ꠔꠃꠞꠣꠔ ৪: ꠡꠥꠝꠣꠞꠤ 14:2 - Siloṭi Asmani Kitab (Latin lipi)

² Hozrot Musa ar Harunor birudde bout ḳota-barta matilo. Tara hoḳole milia Musa ar Harunre ḳoilo, “Haere hae! Amra ḳene hou Mishor desho ba morubumit morlam na? Hono mora-u to bala asil.

Siloṭi Asmani Kitab (Nagri lipi)

² ꠢꠎꠞꠔ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠛꠃꠔ ꠇꠕꠣꠛꠣꠞ꠆ꠔꠣ ꠝꠣꠔꠤꠟ। ꠔꠣꠞꠣ ꠢꠇꠟꠦ ꠝꠤꠟꠤꠀ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟ, “ꠢꠣꠄꠞꠦ ꠢꠣꠄ! ꠀꠝꠞꠣ ꠇꠦꠘꠦ ꠢꠃ ꠝꠤꠡꠞ ꠖꠦꠡꠅ ꠛꠣ ꠝꠞꠥꠜꠥꠝꠤꠔ ꠝꠞꠟꠣꠝ ꠘꠣ? ꠢꠘꠅ ꠝꠞꠣꠃ ꠔ ꠜꠣꠟꠣ ꠀꠍꠤꠟ।

ছিলটি আছমানি কিতাব (বাংলা লিপি)

² হজরত মুছা আর হারুনর বিরুদ্ধে বউত কথাবার্তা মাতিলো। তারা হকলে মিলিয়া মুছা আর হারুনরে কইলো, “হায়রে হায়! আমরা কেনে হউ মিসর দেশো বা মরুভুমিত মরলাম না? হনো মরাউ তো ভালা আছিল।

ꠔꠃꠞꠣꠔ ৪: ꠡꠥꠝꠣꠞꠤ 14:2 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 14:11

Tara Musare ḳoila, “Mishoro ḳoybor dibar zaga nai dekia, amrare martae ḳori ou morubumit loia aiso ni? Tumi ita kita ḳorlae? Ḳene amrare Mishor taki bar ḳorlae?

ꠔꠃꠞꠣꠔ ২: ꠢꠤꠎꠞꠔ 15:24

Ar manshe Musar birudde ḳana-ḳani kori koila, “Amra oḳon fani kaitam kila?”

ꠔꠃꠞꠣꠔ ২: ꠢꠤꠎꠞꠔ 17:3

Manshe fanir fiase ḳahil oia Musar birudde gali-galaz ḳori koila, “Tumi amrare martae ḳori Mishor desh taki ancho ni? Amrare, amrar huruttaintore, amrar foshur falre ana-fanie martae ḳori ono ancho ni?”

ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ 4:3

O Mabud, ami oḳon aroz ḳorram, tumi amar zanḳan neogi, amar to basa taki mora-u bala.”

ꠀꠍꠝꠣꠘꠤ ꠇꠤꠔꠣꠛ: ꠁꠃꠘꠥꠍ 4:8

Bade zebla shuruz uṭlo, ou shomoy Allae fubali gorom haoa zugaila. Roide Iunusor matat kub gorom laglo, tain beush oizibar dosha. Teu Iunuse moron mangila, ḳoila, “Amar to basa taki moron-u bala.”

ꠔꠃꠞꠣꠔ ৪: ꠡꠥꠝꠣꠞꠤ 11:1

Boni Israile nizor duk-koshṭor lagi bezar oia boḳa-zoḳa ḳorla. Erlagi Mabude tarar ita hunia gusa oigela. Tain gozobi aguin faṭaila ar ou aguin tarar maze zolilo, ete kempor kinarar kisu ongsho aguine zoligelo.

ꠔꠃꠞꠣꠔ ৪: ꠡꠥꠝꠣꠞꠤ 11:15

Tumi zudi amare i moshkilo falao, te tumar duai dia ḳoiar, oḳon-u amare zane marilao. Ar ḳoiram, ami zudi tumar rohomotor tole taki, te nizor souke nizor behalloti dosha amare deḳaio na.”

ꠔꠃꠞꠣꠔ ৪: ꠡꠥꠝꠣꠞꠤ 11:5

Mishoro taḳte to bina foyshae magna mas ḳaitam, hono tormuz, fiaz-roshun, kira, hag-torḳari hokkolta ḳaitam, ita oḳono mono foṛer.

ꠔꠃꠞꠣꠔ ৪: ꠡꠥꠝꠣꠞꠤ 14:1

Ikan hunia hoḳol Boni Israile silla-silli lagailo. Tara hara rait ḳanda-ḳaṭi korlo.

ꠔꠃꠞꠣꠔ ৪: ꠡꠥꠝꠣꠞꠤ 14:22

ita eḳzone-o amar oada ḳora hi desh deḳar shuzug oito nae, ze desh ditam ḳori ami tarar baf-dadar gese oada ḳorslam. Ḳaron itae amar nuror tozolli deḳsoin, tara Mishoro taḳte ar ou morubumit aia-o amar kudroti lila-ḳela deḳar bade-o itae amare manchoin na, borong dosh-doshbar tara amare forikka ḳorsoin. Te tara zotozone amare elami korse, ita eḳzone-o hi desh deḳar ḳofal oito nae.

ꠔꠃꠞꠣꠔ ৪: ꠡꠥꠝꠣꠞꠤ 16:13

Tumi ou morubumit ania martae ḳori, dud ar mour banḍar-ala hou Mishor desh taki amrare bar ḳori ancho, hi desho to kuntar-u obab asil na. Er bade-o amrar ufre beṭagiri deḳanit lagso.

ꠔꠃꠞꠣꠔ ৪: ꠡꠥꠝꠣꠞꠤ 16:41

Oile bador din-u Boni Israilor manshe Hozrot Musa ar Harunor birudde ber-beri lagailo, tara ḳoilo, “Mabudor bonda oḳolre tumra-u marso.”

ꠔꠃꠞꠣꠔ ৪: ꠡꠥꠝꠣꠞꠤ 17:6

Teu Musae ita hoḳolta Boni Israilre zanaila. Ar tarar baf-dadar ḳandan mafik forteḳ shordare zarzir ḳandanor torof taki egu ḳori, muṭ baro ḳandanor baroṭa laṭi ania dila. Ou laṭintor egu laṭi asil Harun nobir.

ꠔꠃꠞꠣꠔ ৪: ꠡꠥꠝꠣꠞꠤ 20:2

Hino ḳaibar kunu fani na faoae Boni Israile Musa ar Harunor birudde dol bandia erar fise lagla.

ꠔꠃꠞꠣꠔ ৪: ꠡꠥꠝꠣꠞꠤ 20:3

Tara Musar loge ḳaijja ḳoria ḳoila, “Amrar logor baiain zebla Mabudor samne morsla, hou shomoy amra-o morigele bala asil.

ꠔꠃꠞꠣꠔ ৪: ꠡꠥꠝꠣꠞꠤ 20:4

Mabudor bonda oḳolre tumi kene ou morubumit anlae, oḳon foshur fal shudda amra hokkole ono zan kuaitam ni?

ꠔꠃꠞꠣꠔ ৪: ꠡꠥꠝꠣꠞꠤ 21:5

Musa nobi ar Alla Pakor birudde mata-mati lagaila, tara ḳoila, “Amrare Mishor desh taki kene bar ḳori anlae, ou morubumit ania marar lagi ni? Ino to ḳani-o nai, fani-o nai. Ar ola baze ḳani amra dui souke deḳtam fari na.”

Injil 7: 1-Korintia 10:10

Tarar mazor boute na-kush oia boḳa-zoḳa ḳorae, Allar gozobor firistae tarare binash ḳorsoin. Erlagi tumra ila ḳorio na.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:27

Tumra zarzir tambut hamaia boḳa-zoḳa shuru ḳorlae, ar ḳoilae, Mabude amrar loge dushmoni koroin, erlagi-u amrare binash ḳorar niote, Amuri oḳlor ato falaia marar kiale, Mishor desh taki tain amrare bar ḳori anchoin.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 9:23

Erbade Kadesh-Bornea taki roana oar ḳalo Mabude zebla ḳoila, ami tumrare aramor ze desh dan ḳorsi, tumra gia oḳan doḳol ḳoro, hou shomoy-o tumra nizor Mabud Allar hukumor birudita ḳorlae, tanre manlae na, tan ḳotare-o ekin ḳorlae na.

Injil 19: Ibrani 3:16

Aichcha ḳo sain, Allar nizor zobanor buli hunar bade-o ḳegie tan birudita ḳorsil? Era-u nae ni, zerare Musa nobie Mishor taki bar ḳori anchila?

Injil 26: Ehuda 1:16

Itae to hamesha-u na-sobri koroin, nizor ḳofalre dushoin ar tarar bod ḳaishor boshe soloin. Tarar hoḳol mato nizor boṛai-beṭagiri deḳain, sharto hasilor lagi manshor bozona ḳoroin.