ꠔꠃꠞꠣꠔ ৪: ꠡꠥꠝꠣꠞꠤ 18:8 - Siloṭi Asmani Kitab (Latin lipi)

⁸ Erbade Mabude Harunre ḳoila, “Amar name zoto laḳan kurbani deoa oy, itar hoḳol zimmadari ami nize-u tumar ato shomzaisi. Te amar name Boni Israilor kurbani kora hoḳol fak-fobitro zinish, ami tumare ar tumar oarishor faona beton hishabe siroḳalor lagi dilailam.

Siloṭi Asmani Kitab (Nagri lipi)

⁸ ꠄꠞꠛꠣꠖꠦ ꠝꠣꠛꠥꠖꠦ ꠢꠣꠞꠥꠘꠞꠦ ꠇꠁꠟꠣ, “ꠀꠝꠣꠞ ꠘꠣꠝꠦ ꠎꠔ ꠟꠣꠈꠣꠘ ꠇꠥꠞꠛꠣꠘꠤ ꠖꠦꠅꠀ ꠅꠄ, ꠁꠔꠣꠞ ꠢꠇꠟ ꠎꠤꠝ꠆ꠝꠣꠖꠣꠞꠤ ꠀꠝꠤ ꠘꠤꠎꠦꠃ ꠔꠥꠝꠣꠞ ꠀꠔꠅ ꠡꠝꠎꠣꠁꠍꠤ। ꠔꠦ ꠀꠝꠣꠞ ꠘꠣꠝꠦ ꠛꠘꠤ ꠁꠍꠞꠣꠁꠟꠞ ꠇꠥꠞꠛꠣꠘꠤ ꠇꠞꠣ ꠢꠇꠟ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡ, ꠀꠝꠤ ꠔꠥꠝꠣꠞꠦ ꠀꠞ ꠔꠥꠝꠣꠞ ꠅꠀꠞꠤꠡꠞ ꠙꠣꠅꠘꠣ ꠛꠦꠔꠘ ꠢꠤꠡꠣꠛꠦ ꠌꠤꠞꠇꠣꠟꠞ ꠟꠣꠉꠤ ꠖꠤꠟꠣꠁꠟꠣꠝ।

ছিলটি আছমানি কিতাব (বাংলা লিপি)

⁸ এরবাদে মাবুদে হারুনরে কইলা, “আমার নামে যত লাখান কুরবানি দেওয়া অয়, ইতার হকল জিম্মাদারি আমি নিজেউ তুমার আতো সমজাইছি। তে আমার নামে বনি ইছরাইলর কুরবানি করা হকল পাক-পবিত্র জিনিস, আমি তুমারে আর তুমার ওয়ারিশর পাওনা বেতন হিসাবে চিরকালর লাগি দিলাইলাম।

ꠔꠃꠞꠣꠔ ৪: ꠡꠥꠝꠣꠞꠤ 18:8 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 28:43

Harun ar tar fuain zebla Milon-tambut hamaiba, ba kurbani kanar gese pak zagat hamaia imamotir ḳamo lagba, ou shomoy tara ou zangia finba. Teu tara ni-oforadi roiba, morta nae. Harun ar tar oarishor silsilar lagi i ain hor-hamesha salu roibo.”

ꠔꠃꠞꠣꠔ ২: ꠢꠤꠎꠞꠔ 29:21

Bade ḳelafotir tel ar kurbani kana taki tuṛa lou loia, Harun ar tar fuaintor gotro ar lebasor ufre siṭai dio. Teu lebas shudda Harun ar tar fuain fak-saf oiba.

ꠔꠃꠞꠣꠔ ২: ꠢꠤꠎꠞꠔ 29:28

Ou laḳan Boni Israilor deoa ou kurbanir ṭukrain hor-hamesha Harun ar tar fuainte faiba. Ita oibo Mabudor name Boni Israilor deoa salamoti kurbanir eḳṭa ongsho.

ꠔꠃꠞꠣꠔ ২: ꠢꠤꠎꠞꠔ 29:29

“Harunor bebohar ḳora fobitro lebas oḳol tar oarish oḳole faiba. Ou lebas findia tara ḳelafoti faiba ar imamotir ḳamo boail oiba.

ꠔꠃꠞꠣꠔ ২: ꠢꠤꠎꠞꠔ 40:13

Naoanir bade Harunre fak-fobitro lebas oḳol findaio, ar amar imam oar lagi tare fobitro tel lagaia ḳelafoti dia fobitro ḳorio.

ꠔꠃꠞꠣꠔ ২: ꠢꠤꠎꠞꠔ 40:15

Tarar bafre zela fobitro teldi imamoti kamor ḳelafoti diso, tarare-o oula ḳelafoti dio, zate tara-o amar imamoti kam ḳorta faroin. I kelafotir mazdi imamotir ze niom salu oibo, ita oarishor for oarish dori salu roibo.”

ꠔꠃꠞꠣꠔ ৩: ꠟꠦꠛꠤꠀꠘ 21:10

“Ar imam foribaror baiaintor maze hoḳol boṛo zein, ein-u to fordan imam, en matat ḳelafoti shomzibar tel ḍala oise, ḳelafoti shomzia tain fordan imamor fobitro lebas findibar dayitto faisoin. Erlagi kunu murdar lagia ḳandon-ahazarir niote tan matar faugṛi kulia sul aula-zaula ḳora, ba tan finnor lebas siṛa-o zaiz nae.

ꠔꠃꠞꠣꠔ ৩: ꠟꠦꠛꠤꠀꠘ 23:20

Imam sabe dulona kurbani hishabe Mabudor samne ou duio meṛa-baichcha ar ḳetor foyla fosholdi banail ruṭi nia dulaiba. Ita to Mabudor namor kurbanir fak-fobitro samana, ita imam sabor faona.

ꠔꠃꠞꠣꠔ ৩: ꠟꠦꠛꠤꠀꠘ 6:16

Sodgar malor bad-baki ongsho imam Harun ar tar fuainte ḳaiba. Tara itar maze kunu ḳamir na mishaia ruṭi banaiba, banaia Milon-tambur uṭano kunu pak zagat boia ḳaiba.

ꠔꠃꠞꠣꠔ ৩: ꠟꠦꠛꠤꠀꠘ 6:18

Ḳali imam Harunor bongshor hoḳol beṭa manshe ita ḳaita farba, Mabudor namor zalail kurbanir ou ongsho to oarishor for oarish dori tara-u faiba. Kub kial rakio, zesatae itar loge lagbo, ota-o fak-fobitro bonizibo, mani imam oḳlor baira manshor lagi haram.”

ꠔꠃꠞꠣꠔ ৩: ꠟꠦꠛꠤꠀꠘ 6:20

“Harune zedin imamotir ḳelafoti shomzia ḳamo boail oiba, ou din Harun ar tar fuainte dan-gomor sodgar niom mafik dui sher moyda Mabudor dorbaro anba. Itar ordeḳ biane ar ordeḳ hainja bala diba.

ꠔꠃꠞꠣꠔ ৩: ꠟꠦꠛꠤꠀꠘ 6:26

Ze imame ou kurbani adae ḳorba, ein ou gust ḳaiba. Milon-tambur uṭano fobitro zagat ou gust ḳaite oibo.

ꠔꠃꠞꠣꠔ ৩: ꠟꠦꠛꠤꠀꠘ 7:14

Mabudor name deoar lagi he ou forteḳ zinish taki eḳṭa eḳṭa ḳori anbo. Ze imame salamoti kurbanir foshur lou siṭaiba, ein ita faiba.

ꠔꠃꠞꠣꠔ ৩: ꠟꠦꠛꠤꠀꠘ 7:28

Bade Mabude Musare ḳoila,

ꠔꠃꠞꠣꠔ ৩: ꠟꠦꠛꠤꠀꠘ 7:6

Kurbanir gust imam foribaror zekunu beṭa manshe ḳaita farba. Ita to ḳas fobitro zinish, erlagi tara zekunu pak zagat boia ḳaite oibo.

ꠔꠃꠞꠣꠔ ৩: ꠟꠦꠛꠤꠀꠘ 8:30

Bade Musae ḳelafoti shomzibar tuṛa fobitro tel nila, ar kurbani kana taki tuṛa lou ania Harun ar tan fuaintor ufre ar tarar lebasor ufre siṭai dila. Ou nomunae Harun ar tan fuaintore, ar tarar lebasre-o fak-fobitro ḳora oilo.

ꠔꠃꠞꠣꠔ ৪: ꠡꠥꠝꠣꠞꠤ 18:9

Ḳas fobitro kurbanir ze ongsho aguino zalani lagto nae, ou baṭo tumra niogi. Te dan-gomor sodga, gunar koforar kurbani, ar dush-ḳosurir koforar kurbanir lagi Boni Israile amar gese zotota loia aiba, ita tumi ar tumar oarish oḳlor faona hok.

ꠔꠃꠞꠣꠔ ৪: ꠡꠥꠝꠣꠞꠤ 5:9

Boni Israile fak-fobitro zoto zinish imamor gese loia aiba, ita hokkolta-u imame faiba.

Injil 7: 1-Korintia 9:13

Tumra zano na ni, fobitro Baytul-Mukaddoso zera ḳam ḳoroin, tara oḳan taki-u ḳana-fina fain, ar kurbani kanat zera ḳam ḳoroin, tara ou kurbanir mal taki baṭ fain.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:11

tain nizor Baytulla Shorif hishabe ze zagare fosond ḳorba, hou zagat tumra amar batail hoḳolta loia azir oio. Tumrar zalail kurbani, hoḳol zator kurbanir foshu, hoḳol ruzi-ruzgaror dosh baṭor eḳ baṭ, lilla-sodga, dan-ḳoyrat ar hoḳol nomunar mannotor kurbani loia ono aio.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:6

Tumra zarzir zalail kurbani, hoḳol zator foshu kurbani, hoḳol ruzi-ruzgaror dosh baṭor eḳ baṭ, lilla-sodga, mannotor kurbani, dan-ḳoyrat ar tumrar foshur foyla baichchare ou zagat anio.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:1

“Lebi kandanor imam oḳole ar asta Lebi kandanor manshe, Boni Israilor aro ḳandanor laḳan kunu zomi-mirash ba don-samana faita nae. Mabudor name deoa hoḳol zator kurbanir gust ar hoḳol lilla-sodgar baṭo tara ḳaiba.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 26:13

Bade tumra forteḳe tumrar Mabud Allare ḳoio, Mabud, ami tumar hukum mafik amar ruzir fobitro baṭre, amar gor taki nia Lebi kandanre, musafir oḳolre, etim ar ṛaṛi beṭintore bilai disi. Ami tumar kunu hukumor ḳelaf ḳorsi na, ba faurisi na.

Injil 19: Ibrani 1:9

tumi naformanire ginnao ar dindarire bala fao, erlagi Allae-o, tumar Allae tumare ḳelafoti disoin, tumare ijjoti godi dan ḳorsoin, tumar bai-birador taki-o tumare bout beshi kushi disoin.

Injil 23: 1-Hannan 2:20

Oile tumra to hou fobitro zonor ges taki kelafoti faiso ar hoḳole-u hok aḳol faiso.

Injil 23: 1-Hannan 2:27

Ashole al-Mosi taki tumra ze ḳelafoti faiso, ou ḳelafoti to tumrar dilo boshot ḳore. Erlagi dusra ḳeuror ges taki talim nibar kunu zorur nae, ou ḳelafotir ruhe tumrare dorḳari hoḳolta hikaiba. Tain to hok, tan maze na-hok kunta nai. Oḳon al-Mosir maze boshot ḳorar lagi tain zela talim disoin, tumra ṭik oula ro.