ꠔꠃꠞꠣꠔ ৪: ꠡꠥꠝꠣꠞꠤ 15:29 - Siloṭi Asmani Kitab (Latin lipi)

²⁹ Bul ḳoria monor ozante ze manshe naformani korilae, ou laḳan forteḳ manshor lagi i niom salu roibo, he Boni Israil ouk, ba bin-deshi ouk, eḳoi niome solbo.

Siloṭi Asmani Kitab (Nagri lipi)

²⁹ ꠜꠥꠟ ꠇꠞꠤꠀ ꠝꠘꠞ ꠅꠎꠣꠘ꠆ꠔꠦ ꠎꠦ ꠝꠣꠘꠡꠦ ꠘꠣꠚꠞꠝꠣꠘꠤ ꠇꠞꠤꠟꠣꠄ, ꠅꠃ ꠟꠣꠈꠣꠘ ꠙꠞꠔꠦꠇ ꠝꠣꠘꠡꠞ ꠟꠣꠉꠤ ꠁ ꠘꠤꠅꠝ ꠌꠣꠟꠥ ꠞꠁꠛ, ꠢꠦ ꠛꠘꠤ ꠁꠍꠞꠣꠁꠟ ꠅꠃꠇ, ꠛꠣ ꠜꠤꠘ-ꠖꠦꠡꠤ ꠅꠃꠇ, ꠄꠇꠁ ꠘꠤꠅꠝꠦ ꠌꠟꠛ।

ছিলটি আছমানি কিতাব (বাংলা লিপি)

²⁹ ভুল করিয়া মনর অজান্তে যে মানষে নাফরমানি করিলায়, অউ লাখান পরতেক মানষর লাগি ই নিয়ম চালু রইবো, হে বনি ইছরাইল অউক, বা ভিন-দেশি অউক, একই নিয়মে চলবো।

ꠔꠃꠞꠣꠔ ৪: ꠡꠥꠝꠣꠞꠤ 15:29 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 12:49

Boni Israilor lagi ar abadir lagi-o eḳ homan ain zari oilo.”

ꠔꠃꠞꠣꠔ ৩: ꠟꠦꠛꠤꠀꠘ 16:29

“Erbade ami zeta ḳoiram, ita oilo tumrar lagi hor-hameshakur niom. Forteḳ bosoror shat nombor sandor dosh nombor din, tumrar forteḳ zone hoḳol zator ḳam-ḳaz ar ruzi-ruzgar bad dia, noto oia dil shofia dibae. Boni Israil ba tumrar loge boshot ḳorra bin-deshi hoḳol zone ita mante oibo.

ꠔꠃꠞꠣꠔ ৩: ꠟꠦꠛꠤꠀꠘ 17:15

“Ar kunu manshe zudi mora foshur ba zongli zanuare mara kunu foshur gust ḳailae, te he Boni Israil ouk, ba tarar loge boshot ḳorra bin-deshi ouk, he tar ḳafoṛ-sufoṛ doia dia fanidi naite oibo. Ta-o hainja forzonto he nafak halote roibo, erbade he fak-saf bonbo.

ꠔꠃꠞꠣꠔ ৩: ꠟꠦꠛꠤꠀꠘ 4:2

“Tumi Boni Israilre ḳo, na zanar ḳarone ḳeu zudi bul ḳoria Allar nished ḳora kunu gunar ḳam ḳorilae, te tain ou nomunae gunar koforar kurbani adae ḳorba.

ꠔꠃꠞꠣꠔ ৪: ꠡꠥꠝꠣꠞꠤ 15:15

Oarishor for oarish dori ou niom zari roibo. Tumrar shomazor hoḳlor lagi ou niom salu roibo, ita tumra o ba tumrar loge boshot ḳorra bin-deshi oile-o, hoḳlor lagi-u oarishor for oarish dori ou eḳoi niom zari roibo. I befare ami Mabudor gese tumra zela, bin-deshi oḳol-o oula, hoḳol homan.

ꠔꠃꠞꠣꠔ ৪: ꠡꠥꠝꠣꠞꠤ 15:28

Ar ze zone monor ozante ou guna ḳorse, imam sabe Mabudor dorbaro tar gunar koforar bebosta ḳorba. Ou kurbani kobul oile he mafi faibo.

ꠔꠃꠞꠣꠔ ৪: ꠡꠥꠝꠣꠞꠤ 15:30

“Oile Boni Israil ba tarar maze boshot ḳorra oinno kunu zatir ḳeu zudi ichcha ḳoria kunu naformani kore, te he shoyong Mabudre beijjot ḳore. Ila naformanir lagi shomaz taki ogur nam miṭailite oibo.

ꠔꠃꠞꠣꠔ ৪: ꠡꠥꠝꠣꠞꠤ 9:14

“Boni Israilor maze boshot ḳorra bideshi kunu manshe zudi Mabudor name Azadi Id adae ḳorto sae, te ḳorto farbo. Oile ou idor niom-ḳanun mania adae ḳorte oibo. Boni Israil ba bin-deshi hoḳole-u eḳoi niom mante oibo.”

Injil 3: Luk 12:48

Oile na zania zudi he shaza faibar ḳam ḳorilae, te tar shaza ḳom oibo. Zare beshi deoa oise, tar ges tone beshi saoa oibo, ar zar gese beshi forimane toa oise, tar gese-u beshi dabi kora oibo.