ꠔꠃꠞꠣꠔ ৪: ꠡꠥꠝꠣꠞꠤ 14:24 - Siloṭi Asmani Kitab (Latin lipi)

²⁴ Oile amar bonda Kalutor dilor bab ila nae, he amar hukum furafur mane. Erlagi ze desh deḳat he gesil, ami tare hou desho nimu, tar aolad oḳol hi deshor malik oiba.

Siloṭi Asmani Kitab (Nagri lipi)

²⁴ ꠅꠁꠟꠦ ꠀꠝꠣꠞ ꠛꠘ꠆ꠖꠣ ꠇꠣꠟꠥꠔꠞ ꠖꠤꠟꠞ ꠜꠣꠛ ꠁꠟꠣ ꠘꠣꠄ, ꠢꠦ ꠀꠝꠣꠞ ꠢꠥꠇꠥꠝ ꠙꠥꠞꠣꠙꠥꠞ ꠝꠣꠘꠦ। ꠄꠞꠟꠣꠉꠤ ꠎꠦ ꠖꠦꠡ ꠖꠦꠈꠣꠔ ꠢꠦ ꠉꠦꠍꠤꠟ, ꠀꠝꠤ ꠔꠣꠞꠦ ꠢꠃ ꠖꠦꠡꠅ ꠘꠤꠝꠥ, ꠔꠣꠞ ꠀꠅꠟꠣꠖ ꠅꠇꠟ ꠢꠤ ꠖꠦꠡꠞ ꠝꠣꠟꠤꠇ ꠅꠁꠛꠣ।

ছিলটি আছমানি কিতাব (বাংলা লিপি)

²⁴ অইলে আমার বন্দা কালুতর দিলর ভাব ইলা নায়, হে আমার হুকুম পুরাপুর মানে। এরলাগি যে দেশ দেখাত হে গেছিল, আমি তারে হউ দেশো নিমু, তার আওলাদ অকল হি দেশর মালিক অইবা।

ꠔꠃꠞꠣꠔ ৪: ꠡꠥꠝꠣꠞꠤ 14:24 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 13:30

Ou shomoy Musar samne zeta manush dola asla, Kalute erar shurgul tamaia ḳoila, “Amrar lagi zorur oilo hono gia ou desh doḳol ḳora, ar ita amra farmu-o.”

ꠔꠃꠞꠣꠔ ৪: ꠡꠥꠝꠣꠞꠤ 14:30

Ami tumrare ze desh ditam ḳori oada ḳorslam, ḳali Zifunnir fua Kalut ar Nunor fua Iusa saṛa ar ḳeu gia hi desho hamanir ḳofal oito nae.

ꠔꠃꠞꠣꠔ ৪: ꠡꠥꠝꠣꠞꠤ 26:65

Ashole ota Boni Israilor befare Mabude age-u ḳoisla, tara nichchoy ou morubumit mara zaiba. Ar hasau ḳali Zifunnir fua Kalut ar Nunor fua Iusa saṛa tarar mazor dusra ḳeu zinda roisil na.

Injil 5: Sahabi Nama 11:23

Tain hono fosia Antiokiat Allar meherbani dekia kub kushi oila, ar manshore asha dita taḳla, zate tara dile-zane malikor name imane mozbut roin.

Injil 10: Ifisia 6:6

Ḳali manshore kushi korar niote munibor samne baiddo roio na, borong al-Mosir gulam hishabe dile-zane Allar morzi mafik solrae ḳoria tumrar munibor baiddo roio.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:36

ḳali Zifunnir fua Kalut saṛa. Ikan deḳar shoubaiggo ou Kalute faibo, he amar ḳotare furafur manche, he zeta zaga faodi faṛaia aise, ita zaga ami tare ar tar aolad oḳolre dimu.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 6:5

Tumra forteḳe tumrar asta dil, asta zan ar hoḳol bol-shokti dia tumrar Mabud Allare mohobbot ḳorio.

Injil 12: Kolosia 3:23

Tumra zeta-u ḳoro na ḳene, ita manshor lagi nae, borong malikre kushi korar niote dile-zane ḳorio.