ꠔꠃꠞꠣꠔ ৪: ꠡꠥꠝꠣꠞꠤ 18:3 - Siloṭi Asmani Kitab (Latin lipi)

³ Oile kurbani kana ba Allar goror kunu fobitro zinishor daro zaoa tarar lagi nished. Nished na manle tara ar tumra hoḳol-u morbae.

Siloṭi Asmani Kitab (Nagri lipi)

³ ꠅꠁꠟꠦ ꠇꠥꠞꠛꠣꠘꠤ ꠈꠣꠘꠣ ꠛꠣ ꠀꠟ꠆ꠟꠣꠞ ꠊꠞꠞ ꠇꠥꠘꠥ ꠙꠛꠤꠔ꠆ꠞ ꠎꠤꠘꠤꠡꠞ ꠗꠣꠞꠅ ꠎꠣꠅꠀ ꠔꠣꠞꠣꠞ ꠟꠣꠉꠤ ꠘꠤꠡꠦꠗ। ꠘꠤꠡꠦꠗ ꠘꠣ ꠝꠣꠘꠟꠦ ꠔꠣꠞꠣ ꠀꠞ ꠔꠥꠝꠞꠣ ꠢꠇꠟꠃ ꠝꠞꠛꠣꠄ।

ছিলটি আছমানি কিতাব (বাংলা লিপি)

³ অইলে কুরবানি খানা বা আল্লার ঘরর কুনু পবিত্র জিনিসর ধারো যাওয়া তারার লাগি নিষেধ। নিষেধ না মানলে তারা আর তুমরা হকলউ মরবায়।

ꠔꠃꠞꠣꠔ ৪: ꠡꠥꠝꠣꠞꠤ 18:3 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 1:51

Amar gorre eḳ zaga taki aroḳ zagat nite oile, Lebi kandanor manshe ikan kulba, bade aroḳ zagat gia eḳ ek kori zuṛa lagaia hirbar banaiba. Ḳali Lebi kandan saṛa oinno ḳeu itar ḳandat gele tare zane mara oibo.

ꠔꠃꠞꠣꠔ ৪: ꠡꠥꠝꠣꠞꠤ 1:53

Boni Israilor ufre zate Mabudor gozob na lame, erlagi Lebi kandanor manshe amar shahadot tambur faradari korar lagi amar goror sairo galabae tarar tambu ṭangaia roiba.”

ꠔꠃꠞꠣꠔ ৪: ꠡꠥꠝꠣꠞꠤ 16:40

Mabude Musa nobir mazdi zela hukum disla, ein ou laḳan ḳorla. Ikṭa ḳora oilo zate Boni Israilor mono taḳe zen, ḳali Harunor bongsho saṛa dusra kunu zon, agor-kushboy zalanir lagi Mabudor samne zaito farto nae. Zudi zae, te tar dosha ou Kurah ar tar dolor laḳan oibo.

ꠔꠃꠞꠣꠔ ৪: ꠡꠥꠝꠣꠞꠤ 18:4

Tara tumar ḳamo shorik oia Milon-tambur ḳadimdari korba, hoḳol zat ḳamor day-dayitto niba. Ta-o ḳali Lebi oḳol saṛa dusra ḳeu tumrar gese zaoa nished.

ꠔꠃꠞꠣꠔ ৪: ꠡꠥꠝꠣꠞꠤ 18:7

Oile imam hishabe ḳali tumi ar tumar fuainte kurbani kana ar fordar bitoror Herem Shorifo kezmot ḳam ḳorbae. Imamotir fod ḳan ami ufohar hishabe tumrare dilam. Ḳali Lebi oḳol saṛa dusra ḳeu zudi Milon-tambur shimanat ae, te tare zane marilite oibo.”

ꠔꠃꠞꠣꠔ ৪: ꠡꠥꠝꠣꠞꠤ 3:25

Milon-tambur befare Zarsuni oḳlor ufre, zeta ḳafoṛain dia Allar gor banani oise ḳali ota ḳafoṛ oḳol, bara bazur gilaf ar sani oḳol ar ou goror bitre hamaibar forda deḳa-huna ḳorar dayitto asil.

ꠔꠃꠞꠣꠔ ৪: ꠡꠥꠝꠣꠞꠤ 3:31

Ou Kahati gusṭir dayitto asil shahadot shonduk, ṭebul, serag dani, kurbani kana, agor-kushboy zalanir ṭebul, fobitro ebadot ḳanar ebadotir hoḳol zinish ar Herem Shorifor fordar deḳa-huna ḳora, loge bad-baki kam ḳora.

ꠔꠃꠞꠣꠔ ৪: ꠡꠥꠝꠣꠞꠤ 3:36

Erar dayitto asil Allar goror freim, freimor batti, kuṭi, sungi ar er hoḳol chiz,

ꠔꠃꠞꠣꠔ ৪: ꠡꠥꠝꠣꠞꠤ 31:30

Ar Boni Israilor baṭo zeta manush, goru-sagol faiba, itar forteḳ foinchashṭa taki eḳṭare alog kori toio. Toia Allar boshot ḳana, Baytulla tambur ḳadim Lebi oḳlor ato ita shomzaio.”

ꠔꠃꠞꠣꠔ ৪: ꠡꠥꠝꠣꠞꠤ 4:15

Harun ar tar fuainte zebla ou fak-fobitro zinish oḳol ar ebadot ḳanar mal-samana hoḳolta guriliba, tara tambu tulia soforo baronir lagi zebla tiar oiziba, ou shomoy ota boia nibar lagi Kahati oḳol aiba. Oile tara kunu fak-fobitro sizre atdi soita farta nae, soile-u morba. Milon-tambur ou hokkol zinish tara boia niba.