ꠔꠃꠞꠣꠔ ৪: ꠡꠥꠝꠣꠞꠤ 18:32 - Siloṭi Asmani Kitab (Latin lipi)

³² Hoḳol taki bala ongsho Mabudor name dilaile, bakita ḳaite tumrar kunu dush nai. Ar Boni Israilor deoa fak-fobitro malre tumra ofobitro ḳorio na, teu tumra mortae nae.”

Siloṭi Asmani Kitab (Nagri lipi)

³² ꠢꠇꠟ ꠕꠣꠇꠤ ꠜꠣꠟꠣ ꠅꠋꠡ ꠝꠣꠛꠥꠖꠞ ꠘꠣꠝꠦ ꠖꠤꠟꠣꠁꠟꠦ, ꠛꠣꠇꠤꠔꠣ ꠈꠣꠁꠔꠦ ꠔꠥꠝꠞꠣꠞ ꠇꠥꠘꠥ ꠖꠥꠡ ꠘꠣꠁ। ꠀꠞ ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠙꠣꠇ-ꠙꠛꠤꠔ꠆ꠞ ꠝꠣꠟꠞꠦ ꠔꠥꠝꠞꠣ ꠅꠙꠛꠤꠔ꠆ꠞ ꠇꠞꠤꠅ ꠘꠣ, ꠔꠦꠃ ꠔꠥꠝꠞꠣ ꠝꠞꠔꠣꠄ ꠘꠣꠄ।”

ছিলটি আছমানি কিতাব (বাংলা লিপি)

³² হকল থাকি ভালা অংশ মাবুদর নামে দিলাইলে, বাকিতা খাইতে তুমরার কুনু দুষ নাই। আর বনি ইছরাইলর দেওয়া পাক-পবিত্র মালরে তুমরা অপবিত্র করিও না, তেউ তুমরা মরতায় নায়।”

ꠔꠃꠞꠣꠔ ৪: ꠡꠥꠝꠣꠞꠤ 18:32 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 28:43

Harun ar tar fuain zebla Milon-tambut hamaiba, ba kurbani kanar gese pak zagat hamaia imamotir ḳamo lagba, ou shomoy tara ou zangia finba. Teu tara ni-oforadi roiba, morta nae. Harun ar tar oarishor silsilar lagi i ain hor-hamesha salu roibo.”

ꠔꠃꠞꠣꠔ ৩: ꠟꠦꠛꠤꠀꠘ 19:8

I gust ḳeu ḳaile he naformanir daṛo foṛbo, he to Mabudor namor fak-fobitro zinishre nafak banaise. Te tumrar shomaz taki tar nam miṭailibae.

ꠔꠃꠞꠣꠔ ৩: ꠟꠦꠛꠤꠀꠘ 22:2

“Tumi imam Harun ar tar fuaintore ḳo, Boni Israile amar name lilla ar kurbani dibar niote zotota anoin, ita to fobitro. Erlagi ota hokkoltare imam oḳole ijjot-tazim ḳora zorur. I befare tara zanu amar fak-fobitro namre oshomman na ḳore. Ami-u to Mabud.

আছমানি কিতাব: মালাখি 1:7

Tumra to amar kurbani kanar ufre nafak kurbani dirae. Dia ḳoirae, “Amrar kurbani nafak oilo kila?” Tumra buzairae Mabudor kurbani kana kunta-u nae.

ꠔꠃꠞꠣꠔ ৪: ꠡꠥꠝꠣꠞꠤ 18:22

Ar aiz taki Boni Israilor dusra kunu gusṭir manush Milon-tambur daro zaoa nished. Gele tarar naformanir dae tara morba.

ꠔꠃꠞꠣꠔ ৪: ꠡꠥꠝꠣꠞꠤ 18:31

Ou ongsho tumra ar tumrar foribaror manshe zekunu zagat ḳaitae faro, ita to tumrar ḳamor beton, Milon-tambur kezmotor beton.

ꠔꠃꠞꠣꠔ ৪: ꠡꠥꠝꠣꠞꠤ 19:1

Erbade Mabude Musa ar Harunre ḳoila,

Injil 7: 1-Korintia 11:27

Erlagi kam-ḳeali koria ḳeu zudi i ruṭi kae ar fialar shorbot ḳae, te he Malik Isar shoril ar lour birudde guna ḳoria dushi bonizae.

Injil 7: 1-Korintia 11:29

Ḳaron ita ḳaoar shomoy he zudi Malik Isar shorilor befare na buze, te ita ḳaia he nizor ufre gozob ḍakia ane.