꠣꠞꠤ 22:11

ḳoisoin, Mishor desh taki eḳdol manush aia asta desho gisgis ḳorra. Oḳon afne aia tarare lannot deukka. Teu ami zuddo ḳoria tarare bule ḳedaitam farmu.”

ꠔꠃꠞꠣꠔ ৪: ꠡꠥꠝꠣꠞꠤ 22:13

Bador din biane Balam gum taki uṭia Balakor ḳobria oḳolre ḳoila, “Afnara zarzir desho firot zaukkagi. Ar Mabude amare mana ḳorsoin, afnarar loge na zaoar lagi.”

ꠔꠃꠞꠣꠔ ৪: ꠡꠥꠝꠣꠞꠤ 22:6

Ita to amra taki beshi boloban. Erlagi afne aukka, aia otare lannot deukka. Teu ami hoyto tarare maria desh taki kedaitam farmu. Ar ami to zani, afne zare dua dein he ṭik-u dua fae, ar zare lannot dein tar ufre hasau lannot foṛe.”

ꠔꠃꠞꠣꠔ ৪: ꠡꠥꠝꠣꠞꠤ 23:23

Iakubor aolador ufre kunu zadu-montro solto nae, Israil zatir ufre kunu tabiz-ḳobze ḳam aito nae. Tarar befare oḳon ou buli koa zae, Allae zeta ḳorsoin ota saia deḳo.

ꠔꠃꠞꠣꠔ ৪: ꠡꠥꠝꠣꠞꠤ 23:3

Erbade Balam pire Balakre ḳoila, “Afnar kurbani deoa ou foshur ḳasat afne roukka. Ami tuṛa horia zairam, oito fare Mabude amare doroshon diba. Tain amare zeta zanaiba, ami aia afnare ḳoimune.” Oḳan ḳoia Balam pir gia faṛor hoḳol taki usa ṭillar ufre uṭila.

ꠔꠃꠞꠣꠔ ৪: ꠡꠥꠝꠣꠞꠤ 23:8

Oile Allae lannot disoin na zare, ami kilan dimu lannot tare? Mabude ḳeti korar ḳota na ḳorsoin zar, ami kilan ḳetir ḳota ḳoitam tar?

ꠔꠃꠞꠣꠔ ৪: ꠡꠥꠝꠣꠞꠤ 24:9

Shinghor laḳan tara ḳaf dori hutibo, tarare laṛanir shaosh oibo kun beṭar? Tumrare zera dua diba, erar ufre dua lamouk; tumrare zetae lannot diba, itar ufre lannot foṛouk.”

ꠁꠘ꠆ꠎꠤꠟ ১: ꠝꠕꠤ 27:19

Filat zebla hakimor ashono boat, ou shomoy tan bibie ḳobor faṭaia zanaila, “Ou ni-oforad manshore tumi kunta ḳorio na, tan befare ami aiz eḳṭa kuab dekia boṛo duk lagse.”

Injil 6: Ruman 11:29

Ḳaron Allae tan rohomotor dan-dokkina ar tan daotor ḳota kunumonte-u mot bodlain na.

Injil 10: Ifisia 1:3

Alla Pakor tarif ouk, tain-u Isa al-Mosir Alla ar tan gaibi baf, ar ou Hozrot Isa-u amrar malik. Alla Pake to al-Mosir usillae asmanor forteḳ nomunar ruhani rohomot amrare dan ḳorsoin.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 2:7

“Tumrar Mabud Allae hoḳol ḳamor maze-u tumrare rohom-borkot disoin. Ou oto boṛo morubumi faronir bala tain tumrare hefazot ḳorsoin. Ou sallish bosor dori tumrar Mabud Alla tumrar loge loge asoin, erlagi kunu laḳan obab oise na.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 23:5

Oile tumrar Mabud Allae ou Balamor arzit shae disoin na, tain to tumrare mohobbot ḳoroin, erlagi hou Balam piror bodduare bodlaia tain nek-dua banaila.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:6

“Hoḳol halote hoḳol ḳamo tumi rohom-borkot faibae.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:29

O Boni Israil, mubarok aolad tumi! Tumi oilae Mabud Allar azad ḳora zati. Shoyong Mabud oila tumar zan basanir ḍal, tain-u oila tumar joyor darail toluar. Dushmon tumar samne aile tor-toraia ḳafe, tumi tarar bukur ufre maṛa dibae ne.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 7:14

Hoḳol zati taki tumra beshi rohom-borkot faibae, tumrar beṭain-beṭin ba tumrar foshur falor ḳeu aṭkura roito nae.