ꠔꠃꠞꠣꠔ ৪: ꠡꠥꠝꠣꠞꠤ 13:29 - Siloṭi Asmani Kitab (Latin lipi)

²⁹ Amaleki oḳol boshot ḳoroin Negeb morubumit. Hiṭṭi, Zibuzi ar Amuri oḳol faṛi elaḳat roin. Ar Kenani oḳlor ḳeu ḳeu doriar ḳandat ar ḳeu ḳeu Zordan gangor faro roin.”

Siloṭi Asmani Kitab (Nagri lipi)

²⁹ ꠀꠝꠣꠟꠦꠇꠤ ꠅꠇꠟ ꠛꠡꠔ ꠇꠞꠂꠘ ꠘꠦꠉꠦꠜ ꠝꠞꠥꠜꠥꠝꠤꠔ। ꠢꠤꠐ꠆ꠐꠤ, ꠎꠤꠛꠥꠎꠤ ꠀꠞ ꠀꠝꠥꠞꠤ ꠅꠇꠟ ꠙꠣꠠꠤ ꠄꠟꠣꠇꠣꠔ ꠞꠂꠘ। ꠀꠞ ꠇꠦꠘꠣꠘꠤ ꠅꠇꠟꠞ ꠇꠦꠃ ꠇꠦꠃ ꠖꠞꠤꠀꠞ ꠇꠣꠘ꠆ꠖꠣꠔ ꠀꠞ ꠇꠦꠃ ꠇꠦꠃ ꠎꠞ꠆ꠖꠣꠘ ꠉꠣꠋꠉꠞ ꠙꠣꠞꠅ ꠞꠂꠘ।”

ছিলটি আছমানি কিতাব (বাংলা লিপি)

²⁹ আমালেকী অকল বসত করইন নেগেভ মরুভুমিত। হিট্টী, যিবুজী আর আমোরী অকল পাহাড়ি এলাকাত রইন। আর কেনানী অকলর কেউ কেউ দরিয়ার কান্দাত আর কেউ কেউ জর্দান গাংগর পারো রইন।”

ꠔꠃꠞꠣꠔ ৪: ꠡꠥꠝꠣꠞꠤ 13:29 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 14:7

Heshe ou bashsha oḳole guria gia Oin-Mishpoṭo ba Kadesh gela. Tara Amaleki oḳlor asta desh doḳol ḳorla ar Hazazon-Tamar ṭauno ze Amuri oḳol asil tarare-o doḳol ḳorla.

ꠔꠃꠞꠣꠔ ২: ꠢꠤꠎꠞꠔ 3:17

Oḳon tain ḳoira, Mishoror gulami taki tumrare basaia Kenani, Hiṭṭi, Amuri, Farizi, Hibbi ar Zibuzi oḳlor dud ar mour banḍar-ala desho tain tumrare nibagi.”

ꠔꠃꠞꠣꠔ ২: ꠢꠤꠎꠞꠔ 3:8

Dekia Mishori oḳlor at taki tarare basaitam ḳori ami nize lamia aisi. Te ami tarare Mishor taki horaia nimugi. Nia roshail zomir bout boṛo shundor eḳ desh dimu. Ikan dud ar mour banḍar-ala desh. Ou desh oilo oḳonkur Kenani, Hiṭṭi, Amuri, Farizi, Hibbi ar Zibuzi oḳlor desh.

ꠔꠃꠞꠣꠔ ৪: ꠡꠥꠝꠣꠞꠤ 13:17

Kenan desho faṭanir bala Musae tarare ḳoila, “Tumra Negeb morubumir mazedi gia faṛia elaḳat hamaibae.

ꠔꠃꠞꠣꠔ ৪: ꠡꠥꠝꠣꠞꠤ 13:30

Ou shomoy Musar samne zeta manush dola asla, Kalute erar shurgul tamaia ḳoila, “Amrar lagi zorur oilo hono gia ou desh doḳol ḳora, ar ita amra farmu-o.”

ꠔꠃꠞꠣꠔ ৪: ꠡꠥꠝꠣꠞꠤ 14:25

Huno, hou deshor faṛia tol zagainto oḳon Amaleki ar Kenani oḳole boshot ḳorra. Te samnor ḳail tumra fisedi gia Akaba shagoror faredi morubumir bae roana oio.”

ꠔꠃꠞꠣꠔ ৪: ꠡꠥꠝꠣꠞꠤ 14:43

Hino gia tumra Amaleki ar Kenani oḳlor mukamuki oibae. Ar Mabudor log saṛia gesogi kori, tain tumrar loge roita nae. Erlagi tumra zuddor muko morbae.”

ꠔꠃꠞꠣꠔ ৪: ꠡꠥꠝꠣꠞꠤ 14:45

Tarare dekia-u hou faṛia elaḳar Amaleki ar Kenani oḳol lamia aia hamla salailo, ar honor Horma ṭaun forzonto ḳedaia nilo.

ꠔꠃꠞꠣꠔ ৪: ꠡꠥꠝꠣꠞꠤ 24:20

Oḳnain ḳoar bade Balam pire souk melia Amaleki oḳolre deḳla. Dekia Allar ou ohi koila, “Amalek to hoḳol zatir maze asil fordan, oile tarar shesh dosha oibo shorbonash.”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 20:17

Tumra nizor Mabud Allar hukum mafik, Hiṭṭi, Amuri, Kenani, Farizi, Hibbi ar Zibuzi oḳolre furafur nifat ḳorbae.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 7:1

Hozrot Musae aro ḳoila, “Huno, tumra ze desh doḳol ḳorat zairae, tumrar Mabud Allae-u tumrare hono niba ar bout zatire tumrar samne taki kedaia hari ita doḳol ḳoraiba. Tain Hiṭṭi, Girgashi, Amuri, Kenani, Farizi, Hibbi ar Zibuzi zatire ḳedai diba, i shato zati-u forimane tumra taki boṛo ar bolala.