ꠔꠃꠞꠣꠔ ৪: ꠡꠥꠝꠣꠞꠤ 15:30 - Siloṭi Asmani Kitab (Latin lipi)

³⁰ “Oile Boni Israil ba tarar maze boshot ḳorra oinno kunu zatir ḳeu zudi ichcha ḳoria kunu naformani kore, te he shoyong Mabudre beijjot ḳore. Ila naformanir lagi shomaz taki ogur nam miṭailite oibo.

Siloṭi Asmani Kitab (Nagri lipi)

³⁰ “ꠅꠁꠟꠦ ꠛꠘꠤ ꠁꠍꠞꠣꠁꠟ ꠛꠣ ꠔꠣꠞꠣꠞ ꠝꠣꠎꠦ ꠛꠡꠔ ꠇꠞꠞꠣ ꠅꠁꠘ꠆ꠘ ꠇꠥꠘꠥ ꠎꠣꠔꠤꠞ ꠇꠦꠃ ꠎꠥꠖꠤ ꠁꠌ꠆ꠍꠣ ꠇꠞꠤꠀ ꠇꠥꠘꠥ ꠘꠣꠚꠞꠝꠣꠘꠤ ꠇꠞꠦ, ꠔꠦ ꠢꠦ ꠡ꠆ꠛꠄꠅꠋ ꠝꠣꠛꠥꠖꠞꠦ ꠛꠦꠁꠎ꠆ꠎꠔ ꠇꠞꠦ। ꠁꠟꠣ ꠘꠣꠚꠞꠝꠣꠘꠤꠞ ꠟꠣꠉꠤ ꠡꠝꠣꠎ ꠕꠣꠇꠤ ꠅꠉꠥꠞ ꠘꠣꠝ ꠝꠤꠐꠣꠁꠟꠤꠔꠦ ꠅꠁꠛ।

ছিলটি আছমানি কিতাব (বাংলা লিপি)

³⁰ “অইলে বনি ইছরাইল বা তারার মাজে বসত কররা অইন্য কুনু জাতির কেউ যুদি ইচ্ছা করিয়া কুনু নাফরমানি করে, তে হে স্বয়ং মাবুদরে বেইজ্জত করে। ইলা নাফরমানির লাগি সমাজ থাকি অগুর নাম মিটাইলিতে অইবো।

ꠔꠃꠞꠣꠔ ৪: ꠡꠥꠝꠣꠞꠤ 15:30 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 17:14

Ze beṭae purush ongor mukar samṛa ḳaṭto nae, tare tar zatir maz taki fusia falail oibo. He to amar chuktir borkelaf ḳorse.”

ꠎꠛꠥꠞ ꠡꠞꠤꠚ 19:13

Monor gorimae ḳora guna taki basao amare, itae zanu ḳobza ḳorto na fare more. Teugi ami nekkar bonda bonitam farmu, boṛo boṛo guna taki mor zan basaimu.

ꠔꠃꠞꠣꠔ ২: ꠢꠤꠎꠞꠔ 21:14

Ar ḳeu zudi zania-hunia ichcha ḳori keurore kun ḳoria, bade aia amar kurbani kanar gese-o asroy loy, ta-o hon taki doria nia tare zane mara oibo.

ꠔꠃꠞꠣꠔ ২: ꠢꠤꠎꠞꠔ 30:33

Ḳeu zudi i laḳan tel toiar ḳore, ba imam sab saṛa ar ḳeu i tel gotro maḳe, te tare nizor zati taki fusilibae.”

ꠔꠃꠞꠣꠔ ৩: ꠟꠦꠛꠤꠀꠘ 20:10

“Kunu manshe zudi ari-forir kunu zonor bour loge zina ḳore, te ou beṭa-beṭi duio zonre zane marilibae.

ꠔꠃꠞꠣꠔ ৩: ꠟꠦꠛꠤꠀꠘ 20:3

He nizor fua ba fuṛire aguindi zalaia Mulok devtar name boli dia, amar Kaba gorre nafak banaise ar amar fak-fobitro namre oshomman ḳorse. Erlagi ami tar ḳeti korat lagmu, i zatir maz taki tar nam miṭailimu.

ꠔꠃꠞꠣꠔ ৩: ꠟꠦꠛꠤꠀꠘ 20:6

“Kunu manshe zudi amar loge beimani koria, zin-but shadok ba gonoḳor loge mishia nizore shofi dilae, te tar-o ḳeti korat lagizimu ar i zatir maz taki tar nam miṭailimu.

ꠔꠃꠞꠣꠔ ৪: ꠡꠥꠝꠣꠞꠤ 15:29

Bul ḳoria monor ozante ze manshe naformani korilae, ou laḳan forteḳ manshor lagi i niom salu roibo, he Boni Israil ouk, ba bin-deshi ouk, eḳoi niome solbo.

ꠔꠃꠞꠣꠔ ৪: ꠡꠥꠝꠣꠞꠤ 9:13

Oile zera pak-pakiza halote ase, ar zera soforor maze nae, ila kunu zone zudi Azadi Idor kurbani na dey, te Mabudor ṭik kora shomoye kurbani na deoae, tar zati taki tar nam miṭailibae. Tar gunar shaza he faite oibo.

ꠁꠘ꠆ꠎꠤꠟ ১: ꠝꠕꠤ 12:32

Ami bin-Adomor birudde ḳeu kunta matile-o he mafi faibo, oile Pak Ruhur birudde matile tar kunu mafi nai, i zindegit-o nai, aḳero-o nai.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:43

Ami tumrare hushiari deoar bade-o tumra ita manlae na. Tumra Mabudor hukumor ulṭa gia buk fulaia ou faṛo uṭat laglae.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:27

Oile amar zana ase dushmonor bab-shab, beṭagiri korba tara oibo tarar lab. Na buzia ḳoibo tara zitse nizor bole, Mabud ita kuntat nae zitsi kole-bole.

Injil 19: Ibrani 10:26

Alla Pakor hok torika zanar bade-o zudi amra zania-hunia guna ḳorat roi, te i gunar koforar lagi kunuzator kurbani nai.

Injil 19: Ibrani 10:29

Te sinta ḳori deḳoukka, ze zone Allar ḳas mayar zon Ibnullare gin ḳore, he aro ḳoto boṛo azabor bagi oise! Ze lour usillae he fak-saf oise, Allai hou usillar loure he elami korse, ar ze Pak Ruhe rohomot boḳshia dein, hou ruhre-o beijjot ḳorse.

Injil 23: 1-Hannan 5:16

Ḳeu zudi kunu mumin baire ola ek guna ḳorat deḳe, ze guna moutor foti nae, te he aroz ḳorle Allae hou baire hefazot ḳorba. Ami ino ou laḳan gunar ḳota ḳoiram, zerar guna moutor foti nae. Oile mono rakio, moutor foti guna-o ase, ila gunar befare aroz ḳorar lagi ami koiram na.