ꠔꠃꠞꠣꠔ ৪: ꠡꠥꠝꠣꠞꠤ 18:7 - Siloṭi Asmani Kitab (Latin lipi)

⁷ Oile imam hishabe ḳali tumi ar tumar fuainte kurbani kana ar fordar bitoror Herem Shorifo kezmot ḳam ḳorbae. Imamotir fod ḳan ami ufohar hishabe tumrare dilam. Ḳali Lebi oḳol saṛa dusra ḳeu zudi Milon-tambur shimanat ae, te tare zane marilite oibo.”

Siloṭi Asmani Kitab (Nagri lipi)

⁷ ꠅꠁꠟꠦ ꠁꠝꠣꠝ ꠢꠤꠡꠣꠛꠦ ꠈꠣꠟꠤ ꠔꠥꠝꠤ ꠀꠞ ꠔꠥꠝꠣꠞ ꠙꠥꠀꠂꠘ꠆ꠔꠦ ꠇꠥꠞꠛꠣꠘꠤ ꠈꠣꠘꠣ ꠀꠞ ꠙꠞ꠆ꠖꠣꠞ ꠜꠤꠔꠞꠞ ꠢꠦꠞꠦꠝ ꠡꠞꠤꠚꠅ ꠈꠦꠎꠝꠔ ꠇꠣꠝ ꠇꠞꠛꠣꠄ। ꠁꠝꠣꠝꠔꠤꠞ ꠙꠖ ꠈꠣꠘ ꠀꠝꠤ ꠃꠙꠢꠣꠞ ꠢꠤꠡꠣꠛꠦ ꠔꠥꠝꠞꠣꠞꠦ ꠖꠤꠟꠣꠝ। ꠈꠣꠟꠤ ꠟꠦꠛꠤ ꠅꠇꠟ ꠍꠣꠠꠣ ꠖꠥꠍꠞꠣ ꠇꠦꠃ ꠎꠥꠖꠤ ꠝꠤꠟꠘ-ꠔꠣꠝ꠆ꠛꠥꠞ ꠡꠤꠝꠣꠘꠣꠔ ꠀꠄ, ꠔꠦ ꠔꠣꠞꠦ ꠎꠣꠘꠦ ꠝꠣꠞꠤꠟꠤꠔꠦ ꠅꠁꠛ।”

ছিলটি আছমানি কিতাব (বাংলা লিপি)

⁷ অইলে ইমাম হিসাবে খালি তুমি আর তুমার পুয়াইন্তে কুরবানি খানা আর পর্দার ভিতরর হেরেম শরিফো খেজমত কাম করবায়। ইমামতির পদ খান আমি উপহার হিসাবে তুমরারে দিলাম। খালি লেবি অকল ছাড়া দুছরা কেউ যুদি মিলন-তাম্বুর সীমানাত আয়, তে তারে জানে মারিলিতে অইবো।”

ꠔꠃꠞꠣꠔ ৪: ꠡꠥꠝꠣꠞꠤ 18:7 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 28:1

Mabude Musare ḳoila, “O Musa, Boni Israilor maze imamoti korar lagi tumar bai Harun, tar fua Nadab, Abihu, Ali-Azor ar Isamarre tumar samne anao.

ꠔꠃꠞꠣꠔ ২: ꠢꠤꠎꠞꠔ 29:9

Harun ar tar fuaintore ḳomror bondoni bandia dio. Fuaintor matat dio toki. Ou laḳan Harun ar tar fuaintore imamor fodo boail ḳorio, zate siroḳalin niom hishabe imamotir fod ḳali tarar bongshot taḳe.

ꠔꠃꠞꠣꠔ ৩: ꠟꠦꠛꠤꠀꠘ 16:2

Mabude ḳoila, “Tumar bai Harunre ḳo, he zanu zebla mone sae ebla shahadot shondukor ḍaḳnar gese zaoar lagi Herem Shorifor fordar bitre na hamae, arnae he morbo-u. Zano to, ou ḍaḳnar ufror dumar andairor maze ami nize azir oi.

ꠔꠃꠞꠣꠔ ৩: ꠟꠦꠛꠤꠀꠘ 7:35

Harun ar tar fuaintore zedin taki imamotir ḳamo boail ḳora oisil, hou din taki Mabudor name agunit deoa hoḳol nomunar kurbanir ou ongshore tarar faona hok hishabe dora oise.

ꠔꠃꠞꠣꠔ ৪: ꠡꠥꠝꠣꠞꠤ 1:51

Amar gorre eḳ zaga taki aroḳ zagat nite oile, Lebi kandanor manshe ikan kulba, bade aroḳ zagat gia eḳ ek kori zuṛa lagaia hirbar banaiba. Ḳali Lebi kandan saṛa oinno ḳeu itar ḳandat gele tare zane mara oibo.

ꠔꠃꠞꠣꠔ ৪: ꠡꠥꠝꠣꠞꠤ 16:40

Mabude Musa nobir mazdi zela hukum disla, ein ou laḳan ḳorla. Ikṭa ḳora oilo zate Boni Israilor mono taḳe zen, ḳali Harunor bongsho saṛa dusra kunu zon, agor-kushboy zalanir lagi Mabudor samne zaito farto nae. Zudi zae, te tar dosha ou Kurah ar tar dolor laḳan oibo.

ꠔꠃꠞꠣꠔ ৪: ꠡꠥꠝꠣꠞꠤ 18:20

Erbade Mabude Harunre ḳoila, “Boni Israilor desho tumi kunu don-doulotor malikana ba zomi-zomar kunu baṭo faitae nae. Erar maze tumar faona baṭ oilam shoyong ami, ami-u tumar don-doulot.”

ꠔꠃꠞꠣꠔ ৪: ꠡꠥꠝꠣꠞꠤ 18:3

Oile kurbani kana ba Allar goror kunu fobitro zinishor daro zaoa tarar lagi nished. Nished na manle tara ar tumra hoḳol-u morbae.

ꠔꠃꠞꠣꠔ ৪: ꠡꠥꠝꠣꠞꠤ 3:10

Imamoti kamor lagi tumi Harun ar tar bongshore basia neo. Tara saṛa dusra ḳeu imamoti korat gele ogure zane mara oibo.”

ꠔꠃꠞꠣꠔ ৪: ꠡꠥꠝꠣꠞꠤ 3:38

Milon-tambur samnedi mani Allar goror fubedi Hozrot Musa, Harun ar tan fuaintor tambu oḳol ṭangani oito. Erar dayitto asil Boni Israilor torof taki fobitro ebadot ḳanat hoḳol ebadoti kam adae ḳora. Era saṛa ar ḳeu ebadot ḳanar ḳandat gele tare marilaoa oito.

ꠁꠘ꠆ꠎꠤꠟ ১: ꠝꠕꠤ 10:8

Ar tumra bemari oḳolre bala ḳorio, morare zinda ḳorio, fosa-kusṭo bemarire bala ḳorio, ar zin-but saṛaio. Tumra zela bina ṭeḳae faiso, oula bina ṭeḳae-u dio.

Injil 4: Hannan 3:27

Ikan hunia Ehiae ḳoila, “Behest taki deoa na oile ḳeu kunta fae na.

Injil 10: Ifisia 3:8

Allar hokkol bondar maze ama taki huru ar ḳeu nai, ta-o al-Mosir ze donor ḳota shullo-ana buza zae na, ou mulloban donor kush-ḳobri bin zatir gese tobligor dayitto amar ufre disoin, iṭa-u Allar rohomot.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:2

Tara nizor Boni Israilor zatir baiaintor laḳan kunu zomi-mirash faita nae. Shoyong Alla Mabud-u tarar mirash, tain nize-o tarare i oada disoin.

Injil 19: Ibrani 5:4

Fordan imam oar ijjot ḳeu nize nize ḳamaito fare na, ḳali Allae zenre fosond ḳoroin tain-u i ijjot hasil ḳoroin, zela Allae Harun nobire i ijjot disla.

ꠁꠘ꠆ꠎꠤꠟ ২১: ১-ꠙꠤꠔꠞ 5:2

Allai ze meṛar fal tumrar aotae asoin, erar raḳali koro. Tarar imamoti koro, ḳora lagbo ḳori na ḳoria ba duniabi labor ashae na ḳoria, kush dile ḳoro. Allae to ola imamoti-u asha ḳoroin.

ꠁꠘ꠆ꠎꠤꠟ ২১: ১-ꠙꠤꠔꠞ 5:3

Tumrar aotae zera ase, erar ufre musoddori korio na, borong falor raḳali koria tarar gese nomuna bono.