ꠔꠃꠞꠣꠔ ৪: ꠡꠥꠝꠣꠞꠤ 15:39 - Siloṭi Asmani Kitab (Latin lipi)

³⁹ I zazoir laganir ḳaron oilo, otar bae saile tumra amar hokkol hukumor ḳota iad ḳoria ota amol ḳorbae. Teu tumra amar loge kunu beimani kortae nae, tumrar souḳor ar dilor bod ḳaishor ato nizore shofitae nae.

Siloṭi Asmani Kitab (Nagri lipi)

³⁹ ꠁ ꠎꠣꠎꠁꠞ ꠟꠣꠉꠣꠘꠤꠞ ꠇꠣꠞꠘ ꠅꠁꠟ, ꠅꠔꠣꠞ ꠛꠣꠄ ꠌꠣꠁꠟꠦ ꠔꠥꠝꠞꠣ ꠀꠝꠣꠞ ꠢꠇ꠆ꠇꠟ ꠢꠥꠇꠥꠝꠞ ꠇꠕꠣ ꠁꠀꠖ ꠇꠞꠤꠀ ꠅꠔꠣ ꠀꠝꠟ ꠇꠞꠛꠣꠄ। ꠔꠦꠃ ꠔꠥꠝꠞꠣ ꠀꠝꠣꠞ ꠟꠉꠦ ꠇꠥꠘꠥ ꠛꠦꠁꠝꠣꠘꠤ ꠇꠞꠔꠣꠄ ꠘꠣꠄ, ꠔꠥꠝꠞꠣꠞ ꠌꠃꠈꠞ ꠀꠞ ꠖꠤꠟꠞ ꠛꠖ ꠈꠣꠁꠡꠞ ꠀꠔꠅ ꠘꠤꠎꠞꠦ ꠡꠙꠤꠔꠣꠄ ꠘꠣꠄ।

ছিলটি আছমানি কিতাব (বাংলা লিপি)

³⁹ ই জাজইর লাগানির কারন অইলো, অতার বায় চাইলে তুমরা আমার হক্কল হুকুমর কথা ইয়াদ করিয়া অতা আমল করবায়। তেউ তুমরা আমার লগে কুনু বেইমানি করতায় নায়, তুমরার চউখর আর দিলর বদ খাইশর আতো নিজরে সপিতায় নায়।

ꠔꠃꠞꠣꠔ ৪: ꠡꠥꠝꠣꠞꠤ 15:39 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 13:9

Ou laḳan tumra zarzir aolad oḳolre Mabudor hukum talim dio, zate tumrar mono roy, Mabude tan kudroti at dia tumrare Mishor desh taki bar ḳori anchoin. Tumrar ator ba ḳofalor tabiz-ḳobzor laḳan, ou talimre-o hamesha sokur samne rakio.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 29:19

Zeta manshe ou ḳosom ḳaoar ḳota hunia-o zudi tar nizore kub ḳofali mono ḳore, ar beforua oia solle-o kunu shomoshsha nai ila mono ḳore, te tumrar bala-bura duioṭar ufre ota manshe shorbonash ḍakia anbo.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:23

Te tumra nizor befare hushiar roio, tumrar Mabud Allae tumrar loge ze oada-chukti kaim ḳorsoin, ita faurio na. Tumrar Mabud Allar nished omainno ḳoria kunu zinishor murti banaio na.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 6:12

Oile tumra hushiar roio, ita hoḳolta faia hari maldar bonia tumrar hou Alla Mabudre faurio na, zein tumrare Mishor deshor gulami taki kalas ḳoria anchoin.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 8:11

“Ta-o tumra hushiar roio, tumrar Mabud Allare kunu shomoy faurio na, ar ami oḳon tumrare zeta hukum-ahkam, niom-ḳanun, ar shoriot zanairam, ita amol ḳorte kunu gafloti korio na.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 8:14

Tumrar dilre boṛai-beṭagiri korte dio na. Ar hou Alla Mabudre faurio na, zein tumrare Mishor desh taki, hou gulami taki bar ḳoria anchoin.

Injil 20: Iakub 4:4

O beiman oḳol, tumra kita zano na ni, duniar loge dustir mani Allar loge dushmoni? Ze duniar mayae buṛi zae, he Allar dushmon oizae.