ꠔꠃꠞꠣꠔ ৪: ꠡꠥꠝꠣꠞꠤ 12:8 - Siloṭi Asmani Kitab (Latin lipi)

⁸ Ami tar loge samna-samni oia kula-kuli batchit ḳori, kunuta batuni raki na. Ami Mabude ze surote tare didar dei, he amare ola deḳe. Erbade-o tumra amar gulam Musar birudde matite ḍorailae na ni?”

Siloṭi Asmani Kitab (Nagri lipi)

⁸ ꠀꠝꠤ ꠔꠣꠞ ꠟꠉꠦ ꠍꠣꠝꠘꠣ-ꠍꠣꠝꠘꠤ ꠅꠁꠀ ꠈꠥꠟꠣ-ꠈꠥꠟꠤ ꠛꠣꠔꠌꠤꠔ ꠇꠞꠤ, ꠇꠥꠘꠥꠔꠣ ꠛꠣꠔꠥꠘꠤ ꠞꠣꠈꠤ ꠘꠣ। ꠀꠝꠤ ꠝꠣꠛꠥꠖꠦ ꠎꠦ ꠍꠥꠞꠔꠦ ꠔꠣꠞꠦ ꠖꠤꠖꠣꠞ ꠖꠦꠁ, ꠢꠦ ꠀꠝꠣꠞꠦ ꠅꠟꠣ ꠖꠦꠈꠦ। ꠄꠞꠛꠣꠖꠦꠅ ꠔꠥꠝꠞꠣ ꠀꠝꠣꠞ ꠉꠥꠟꠣꠝ ꠝꠥꠍꠣꠞ ꠛꠤꠞꠥꠖ꠆ꠖꠦ ꠝꠣꠔꠤꠔꠦ ꠃꠛꠣꠁꠟꠣꠄ ꠘꠣ ꠘꠤ?”

ছিলটি আছমানি কিতাব (বাংলা লিপি)

⁸ আমি তার লগে ছামনা-ছামনি অইয়া খুলা-খুলি বাতচিত করি, কুনুতা বাতুনি রাখি না। আমি মাবুদে যে ছুরতে তারে দিদার দেই, হে আমারে অলা দেখে। এরবাদেও তুমরা আমার গুলাম মুছার বিরুদ্ধে মাতিতে ডরাইলায় না নি?”

ꠔꠃꠞꠣꠔ ৪: ꠡꠥꠝꠣꠞꠤ 12:8 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 32:30

Ou Iakube i zagar nam raḳla Ponuel [mani, Allar surot]. Tain ḳoila, “Ami Alla Pakre mukamuki dekia-o zinda roisi.”

ꠎꠛꠥꠞ ꠡꠞꠤꠚ 17:15

Oile ami zanu ni-oforadi roi tumar dorbaro, hozag oia shad miṭaia roimu tumar didaro.

ꠔꠃꠞꠣꠔ ২: ꠢꠤꠎꠞꠔ 19:19

Shingar aoaz aro zure zure bazilo. Ou shomoy Musae Allar loge matila, ar Allae-o nizor aoazdi Musar mator zuaf dila.

ꠔꠃꠞꠣꠔ ২: ꠢꠤꠎꠞꠔ 20:4

“Puja ḳorar kiale tumra kunu murti banaio na, asman, zomin ba fanir tole zotota ase, ita kunutar surote murti banaio na.

ꠔꠃꠞꠣꠔ ২: ꠢꠤꠎꠞꠔ 33:11

Kunu manshe tar dustor loge mukamuki boia zela batchit ḳore, Mabude-o Musar loge oula mukamuki batchit ḳorta. Bade Musa kempo firia aita, oile tan ḳadim Nunor fua Iusa namor i zuan, ḳaneḳa shorif taki bar oita na.

ꠔꠃꠞꠣꠔ ২: ꠢꠤꠎꠞꠔ 33:19

Mabude ḳoila, “Ami zare kushi doya ḳormu, ar zare kushi rohom ḳormu. Huno, tumar samnedi ami amar hokkol nek surot zair ḳormu. ‘Mabud, zein asoin’ tumar samne ami amar ou nam elan ḳormu.

ꠔꠃꠞꠣꠔ ২: ꠢꠤꠎꠞꠔ 33:23

Bade amar at horaile, tumi amar ḳor gala deḳtae farbae, oile ḳeu amar mukor didar faito nae.”

ꠔꠃꠞꠣꠔ ২: ꠢꠤꠎꠞꠔ 34:30

Ou shomoy Harun ar hoḳol Boni Israile Musar nurani surot deḳla, dekia tara ḳasat aite ḍoraigela.

ꠔꠃꠞꠣꠔ ৪: ꠡꠥꠝꠣꠞꠤ 14:14

Oḳon Mishori oḳole i deshor manshore-o ita zanai diba. Te O Mabud, inor manshe to emne-u zanilisoin zen, Boni Israilor loge loge tumi aso, tumare kub daro taki deḳa zae. Tara hunchoin, tumar nuror megor saya erar ufre ase, tumi dinor bala megor kuṭi ar rait oile aguinor kuṭir surote erar age age ro.

ꠔꠃꠞꠣꠔ ৪: ꠡꠥꠝꠣꠞꠤ 7:89

Erbade Musa nobie zebla-u Mabudor loge batchit ḳorar lagi Milon-tambut hamaita, ou shomoy shahadot shondukor ḍaḳnar ufre ze duio Karubi roin, erar mazḳan taki tan buli hunta. Mabude ou nomunae Musa nobir loge batchit ḳorta.

ꠁꠘ꠆ꠎꠤꠟ ১: ꠝꠕꠤ 13:35

Ita hokkolta oilo, zate nobir mazdi zeta batail oisil, ota oḳon fura oy, Talime bora kichcha hunai hunai ami matimu, duniar foyla taki zotota batuni asil, ota oḳon kulmu.

Injil 3: Luk 10:16

“Tumra mono rakio, zera tumrar ḳota mane, tara ashole amar ḳota-u mane. Ar zera tumrare mane na, tara amare-o mane na. Zera amare mane na, tara ashole hou Allare-o mane na, zein amare bezisoin.”

Injil 4: Hannan 1:18

Allare to ḳeu kunudin deḳse na. Tan loge roura hou eḳmatro fut, mani tan ḳas mayar zon, zein shoyong Moula, tain-u Allare zair ḳorsoin.

Injil 4: Hannan 15:15

Ami tumrare ar gulam ḳoiram na, ḳaron munibe kita ḳoroin gulame to ita zane na, borong ami tumrare dust ḳoisi, ḳaron gaibi bafor ges taki ami zotota hunchi, hoḳolta-u tumrare zanaisi.

Injil 4: Hannan 15:24

Huno, zeta keramoti keu kunudin deḳaise na, ota keramoti zudi ami na deḳaitam, te tara gunagar oilo na one. Oile tara to amare ar amar gaibi bafre deḳse, dekia-o ginnaise.

Injil 7: 1-Korintia 13:12

Oḳon to amra zafsa aynar maze hoḳolta forishkar deḳram na, bade hou shullo-ana oar shomoy aile amra hoḳolta samna-samni deḳmu. Oḳon ami hokkolta furafur zani na, hou shomoy aile ami hoḳolta furafur zanmu, Allae amare zela furafur sinoin, ola ami-o hoḳolta zanmu.

Injil 8: 2-Korintia 3:18

Aynar samne zela forda saṛa muk shorashori deḳa zae, oula amra hoḳol-u al-Mosir nurani mohima deki deki aro beshi mohima-ala bonia tan laḳan mohima-ala oiram. Amrar Malik Isa, mani Pak Ruhur kudroti bole-u ila or.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:15

Tumrar Mabud Allae tumrar shomaz taki, tumrar baiaintor maz taki, amar laḳan eḳzon nobi faṭaiba, tumra hoḳol en hukume solte oibo.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 34:10

Hozrot Musar laḳan ila kunu nobi oḳon forzonto Boni Israilor maze zonom loisoin na, zan loge Mabude samna-samni oia batchit ḳorta.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:15

“Mabude zebla nuror agunir maz taki Tur faṛo tumrar loge batchit ḳorsla, hou din to tumra tan kunu surot-aḳar deḳso na. Erlagi tumra nizor befare kub hushiar roio

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 5:8

“Puja ḳorar kiale tumra kunu murti banaio na, asman, zomin ba fanir tole zotota ase, ita kunutar surote murti banaio na.

Injil 12: Kolosia 1:15

Ou mayar zon-u oila, batuni Allar zairi surot; hokkolta foyda ḳorar age tain asla, ar foyda oa hokkoltar maze tain-u fordan.

ইঞ্জিল ১৩: ১-থিষল: 4:8

Erlagi zegie i talim mane na, he ḳali duniar manshore mane na ikan nae, he ashole hou Allare-u maner na, zein tumrare Pak Ruhu dan ḳorsoin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:16

Ḳali Alla Pakre-u moute ḳobza ḳorto fare na. Tain ola eḳ nuror foro boshot ḳoroin, hino kunu adom zat zaito fare na. Kunu Adome kunudin tanre deḳse-o na, deḳar takkot-o nai. Ijjot ar ḳemota siroḳal ḳali tan-u. Amin.

Injil 19: Ibrani 1:1

Alla Pake agor zomanat nanan nomunae nobi oḳlor mazdia amrar moy-murobbi oḳlor gese ṭukra ṭukra ḳori ohi bezisoin,

Injil 19: Ibrani 1:3

Ein-u oila Allar shan-tozollir nur, tan mazdia-u Alla Pake nizore zair ḳorsoin. Ou mayar fut Kolimatullar hukumor bole, tamam zogotor hokkolta sole. Tain duniar manshor gunare doia saf ḳoria, arshe-azimo Allar ḍainor toḳto toshrif raḳsoin.

Injil 26: Ehuda 1:8

Erbade-o ou bonḍo ustad oḳol, zetae baze kuab deki deki talim dein, tara ḳobisi kam ḳoroin, kunuzat shashon manoin na, ar batuni shordar oḳlor bodnam gain.