ꠔꠃꠞꠣꠔ ৪: ꠡꠥꠝꠣꠞꠤ 16:13 - Siloṭi Asmani Kitab (Latin lipi)

¹³ Tumi ou morubumit ania martae ḳori, dud ar mour banḍar-ala hou Mishor desh taki amrare bar ḳori ancho, hi desho to kuntar-u obab asil na. Er bade-o amrar ufre beṭagiri deḳanit lagso.

Siloṭi Asmani Kitab (Nagri lipi)

¹³ ꠔꠥꠝꠤ ꠅꠃ ꠝꠞꠥꠜꠥꠝꠤꠔ ꠀꠘꠤꠀ ꠝꠣꠞꠔꠣꠄ ꠇꠞꠤ, ꠖꠥꠗ ꠀꠞ ꠝꠃꠞ ꠜꠣꠘ꠆ꠒꠣꠞ ꠀꠟꠣ ꠢꠃ ꠝꠤꠡꠞ ꠖꠦꠡ ꠕꠣꠇꠤ ꠀꠝꠞꠣꠞꠦ ꠛꠣꠞ ꠇꠞꠤ ꠀꠘꠍ, ꠢꠤ ꠖꠦꠡꠅ ꠔ ꠇꠥꠘ꠆ꠔꠣꠞꠃ ꠅꠜꠣꠛ ꠀꠍꠤꠟ ꠘꠣ। ꠄꠞ ꠛꠣꠖꠦꠅ ꠀꠝꠞꠣꠞ ꠃꠙꠞꠦ ꠛꠦꠐꠣꠉꠤꠞꠤ ꠖꠦꠈꠣꠘꠤꠔ ꠟꠣꠉꠍ।

ছিলটি আছমানি কিতাব (বাংলা লিপি)

¹³ তুমি অউ মরুভুমিত আনিয়া মারতায় করি, দুধ আর মউর ভান্ডার আলা হউ মিসর দেশ থাকি আমরারে বার করি আনছো, হি দেশো তো কুন্তারউ অভাব আছিল না। এর বাদেও আমরার উপরে বেটাগিরি দেখানিত লাগছো।

ꠔꠃꠞꠣꠔ ৪: ꠡꠥꠝꠣꠞꠤ 16:13 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 1:11

Teu tara shordar lagaila erare maria-doria zur-zulum ḳoria ḳam ḳoranir lagi. Era Feraunor foshol raḳar lagi Pitum ar Ramashesh namor duiṭa ṭaun-o banaila.

ꠔꠃꠞꠣꠔ ২: ꠢꠤꠎꠞꠔ 1:22

Ita dekia Feraune nizor proza oḳolre hukum dila, “Ibrani oḳlor kunu fuain oile-u tumra Nil nodo falai dio, ḳali fuṛintore zita rakio.”

ꠔꠃꠞꠣꠔ ২: ꠢꠤꠎꠞꠔ 16:3

Era duio zonor birudde Boni Israile ḳoila, “Haere hae, itar ḳotae amra ḳene ailam, Mabude ḳene nizor ate amrare Mishor desho marla na? Hi shomoy amra gustor ḍegor ḳandat boitam, feṭ boria gust-ruṭi kaitam, oile itae amrare ufashe ar feṭor buke marta ḳori ono anchoin.”

ꠔꠃꠞꠣꠔ ২: ꠢꠤꠎꠞꠔ 17:3

Manshe fanir fiase ḳahil oia Musar birudde gali-galaz ḳori koila, “Tumi amrare martae ḳori Mishor desh taki ancho ni? Amrare, amrar huruttaintore, amrar foshur falre ana-fanie martae ḳori ono ancho ni?”

ꠔꠃꠞꠣꠔ ২: ꠢꠤꠎꠞꠔ 2:14

He ḳoilo, “Tumare ḳegie amrar hakim banaia bisar ḳorat faṭailo? Ḳail zela hou Mishorire kun ḳorso, oula amare-o kun ḳoriltae sairae ni?” Ou Musae ḍoraigela. Tain buzla ita to zana-zani oigese.

ꠔꠃꠞꠣꠔ ২: ꠢꠤꠎꠞꠔ 2:23

Bout din bade Mishoror bashsha morigela. Boni Israile gulamir lagi kator oia ḳanda-ḳaṭi korlo. Tarar ḳandon Allar gese kobul oigelo.

ꠔꠃꠞꠣꠔ ৪: ꠡꠥꠝꠣꠞꠤ 11:20

fura eḳ mash bori kaiba. Ḳaite ḳaite tarar naḳedi bar oibo, bade ar zane kulaito nae. Ami ila goṭaimu, ḳaron tumrar loge ze Mabud boshot ḳoroin, ou Mabudre tumra mancho na. Tan samne ḳanda-ḳaṭi koria ḳoiso, Mishor taki horia aoa bule tumrar lagi ṭik oise na.”

ꠔꠃꠞꠣꠔ ৪: ꠡꠥꠝꠣꠞꠤ 11:4

Boni Israilor loge oinnainno zatir zeta manush asla, tara dusra zator mozar kunu ḳanir lagi fagol bonigela, ar erar deḳa-deki Boni Israile-o hirbar ḳanda-ḳaṭi kori koila, “Ish, amra zudi gust ḳaitam fartam!

ꠔꠃꠞꠣꠔ ৪: ꠡꠥꠝꠣꠞꠤ 11:5

Mishoro taḳte to bina foyshae magna mas ḳaitam, hono tormuz, fiaz-roshun, kira, hag-torḳari hokkolta ḳaitam, ita oḳono mono foṛer.

ꠔꠃꠞꠣꠔ ৪: ꠡꠥꠝꠣꠞꠤ 13:27

Tara Musare ḳoila, “Afne amrare ze desho faṭaisla, amra hono gia deḳlam, hi deshḳan hasau dud ar mour banḍar-ala desh. Ou deḳoukka, hou deshor fol.

ꠔꠃꠞꠣꠔ ৪: ꠡꠥꠝꠣꠞꠤ 14:2

Hozrot Musa ar Harunor birudde bout ḳota-barta matilo. Tara hoḳole milia Musa ar Harunre ḳoilo, “Haere hae! Amra ḳene hou Mishor desho ba morubumit morlam na? Hono mora-u to bala asil.

ꠔꠃꠞꠣꠔ ৪: ꠡꠥꠝꠣꠞꠤ 14:3

Mabude ḳene amrare zuddor moydano marar niote ou desho nira? Honor dushmon oḳole amrar bou-baichchainre ḳaṛia niba. Er taki Mishoro firia zaoa-u amrar lagi bala nae ni?”

ꠔꠃꠞꠣꠔ ৪: ꠡꠥꠝꠣꠞꠤ 16:12

Erar bade Musae ḳobor dila, Iliabor dui fua Daton ar Abiram aita ḳori, oile tara zanailo, “Amra oto ṭeḳat nae.

Injil 3: Luk 19:14

“Oile tan proza oḳole tanre fosond ḳorta na. Erlagi tara tan ḳore oia guia faṭaia hou bashshare zanaila, ‘Amra sai na, ein amrar raza oukka.’

Injil 5: Sahabi Nama 7:35

“Ein hou Musa, zare Israili oḳole ou ḳota ḳoia firot disil, ḳe tumare salish ar hakim banaise? Tanre-u Allar ze firistae zonglar maze deḳa disla, hou firistar atane Boni Israilor salish ar toraneala banaia faṭaila.