ꠔꠃꠞꠣꠔ ৪: ꠡꠥꠝꠣꠞꠤ 20:10 - Siloṭi Asmani Kitab (Latin lipi)

¹⁰ Loia Musa ar Harune manshore ou fattoror gese dola ḳorla. Ar Musae tarare ḳoila, “O beimanor zat, huno, amra ou fattor taki tumrar lagi fani bar ḳortam ni?”

Siloṭi Asmani Kitab (Nagri lipi)

¹⁰ ꠟꠁꠀ ꠝꠥꠍꠣ ꠀꠞ ꠢꠣꠞꠥꠘꠦ ꠝꠣꠘꠡꠞꠦ ꠅꠃ ꠙꠣꠔ꠆ꠔꠞꠞ ꠉꠦꠍꠦ ꠖꠟꠣ ꠇꠞꠟꠣ। ꠀꠞ ꠝꠥꠍꠣꠄ ꠔꠣꠞꠣꠞꠦ ꠇꠁꠟꠣ, “ꠅ ꠛꠦꠁꠝꠣꠘꠞ ꠎꠣꠔ, ꠢꠥꠘꠅ, ꠀꠝꠞꠣ ꠅꠃ ꠙꠣꠔ꠆ꠔꠞ ꠕꠣꠇꠤ ꠔꠥꠝꠞꠣꠞ ꠟꠣꠉꠤ ꠙꠣꠘꠤ ꠛꠣꠞ ꠇꠞꠔꠣꠝ ꠘꠤ?”

ছিলটি আছমানি কিতাব (বাংলা লিপি)

¹⁰ লইয়া মুছা আর হারুনে মানষরে অউ পাথরর গেছে দলা করলা। আর মুছায় তারারে কইলা, “ও বেইমানর জাত, হুনো, আমরা অউ পাথর থাকি তুমরার লাগি পানি বার করতাম নি?”

ꠔꠃꠞꠣꠔ ৪: ꠡꠥꠝꠣꠞꠤ 20:10 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 40:8

Tara zuaf dila, “Amra to kuab deḳsi, oile er tabir buzai deora ḳeu nae.” Iusufe tarare ḳoila, “Mani buzanir ḳemota kita Allae dein na ni? Deki sain, amare hunaukka.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 41:16

Iusufe zuaf dila, “Hi kemota to amar nae, Alla Pake moharazor dilor shantir zuaf bataia diba ne.”

ꠔꠃꠞꠣꠔ ২: ꠢꠤꠎꠞꠔ 17:6

Gia harle ami Tur faṛor ḳandat eḳ fattoror ufre azir oimu, tumi ou fattoro baṛi marle ogu taki fani bar oibo, teu manshe ḳaita farba.” Hasau Musae Israilor murobbi oḳlor samne oula ḳorla.

ꠔꠃꠞꠣꠔ ৪: ꠡꠥꠝꠣꠞꠤ 20:24

“Harun to tar baf-dadar gese ḳoyboro zaitegi oibo. Ar ami Boni Israilre ze desh dimu, he to hi desho zaito farto nae. Mono ase ni, Meriba namor zagat fanir befare tumra amar hukumor ulṭa ḳam ḳorso.

ꠁꠘ꠆ꠎꠤꠟ ১: ꠝꠕꠤ 5:22

Oile ami tumrare ḳoiram, ze manshe tar bai-biradoror loge rag-gusa ḳore, he bisaror daṛo foṛbo. He zudi tar baire ḳoy, ‘Tumi to be-aḳol’ te aro boṛo bisaror daṛo foṛbo. Ar ze zone tar baire ḳoy, ‘Tumi beokuf,’ he duzoḳor aguino zolbo.

Injil 7: 1-Korintia 3:7

Erlagi zein bis lagain ar zein fani dein, era ashole kunta-u nae, oile zein itare boṛo ḳori tuloin, tain-u hokkolta.

Injil 10: Ifisia 4:26

Rag-gusa ḳorle-o i ragor lagi guna ḳorio na, shuruz ḍubar age-u gusar ḳota faurilao,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 9:24

Ashole ami zedin taki tumrare sini, hou din taki-u dekiar, tumra hamesha Mabudor hukumor ulṭa solrae.

Injil 20: Iakub 3:2

Amra hoḳol-u nanan nomunae be-foti oi. Ḳeu zudi zoban dia kunu guna na ḳore, te he kamil manush, tar asta shoril-u shamlaito farbo.