ꠔꠃꠞꠣꠔ ৪: ꠡꠥꠝꠣꠞꠤ 16:46 - Siloṭi Asmani Kitab (Latin lipi)

⁴⁶ Bade Musae Harunre ḳoila, “Tumar agor dani ato lo, ar kurbani kana taki aguin neo, nia er ufre agor-kushboy zalaia, zoldi kori ota manshor guna mafir kofora adae ḳoro. Mabud to gusae aguin oigesoin, tan lannoti mohamari shuru oigese.”

Siloṭi Asmani Kitab (Nagri lipi)

⁴⁶ ꠛꠣꠖꠦ ꠝꠥꠍꠣꠄ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠣꠞ ꠀꠉꠞ ꠖꠣꠘꠤ ꠀꠔꠅ ꠟꠅ, ꠀꠞ ꠇꠥꠞꠛꠣꠘꠤ ꠈꠣꠘꠣ ꠕꠣꠇꠤ ꠀꠉꠥꠁꠘ ꠘꠦꠅ, ꠘꠤꠀ ꠄꠞ ꠃꠙꠞꠦ ꠀꠉꠞ-ꠈꠥꠡꠛꠄ ꠎꠣꠟꠣꠁꠀ, ꠎꠟꠖꠤ ꠇꠞꠤ ꠅꠔꠣ ꠝꠣꠘꠡꠞ ꠉꠥꠘꠣ ꠝꠣꠚꠤꠞ ꠇꠚꠞꠣ ꠀꠖꠣꠄ ꠇꠞꠅ। ꠝꠣꠛꠥꠖ ꠔ ꠉꠥꠍꠣꠄ ꠀꠉꠥꠁꠘ ꠅꠁꠉꠦꠍꠂꠘ, ꠔꠣꠘ ꠟꠣꠘ꠆ꠘꠔꠤ ꠝꠢꠣꠝꠣꠞꠤ ꠡꠥꠞꠥ ꠅꠁꠉꠦꠍꠦ।”

ছিলটি আছমানি কিতাব (বাংলা লিপি)

⁴⁶ বাদে মুছায় হারুনরে কইলা, “তুমার আগর দানি আতো লও, আর কুরবানি খানা থাকি আগুইন নেও, নিয়া এর উপরে আগর-খুশবয় জালাইয়া, জলদি করি অতা মানষর গুনা মাফির কফরা আদায় করো। মাবুদ তো গুছায় আগুইন অইগেছইন, তান লান্নতি মহামারি শুরু অইগেছে।”

ꠔꠃꠞꠣꠔ ৪: ꠡꠥꠝꠣꠞꠤ 16:46 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 10:6

Bade imam Harun ar tan fuain Ali-Azor ar Isamarre Musae ḳoila, “Tarar moutor duke tumra nizor sulre aula-zaula ḳorio na, ar finnor ḳafoṛ-sufoṛ fario na. Ita ḳorle tumra-o morbae, ar asta shomazor ufre Mabudor gozobi gusa lambo. Oile Mabude zerare aguindi zalai marsoin, tarar duke tumrar kuṭum-ḳesh mani bad-baki Boni Israile mattom-ahazari korta farba.

ꠔꠃꠞꠣꠔ ৩: ꠟꠦꠛꠤꠀꠘ 9:24

Mabudor ges taki kudroti aguin aia, kurbani kanar ufror zalail kurbanir foshu ar hokkol sorbire zalaia sali korililo. Ita dekia hoḳol manush kushie Subohan Alla ḳoia sik dia soizdat foṛla.

আছমানি কিতাব: মালাখি 1:11

Huno, Alla Rabbul Alamine ḳoiar, duniar eḳ mata taki aroḳ mata forzonto tamam zatir maze amar kudroti shan ḳaim or. Tamam zomino amar name agor batti zalani or, manshe faḳ-saf lilla-sodga dira. Hoḳol zatir maze-u to amar shan-shouḳot ḳaim ase.

ꠔꠃꠞꠣꠔ ৪: ꠡꠥꠝꠣꠞꠤ 1:53

Boni Israilor ufre zate Mabudor gozob na lame, erlagi Lebi kandanor manshe amar shahadot tambur faradari korar lagi amar goror sairo galabae tarar tambu ṭangaia roiba.”

ꠔꠃꠞꠣꠔ ৪: ꠡꠥꠝꠣꠞꠤ 11:33

Oile fakir gust tarar muko haranir loge loge-u Mabud gusae aguin oigela. Gusa ḳoria tain bezuita gozobi bemar ḍalila.

ꠔꠃꠞꠣꠔ ৪: ꠡꠥꠝꠣꠞꠤ 18:5

Boni Israilor ufre ami zanu hirbar naraz na oi, erlagi ebadot ḳana ar kurbani kana deḳa-hunar bar tumrar ufre roibo.

ꠔꠃꠞꠣꠔ ৪: ꠡꠥꠝꠣꠞꠤ 25:13

He tar Allar faona ijjotor befare kiali oia nizor ichchae Boni Israilor gunar kofora adae ḳorae, ami-o tar lagi ou shanti-chukti boail ḳorsi. Erlagi imamotir fod he ar tar aolador maze siroḳal zari roibo.”

ꠔꠃꠞꠣꠔ ৪: ꠡꠥꠝꠣꠞꠤ 25:8

Loia tarar ḳore ḳore gia Boni Israilor hou beṭar tambut hamaia tar ar hou beṭir feṭedi gatilla. Teu Boni Israilor ufor taki Allar gozob horigelo.

ꠔꠃꠞꠣꠔ ৪: ꠡꠥꠝꠣꠞꠤ 8:19

Ou Lebi oḳolre ami Harun ar tar fuaintore shomzaisi, zate tara Boni Israilor oia Milon-tambur kezmot ḳoroin, tarar gunar koforar usilla ḳoroin. Erlagi Boni Israilor ḳeu amar goror ḳandat aile-o tar ufre kunu gozob lamto nae.”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 9:22

“Tumra to Taberat, Masat ar Kibrut-Hutaba namor zagat Mabudor gusa tulaislae.