ꠔꠃꠞꠣꠔ ৪: ꠡꠥꠝꠣꠞꠤ 15:15 - Siloṭi Asmani Kitab (Latin lipi)

¹⁵ Oarishor for oarish dori ou niom zari roibo. Tumrar shomazor hoḳlor lagi ou niom salu roibo, ita tumra o ba tumrar loge boshot ḳorra bin-deshi oile-o, hoḳlor lagi-u oarishor for oarish dori ou eḳoi niom zari roibo. I befare ami Mabudor gese tumra zela, bin-deshi oḳol-o oula, hoḳol homan.

Siloṭi Asmani Kitab (Nagri lipi)

¹⁵ ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠅꠃ ꠘꠤꠅꠝ ꠎꠣꠞꠤ ꠞꠁꠛ। ꠔꠥꠝꠞꠣꠞ ꠡꠝꠣꠎꠞ ꠢꠇꠟꠞ ꠟꠣꠉꠤ ꠅꠃ ꠘꠤꠅꠝ ꠌꠣꠟꠥ ꠞꠁꠛ, ꠁꠔꠣ ꠔꠥꠝꠞꠣ ꠅꠅ ꠛꠣ ꠔꠥꠝꠞꠣꠞ ꠟꠉꠦ ꠛꠡꠔ ꠇꠞꠞꠣ ꠜꠤꠘ-ꠖꠦꠡꠤ ꠅꠁꠟꠦꠅ, ꠢꠇꠟꠞ ꠟꠣꠉꠤꠃ ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠅꠃ ꠄꠇꠁ ꠘꠤꠅꠝ ꠎꠣꠞꠤ ꠞꠁꠛ। ꠁ ꠛꠦꠙꠣꠞꠦ ꠀꠝꠤ ꠝꠣꠛꠥꠖꠞ ꠉꠦꠍꠦ ꠔꠥꠝꠞꠣ ꠎꠦꠟꠣ, ꠜꠤꠘ-ꠖꠦꠡꠤ ꠅꠇꠟꠅ ꠅꠃꠟꠣ, ꠢꠇꠟ ꠢꠝꠣꠘ।

ছিলটি আছমানি কিতাব (বাংলা লিপি)

¹⁵ ওয়ারিশর পর ওয়ারিশ ধরি অউ নিয়ম জারি রইবো। তুমরার সমাজর হকলর লাগি অউ নিয়ম চালু রইবো, ইতা তুমরা অও বা তুমরার লগে বসত কররা ভিন-দেশি অইলেও, হকলর লাগিউ ওয়ারিশর পর ওয়ারিশ ধরি অউ একই নিয়ম জারি রইবো। ই বেয়াপারে আমি মাবুদর গেছে তুমরা যেলা, ভিন-দেশি অকলও অউলা, হকল হমান।

ꠔꠃꠞꠣꠔ ৪: ꠡꠥꠝꠣꠞꠤ 15:15 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 12:14

Ou dinre tumra iad rakio ar ami Mabudor name idor din manio. I idre tumra amar hukum mono ḳoria hor-hamesha oarishor for oarish dori mania zaio.”

ꠔꠃꠞꠣꠔ ২: ꠢꠤꠎꠞꠔ 12:24

“Amar batail hukum mono ḳoria tumra ar tumrar aolad oḳole i idre adae ḳorio.

ꠔꠃꠞꠣꠔ ২: ꠢꠤꠎꠞꠔ 12:43

Mabude Musa ar Harunre ḳoila, “Azadi Idor kurbanir niom-ḳanun ami tumrare hikai diar. Huno, oinno kunu zatir manshore er gust ḳaite dibae na.

ꠔꠃꠞꠣꠔ ২: ꠢꠤꠎꠞꠔ 12:49

Boni Israilor lagi ar abadir lagi-o eḳ homan ain zari oilo.”

ꠔꠃꠞꠣꠔ ২: ꠢꠤꠎꠞꠔ 28:43

Harun ar tar fuain zebla Milon-tambut hamaiba, ba kurbani kanar gese pak zagat hamaia imamotir ḳamo lagba, ou shomoy tara ou zangia finba. Teu tara ni-oforadi roiba, morta nae. Harun ar tar oarishor silsilar lagi i ain hor-hamesha salu roibo.”

ꠔꠃꠞꠣꠔ ৩: ꠟꠦꠛꠤꠀꠘ 24:22

Boni Israil ba tumrar loge boshot ḳorra bin zatir manshor lagi ou eḳoi ain zari roibo. Mono rakio, ami Alla-u tumrar Mabud.”

ꠔꠃꠞꠣꠔ ৪: ꠡꠥꠝꠣꠞꠤ 10:8

Ou sunga bazaiba imam Harunor bongshor imam oḳole. Iṭa tumrar lagi ar tumrar bongshodoror lagi-o siroḳalin niom.

ꠔꠃꠞꠣꠔ ৪: ꠡꠥꠝꠣꠞꠤ 15:14

Oinno zatir kunu musafir ba tumrar loge boshot ḳorra kunu bin-deshie zudi, amare kush ḳorar niote agunit deoa geran ala kurbani dito sae, te he-o tumrar laḳan eḳoi niom mante oibo.

ꠔꠃꠞꠣꠔ ৪: ꠡꠥꠝꠣꠞꠤ 15:29

Bul ḳoria monor ozante ze manshe naformani korilae, ou laḳan forteḳ manshor lagi i niom salu roibo, he Boni Israil ouk, ba bin-deshi ouk, eḳoi niome solbo.

ꠔꠃꠞꠣꠔ ৪: ꠡꠥꠝꠣꠞꠤ 18:8

Erbade Mabude Harunre ḳoila, “Amar name zoto laḳan kurbani deoa oy, itar hoḳol zimmadari ami nize-u tumar ato shomzaisi. Te amar name Boni Israilor kurbani kora hoḳol fak-fobitro zinish, ami tumare ar tumar oarishor faona beton hishabe siroḳalor lagi dilailam.

ꠔꠃꠞꠣꠔ ৪: ꠡꠥꠝꠣꠞꠤ 9:14

“Boni Israilor maze boshot ḳorra bideshi kunu manshe zudi Mabudor name Azadi Id adae ḳorto sae, te ḳorto farbo. Oile ou idor niom-ḳanun mania adae ḳorte oibo. Boni Israil ba bin-deshi hoḳole-u eḳoi niom mante oibo.”

Injil 9: Galatia 3:28

Ihudi ar o-Ihudi, gulam ar azad, beṭin ar beṭaintor maze oḳon kunu tofat nai. Isa al-Mosir loge mishi zaoae tumra hoḳol-u to eḳ oigeso.

Injil 12: Kolosia 3:11

Ou halote Ihudi kiba bin zati, mosolmani kam ḳorail ba na ḳorail, oshikkito borbor, nisa zati, gulam ba azad manshor maze kunu tofat nai. Ita hoḳoltar maze al-Mosi-u fordan, hoḳlor maze-u tain asoin.