ꠔꠃꠞꠣꠔ ৪: ꠡꠥꠝꠣꠞꠤ 21:24 - Siloṭi Asmani Kitab (Latin lipi)

²⁴ Zuddot Boni Israile hou bashshare toluardi kaṭia Ornon ḳal taki Zabbuk kal forzonto tar asta desh doḳol ḳorilila. Tara Boni-Ammanor shimana forzonto hoḳol zaga doḳol ḳorla, oile Boni-Ammanor shimana asil kub mozbut, ikanre ḍingaia zaoa ḳoṭin.

Siloṭi Asmani Kitab (Nagri lipi)

²⁴ ꠎꠥꠖ꠆ꠖꠔ ꠛꠘꠤ ꠁꠍꠞꠣꠁꠟꠦ ꠢꠃ ꠛꠣꠖꠡꠣꠞꠦ ꠔꠟꠥꠀꠞꠖꠤ ꠇꠣꠐꠤꠀ ꠅꠞꠘꠘ ꠈꠣꠟ ꠕꠣꠇꠤ ꠎꠣꠛ꠆ꠛꠥꠇ ꠈꠣꠟ ꠙꠞ꠆ꠎꠘ꠆ꠔ ꠔꠣꠞ ꠀꠡ꠆ꠔꠣ ꠖꠦꠡ ꠖꠈꠟ ꠇꠞꠤꠟꠤꠟꠣ। ꠔꠣꠞꠣ ꠛꠘꠤ-ꠀꠝ꠆ꠝꠣꠘꠞ ꠡꠤꠝꠣꠘꠣ ꠙꠞ꠆ꠎꠘ꠆ꠔ ꠢꠇꠟ ꠎꠣꠉꠣ ꠖꠈꠟ ꠇꠞꠟꠣ, ꠅꠁꠟꠦ ꠛꠘꠤ-ꠀꠝ꠆ꠝꠣꠘꠞ ꠡꠤꠝꠣꠘꠣ ꠀꠍꠤꠟ ꠈꠥꠛ ꠝꠎꠛꠥꠔ, ꠁꠈꠣꠘꠞꠦ ꠒꠤꠋꠉꠣꠁꠀ ꠎꠣꠅꠀ ꠇꠑꠤꠘ।

ছিলটি আছমানি কিতাব (বাংলা লিপি)

²⁴ যুদ্ধত বনি ইছরাইলে হউ বাদশারে তলোয়ারদি কাটিয়া অরনন খাল থাকি জাব্বোক খাল পর্যন্ত তার আস্তা দেশ দখল করিলিলা। তারা বনি-আম্মানর সীমানা পর্যন্ত হকল জাগা দখল করলা, অইলে বনি-আম্মানর সীমানা আছিল খুব মজবুত, ইখানরে ডিংগাইয়া যাওয়া কঠিন।

ꠔꠃꠞꠣꠔ ৪: ꠡꠥꠝꠣꠞꠤ 21:24 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 32:22

Heshe rait uṭia tan duio bibin, duio bandi ar egarogu fuare loia faoe aṭia, Zabbuk kalor hofaro toia aila.

ꠔꠃꠞꠣꠔ ৪: ꠡꠥꠝꠣꠞꠤ 21:13

Zered taki roana dia Ornon hukna ḳalor hofaro gia tambu ṭanaila. Amuri oḳlor desho taki ze morubumi shuru oise, i kal asil ou morubumit. Ḳalor eḳ faro Muab desh, oinno faro Amuri oḳlor desh.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:4

Tain laṛai kori Amuri oḳlor bashsha Sihunre ar Bashon deshor bashsha Uzre araia harle ita ḳoila. Ou Sihune bashshai korta Hishbon ṭauno, ar Uze bashshai korta Osṭarut ar Idri ṭauno.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 29:7

“Tumra hou zagat zaoar bade, Hishbonor bashsha Sihun ar Bashonor bashsha Uze amrar loge laṛai korat aisla, aile amra tarare arai dilam.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 3:16

Oile Giliod taki Ornonor faṛia ḳalor mazamazi forzonto hoḳol zaga, ar hon taki Boni-Amman zatir shimana Zabbuk kal forzonto ami Ruben ar Sadu ḳandanre dilam.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 31:4

Mabude Amuri oḳlor bashsha Sihun ar Uzre zelaḳan binash ḳorsila, hou zati oḳolre-o ola binash ḳorba.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:46

Tain Zordan gangor fubor faro, Hishbon elaḳar Amuri zatir raza Sihunor deshor Bayt-Piyuror samnor tol zagat ita ḳoila. Mishor taki bar oia aia harle Musa nobie ar Boni Israile zuddo ḳori ou bashsha Sihunre araisla.