ꠔꠃꠞꠣꠔ ৪: ꠡꠥꠝꠣꠞꠤ 18:4 - Siloṭi Asmani Kitab (Latin lipi)

⁴ Tara tumar ḳamo shorik oia Milon-tambur ḳadimdari korba, hoḳol zat ḳamor day-dayitto niba. Ta-o ḳali Lebi oḳol saṛa dusra ḳeu tumrar gese zaoa nished.

Siloṭi Asmani Kitab (Nagri lipi)

⁴ ꠔꠣꠞꠣ ꠔꠥꠝꠣꠞ ꠇꠣꠝꠅ ꠡꠞꠤꠇ ꠅꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠈꠣꠖꠤꠝꠖꠣꠞꠤ ꠇꠞꠛꠣ, ꠢꠇꠟ ꠎꠣꠔ ꠇꠣꠝꠞ ꠖꠣꠄ-ꠖꠣꠄꠁꠔ꠆ꠔ ꠘꠤꠛꠣ। ꠔꠣ-ꠅ ꠈꠣꠟꠤ ꠟꠦꠛꠤ ꠅꠇꠟ ꠍꠣꠠꠣ ꠖꠥꠍꠞꠣ ꠇꠦꠃ ꠔꠥꠝꠞꠣꠞ ꠉꠦꠍꠦ ꠎꠣꠅꠀ ꠘꠤꠡꠦꠗ।

ছিলটি আছমানি কিতাব (বাংলা লিপি)

⁴ তারা তুমার কামো শরিক অইয়া মিলন-তাম্বুর খাদিমদারি করবা, হকল জাত কামর দায়-দায়িত্ব নিবা। তা-ও খালি লেবি অকল ছাড়া দুছরা কেউ তুমরার গেছে যাওয়া নিষেধ।

ꠔꠃꠞꠣꠔ ৪: ꠡꠥꠝꠣꠞꠤ 18:4 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 1:51

Amar gorre eḳ zaga taki aroḳ zagat nite oile, Lebi kandanor manshe ikan kulba, bade aroḳ zagat gia eḳ ek kori zuṛa lagaia hirbar banaiba. Ḳali Lebi kandan saṛa oinno ḳeu itar ḳandat gele tare zane mara oibo.

ꠔꠃꠞꠣꠔ ৪: ꠡꠥꠝꠣꠞꠤ 1:53

Boni Israilor ufre zate Mabudor gozob na lame, erlagi Lebi kandanor manshe amar shahadot tambur faradari korar lagi amar goror sairo galabae tarar tambu ṭangaia roiba.”

ꠔꠃꠞꠣꠔ ৪: ꠡꠥꠝꠣꠞꠤ 18:3

Oile kurbani kana ba Allar goror kunu fobitro zinishor daro zaoa tarar lagi nished. Nished na manle tara ar tumra hoḳol-u morbae.

ꠔꠃꠞꠣꠔ ৪: ꠡꠥꠝꠣꠞꠤ 18:5

Boni Israilor ufre ami zanu hirbar naraz na oi, erlagi ebadot ḳana ar kurbani kana deḳa-hunar bar tumrar ufre roibo.

ꠔꠃꠞꠣꠔ ৪: ꠡꠥꠝꠣꠞꠤ 3:10

Imamoti kamor lagi tumi Harun ar tar bongshore basia neo. Tara saṛa dusra ḳeu imamoti korat gele ogure zane mara oibo.”

ꠔꠃꠞꠣꠔ ৪: ꠡꠥꠝꠣꠞꠤ 31:30

Ar Boni Israilor baṭo zeta manush, goru-sagol faiba, itar forteḳ foinchashṭa taki eḳṭare alog kori toio. Toia Allar boshot ḳana, Baytulla tambur ḳadim Lebi oḳlor ato ita shomzaio.”

ꠔꠃꠞꠣꠔ ৪: ꠡꠥꠝꠣꠞꠤ 8:26

Ou shomoy tara nizor ate Milon-tambur kunu ḳam ḳora nished, oile tarar mone saile baiaintore Milon-tambur ḳamo shae-shaijjo ḳorba. Ou niome tumi Lebi oḳlor ḳam-ḳaz ṭik kori dibae.”