ꠔꠃꠞꠣꠔ ৪: ꠡꠥꠝꠣꠞꠤ 14:43 - Siloṭi Asmani Kitab (Latin lipi)

⁴³ Hino gia tumra Amaleki ar Kenani oḳlor mukamuki oibae. Ar Mabudor log saṛia gesogi kori, tain tumrar loge roita nae. Erlagi tumra zuddor muko morbae.”

Siloṭi Asmani Kitab (Nagri lipi)

⁴³ ꠢꠤꠘꠅ ꠉꠤꠀ ꠔꠥꠝꠞꠣ ꠀꠝꠣꠟꠦꠇꠤ ꠀꠞ ꠇꠦꠘꠣꠘꠤ ꠅꠇꠟꠞ ꠝꠥꠈꠣꠝꠥꠈꠤ ꠅꠁꠛꠣꠄ। ꠀꠞ ꠝꠣꠛꠥꠖꠞ ꠟꠉ ꠍꠣꠠꠤꠀ ꠉꠦꠍꠉꠤ ꠇꠞꠤ, ꠔꠣꠁꠘ ꠔꠥꠝꠞꠣꠞ ꠟꠉꠦ ꠞꠁꠔꠣ ꠘꠣꠄ। ꠄꠞꠟꠣꠉꠤ ꠔꠥꠝꠞꠣ ꠎꠥꠖ꠆ꠖꠞ ꠝꠥꠈꠅ ꠝꠞꠛꠣꠄ।”

ছিলটি আছমানি কিতাব (বাংলা লিপি)

⁴³ হিনো গিয়া তুমরা আমালেকী আর কেনানী অকলর মুখামুখি অইবায়। আর মাবুদর লগ ছাড়িয়া গেছোগি করি, তাইন তুমরার লগে রইতা নায়। এরলাগি তুমরা যুদ্ধর মুখো মরবায়।”

ꠔꠃꠞꠣꠔ ৪: ꠡꠥꠝꠣꠞꠤ 14:43 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 26:17

Ami tumrar ḳeti korat lagizimu, ar tumra nizor dushmonor gese aribae. Tumrare zetae ingsha ḳoroin, otae tumrare shashon ḳorba, ar ḳeu tumrare na ḳedaile-o, tumra zanor ḍore emne-u bagibae.

ꠔꠃꠞꠣꠔ ৪: ꠡꠥꠝꠣꠞꠤ 13:29

Amaleki oḳol boshot ḳoroin Negeb morubumit. Hiṭṭi, Zibuzi ar Amuri oḳol faṛi elaḳat roin. Ar Kenani oḳlor ḳeu ḳeu doriar ḳandat ar ḳeu ḳeu Zordan gangor faro roin.”

ꠔꠃꠞꠣꠔ ৪: ꠡꠥꠝꠣꠞꠤ 14:25

Huno, hou deshor faṛia tol zagainto oḳon Amaleki ar Kenani oḳole boshot ḳorra. Te samnor ḳail tumra fisedi gia Akaba shagoror faredi morubumir bae roana oio.”

ꠔꠃꠞꠣꠔ ৪: ꠡꠥꠝꠣꠞꠤ 14:42

Huno, tumra zaio na, ḳaron Mabud tumrar loge nae. Dushmon oḳlor gese tumra aribae.

ꠔꠃꠞꠣꠔ ৪: ꠡꠥꠝꠣꠞꠤ 14:44

Tebou tara tan ḳota ulṭaia hou faṛi elaḳa bae roana dilo. Oile Musa tarar loge gela na ar Mabudor fobitro shahadot shonduk-o kempor bitre roigelo.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:25

“Mabude tumrar dushmon oḳlor mukabilat tumrare araiba, erare eḳ fotedi marat gele shat fotedi bagibae. Tumrar dosha dekia zogotor hoḳol zatie ḍoraia ḳafiba.