ꠔꠃꠞꠣꠔ ৪: ꠡꠥꠝꠣꠞꠤ 18:20 - Siloṭi Asmani Kitab (Latin lipi)

²⁰ Erbade Mabude Harunre ḳoila, “Boni Israilor desho tumi kunu don-doulotor malikana ba zomi-zomar kunu baṭo faitae nae. Erar maze tumar faona baṭ oilam shoyong ami, ami-u tumar don-doulot.”

Siloṭi Asmani Kitab (Nagri lipi)

²⁰ ꠄꠞꠛꠣꠖꠦ ꠝꠣꠛꠥꠖꠦ ꠢꠣꠞꠥꠘꠞꠦ ꠇꠁꠟꠣ, “ꠛꠘꠤ ꠁꠍꠞꠣꠁꠟꠞ ꠖꠦꠡꠅ ꠔꠥꠝꠤ ꠇꠥꠘꠥ ꠗꠘ-ꠖꠃꠟꠔꠞ ꠝꠣꠟꠤꠇꠣꠘꠣ ꠛꠣ ꠎꠝꠤ-ꠎꠝꠣꠞ ꠇꠥꠘꠥ ꠛꠣꠐꠅ ꠙꠣꠁꠔꠣꠄ ꠘꠣꠄ। ꠄꠞꠣꠞ ꠝꠣꠎꠦ ꠔꠥꠝꠣꠞ ꠙꠣꠅꠘꠣ ꠛꠣꠐ ꠅꠁꠟꠣꠝ ꠡ꠆ꠛꠄꠅꠋ ꠀꠝꠤ, ꠀꠝꠤꠃ ꠔꠥꠝꠣꠞ ꠗꠘ-ꠖꠃꠟꠔ।”

ছিলটি আছমানি কিতাব (বাংলা লিপি)

²⁰ এরবাদে মাবুদে হারুনরে কইলা, “বনি ইছরাইলর দেশো তুমি কুনু ধন-দৌলতর মালিকানা বা জমি-জমার কুনু বাটও পাইতায় নায়। এরার মাজে তুমার পাওনা বাট অইলাম স্বয়ং আমি, আমিউ তুমার ধন-দৌলত।”

ꠔꠃꠞꠣꠔ ৪: ꠡꠥꠝꠣꠞꠤ 18:20 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 15:1

Ota goṭona oḳlor bade ohir maze Mabudor kalam Abramor gese nazil oilo. Tain ḳoila, “O Abram, ḍoraio na, ami-u tumar hefazotkari, tumar bout boṛo furuskar.”

ꠎꠛꠥꠞ ꠡꠞꠤꠚ 16:5

Mabud-u amar don, amar fiasor fani, amar ḳofal ase to tan ato-u zani.

ꠔꠃꠞꠣꠔ ৪: ꠡꠥꠝꠣꠞꠤ 18:7

Oile imam hishabe ḳali tumi ar tumar fuainte kurbani kana ar fordar bitoror Herem Shorifo kezmot ḳam ḳorbae. Imamotir fod ḳan ami ufohar hishabe tumrare dilam. Ḳali Lebi oḳol saṛa dusra ḳeu zudi Milon-tambur shimanat ae, te tare zane marilite oibo.”

ꠔꠃꠞꠣꠔ ৪: ꠡꠥꠝꠣꠞꠤ 26:62

Eḳ mash ba er beshi boyoshor Lebi kandanor beṭaintor foriman asil teish azar. Boni Israilor bitre erare kunu zagar malikana deoa oise na gotike Boni Israilor oinnainno ḳandanor loge erare eḳloge gona-o oise na.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 10:9

Otar lagi Lebi kandanor manshe Boni Israilor dusra ḳandan oḳlor laḳan zomi-zomar kunu baṭ ba kunu mirashdari faila na. Tumrar Mabud Allar zoban mafik shoyong Mabud-u oila tarar mirash.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:12

Aia tumrar Mabud Allar samne tumra nize, tumrar fua-fuṛin, tumrar bandi-gulam, tumrar gau ar ṭaunor Lebi kandanor manush oḳol, zera tumrar laḳan kunu zaga-zomi faise na, tumra hoḳole milia kushi-bashi korio.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 14:27

Ou shomoy tumrar gau ba ṭauno boshot ḳorra Lebi kandanor manshore faurio na. Ḳaron tumrar to zaga-zomin ase, oile tarar ita kunta nai.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 14:29

Teu Lebi kandanor manshe, zera zaga-zomin ba don-samanar baṭ faise na era, ar bideshi musafir oḳole, etim oḳole, ṛaṛi beṭinte ita feṭ boria ḳaiba. Ar tumrar Mabud Allae tumrar hoḳol ḳamor maze rohom-borkot diba.

Injil 27: Zaira Kalam 21:3

Bade ami hunlam, hou behestor toḳto taki eḳzone zure zure ḳoira, “Oḳon manshor maze roar lagi Alla Pakor zaga oise. Tain manshor loge boshot ḳorba, ar tara oiba tan bonda. Tain shoyong tarar loge roiba, tarar Alla oiba.