ꠔꠃꠞꠣꠔ ৪: ꠡꠥꠝꠣꠞꠤ 19:15 - Siloṭi Asmani Kitab (Latin lipi)

¹⁵ Ou boshot tambur bitoror zeta tal-bashon hora dia gura asil na, ota-o nafak oizibo.

Siloṭi Asmani Kitab (Nagri lipi)

¹⁵ ꠅꠃ ꠛꠡꠔ ꠔꠣꠝ꠆ꠛꠥꠞ ꠜꠤꠔꠞꠞ ꠎꠦꠔꠣ ꠕꠣꠟ-ꠛꠣꠡꠘ ꠢꠞꠣ ꠖꠤꠀ ꠉꠥꠞꠣ ꠀꠍꠤꠟ ꠘꠣ, ꠅꠔꠣꠅ ꠘꠣꠙꠣꠇ ꠅꠁꠎꠤꠛ।

ছিলটি আছমানি কিতাব (বাংলা লিপি)

¹⁵ অউ বসত তাম্বুর ভিতরর যেতা থাল-বাসন হরা দিয়া গুরা আছিল না, অতাও নাপাক অইযিবো।

ꠔꠃꠞꠣꠔ ৪: ꠡꠥꠝꠣꠞꠤ 19:15 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 11:32

Otar mazor zekunu egur mora lash zudi oinno zinishor ufre foṛe, zelan laḳṛi, ḳafoṛ-sufoṛ, samṛa ba solar soṭ dia banail zekunu malor ufre foṛle-u ita nafak oizibo. Nafak malre fanit bizaia toibae. Hainja forzonto ita nafak roibo, bade fak-saf oibo.

ꠔꠃꠞꠣꠔ ৩: ꠟꠦꠛꠤꠀꠘ 11:33

Ar ou nafak zandaror kunuṭar mora lash zudi kunu maṭir bashonor maze foṛe, te igur bitoror hoḳolta nafak oizibo, i bashonre-o bangilibae.

ꠔꠃꠞꠣꠔ ৩: ꠟꠦꠛꠤꠀꠘ 14:36

Teu imame i feukni forikka ḳoria deḳat aia, goror hoḳol mal-samanare zate nafak koia elan ḳora na lage, ou niote tain malikre hukum diba, ami goro hamanir age tumar goror hoḳol mal-samana bare bar ḳorilao. Hoḳolta bar ḳoria harle tain goro hamaia forikka ḳorba.

ꠔꠃꠞꠣꠔ ৪: ꠡꠥꠝꠣꠞꠤ 19:14

“Ar tambur bitre kunu manush morigele, zera ou tambut hamaiba ar zera tambut asla, tara hoḳol-u shat din bora nafak roiba.

ꠔꠃꠞꠣꠔ ৪: ꠡꠥꠝꠣꠞꠤ 19:16

“Bondor maze kula zagat falail kunu lashre zudi keu soilae, te he shat din bora nafak roibo. I lash kunu laṛair ḳarone ouk, ba emne mora ouk, zera soibo era nafak. Kunu mora manshor aḍḍi ba ḳoyborre soile, he-o shat din bora nafak roibo.

ꠔꠃꠞꠣꠔ ৪: ꠡꠥꠝꠣꠞꠤ 31:20

Tumrar hoḳol ḳafoṛ-sufoṛ, samṛar mal-samana, laḳṛi ar sagolor rumadi banail hokkol samanare-o fak-saf ḳorbae.”