ꠔꠃꠞꠣꠔ ৪: ꠡꠥꠝꠣꠞꠤ 16:15 - Siloṭi Asmani Kitab (Latin lipi)

¹⁵ Ita hunia Musa kub gorom oia Mabudre ḳoila, “Mabud, tumi erar kurbani kobul ḳorio na. Ami to tarar kunu ḳeti korsi na, tarar egu gada-o ami nisi na.”

Siloṭi Asmani Kitab (Nagri lipi)

¹⁵ ꠁꠔꠣ ꠢꠥꠘꠤꠀ ꠝꠥꠍꠣ ꠈꠥꠛ ꠉꠞꠝ ꠅꠁꠀ ꠝꠣꠛꠥꠖꠞꠦ ꠇꠁꠟꠣ, “ꠝꠣꠛꠥꠖ, ꠔꠥꠝꠤ ꠄꠞꠣꠞ ꠇꠥꠞꠛꠣꠘꠤ ꠇꠛꠥꠟ ꠇꠞꠤꠅ ꠘꠣ। ꠀꠝꠤ ꠔ ꠔꠣꠞꠣꠞ ꠇꠥꠘꠥ ꠈꠦꠔꠤ ꠇꠞꠍꠤ ꠘꠣ, ꠔꠣꠞꠣꠞ ꠄꠉꠥ ꠉꠣꠗꠣꠅ ꠀꠝꠤ ꠘꠤꠍꠤ ꠘꠣ।”

ছিলটি আছমানি কিতাব (বাংলা লিপি)

¹⁵ ইতা হুনিয়া মুছা খুব গরম অইয়া মাবুদরে কইলা, “মাবুদ, তুমি এরার কুরবানি কবুল করিও না। আমি তো তারার কুনু খেতি করছি না, তারার এগু গাধাও আমি নিছি না।”

ꠔꠃꠞꠣꠔ ৪: ꠡꠥꠝꠣꠞꠤ 16:15 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 32:19

Bade Musae kempor ḳasat aia manshor nasa-nasi ar basuror murti deḳla. Dekia-u tain gusae aguin oia, ator fattor duioḳan iṭa mari falai dila. Teu fattor duioḳan faṛor tole foṛia surmar oigelo.

ꠔꠃꠞꠣꠔ ৪: ꠡꠥꠝꠣꠞꠤ 12:3

Ashole Musa nobi to asla eḳzon gorima saṛa manush. Zogotor maze ila gorima saṛa ar kunu manush asil na.

ꠔꠃꠞꠣꠔ ৪: ꠡꠥꠝꠣꠞꠤ 16:16

Bade Musae Kurahre ḳoila, “Ḳail tumi ar tumar dolor hoḳol aia Mabudor samne azir oibae. Tumrar loge Harun-o azir oiba.

ꠁꠘ꠆ꠎꠤꠟ ১: ꠝꠕꠤ 5:22

Oile ami tumrare ḳoiram, ze manshe tar bai-biradoror loge rag-gusa ḳore, he bisaror daṛo foṛbo. He zudi tar baire ḳoy, ‘Tumi to be-aḳol’ te aro boṛo bisaror daṛo foṛbo. Ar ze zone tar baire ḳoy, ‘Tumi beokuf,’ he duzoḳor aguino zolbo.

Injil 2: Markus 3:5

Tarar monor i fashan halot dekia, Isar dilo kub duk hamailo. Tain tarar bae saia gusa ḳori hou bemari beṭare ḳoila, “Tumar atḳan baṛao.” He tar at baṛaite-u agor laḳan fura bala oigelo.

Injil 7: 1-Korintia 9:15

Oile ami to er kunta-u nisi na. Ar oḳon tumrare-o ita lekiar na, amar lagi otar bebosta ḳortae ḳori. Oḳon amar ou boṛaire zudi keu beḳama banailae, te amar mori zaoa-u bala.

Injil 8: 2-Korintia 1:12

Amra zeta loia gourob ḳoriar, amrar bibeḳe-o ola ḳoy, Allar deoa fobitro ar shorol mon loia hoḳol manshor maze zindegi kaṭaisi, ḳas ḳori tumrar maze-u ḳaṭaisi. I zindegi amra duniabi aḳol-hekmote nae, ḳali Allar rohomotor bole ḳaṭaisi.

Injil 8: 2-Korintia 7:2

Bai oḳol, amra to kunu manshor loge oinnae ḳorsi na, ḳeuror ḳeti-o ḳorsi na ar ḳeurore ṭogaisi-o na. Erlagi amrare tumrar dilor maze ṭai deo.

Injil 10: Ifisia 4:26

Rag-gusa ḳorle-o i ragor lagi guna ḳorio na, shuruz ḍubar age-u gusar ḳota faurilao,

ইঞ্জিল ১৩: ১-থিষল: 2:10

Ar tumra zera iman ancho, tumrar loge to amrar asar-bebohar asil fobitro, hok ar nikut. Tumra-u itar shakki, ar Alla Pak-o shakki asoin.