ꠔꠃꠞꠣꠔ ৪: ꠡꠥꠝꠣꠞꠤ 11:25 - Siloṭi Asmani Kitab (Latin lipi)

²⁵ Ou shomoy gaibi megor saḳat oia Mabud lamia aila, aia Musa nobir loge batchit ḳorla. Musar ufre Allai ze ruhu asla, Mabude ou shottoir zon netar ufre-o ou ruhur kisu ongsho dila. Ou ruhu tarare dan ḳorar bade, tara kisu shomoy sufi-dorbeshor eshki bab deḳaila, oile bade ar ila oise na.

Siloṭi Asmani Kitab (Nagri lipi)

²⁵ ꠅꠃ ꠡꠝꠄ ꠉꠣꠁꠛꠤ ꠝꠦꠊꠞ ꠌꠣꠈꠣꠔ ꠅꠁꠀ ꠝꠣꠛꠥꠖ ꠟꠣꠝꠤꠀ ꠀꠁꠟꠣ, ꠀꠁꠀ ꠝꠥꠍꠣ ꠘꠛꠤꠞ ꠟꠉꠦ ꠛꠣꠔꠌꠤꠔ ꠇꠞꠟꠣ। ꠝꠥꠍꠣꠞ ꠃꠙꠞꠦ ꠀꠟ꠆ꠟꠣꠁ ꠎꠦ ꠞꠥꠢꠥ ꠀꠍꠟꠣ, ꠝꠣꠛꠥꠖꠦ ꠅꠃ ꠡꠔ꠆ꠔꠁꠞ ꠎꠘ ꠘꠦꠔꠣꠞ ꠃꠙꠞꠦꠅ ꠅꠃ ꠞꠥꠢꠥꠞ ꠇꠤꠍꠥ ꠅꠋꠡ ꠖꠤꠟꠣ। ꠅꠃ ꠞꠥꠢꠥ ꠔꠣꠞꠣꠞꠦ ꠖꠣꠘ ꠇꠞꠣꠞ ꠛꠣꠖꠦ, ꠔꠣꠞꠣ ꠇꠤꠍꠥ ꠡꠝꠄ ꠍꠥꠚꠤ-ꠖꠞꠛꠦꠡꠞ ꠄꠡꠇꠤ ꠜꠣꠛ ꠖꠦꠈꠣꠁꠟꠣ, ꠅꠁꠟꠦ ꠛꠣꠖꠦ ꠀꠞ ꠁꠟꠣ ꠅꠁꠍꠦ ꠘꠣ।

ছিলটি আছমানি কিতাব (বাংলা লিপি)

²⁵ অউ সময় গাইবি মেঘর চাখাত অইয়া মাবুদ লামিয়া আইলা, আইয়া মুছা নবীর লগে বাতচিত করলা। মুছার উপরে আল্লাই যে রুহ আছলা, মাবুদে অউ সত্তইর জন নেতার উপরেও অউ রুহর কিছু অংশ দিলা। অউ রুহ তারারে দান করার বাদে, তারা কিছু সময় ছুফি-দরবেশর এশকি ভাব দেখাইলা, অইলে বাদে আর ইলা অইছে না।

ꠔꠃꠞꠣꠔ ৪: ꠡꠥꠝꠣꠞꠤ 11:25 Iomraidhean Croise

ꠎꠛꠥꠞ ꠡꠞꠤꠚ 99:7

Megor kuṭit roia tain matita tarar loge, tan kalam mania tara solta tan hukume.

ꠔꠃꠞꠣꠔ ২: ꠢꠤꠎꠞꠔ 32:32

Te tumi meherbani koria tarar gunare oḳon maf ḳori dilao, ar zudi maf na ḳoro, taile tumar leḳa ḳata taki amar namḳano ḳaṭilao.”

ꠔꠃꠞꠣꠔ ২: ꠢꠤꠎꠞꠔ 34:5

Ar Mabud-o megor ḳalnir maze lamia aila. Tain Hozrot Musar daro ubaia tan “Mabud, zein asoin” nam elan ḳorla.

ꠔꠃꠞꠣꠔ ২: ꠢꠤꠎꠞꠔ 40:38

Ḳaron Boni Israilor ou asta soforor maze-u, dinor bala tarar sokur samne Allar goror ufre megor kuṭi roito, ar raitor bala roito aguinor kuṭi.

ꠔꠃꠞꠣꠔ ৪: ꠡꠥꠝꠣꠞꠤ 11:17

Ami hono lamia aia tumar loge batchit ḳormu. Tumar maze Allar ze ruhu asoin, ou ruhu ami tarar ufre-o dan ḳormu. Manshor zimmadari boia nite tara-o tumare shaijjo ḳorba. Teu tumar eḳla boa lagto nae.

ꠔꠃꠞꠣꠔ ৪: ꠡꠥꠝꠣꠞꠤ 12:5

Ou shomoy Mabude-o kudroti megor saḳat oia lamia aila, aia Milon-tambur duaror ges taki Harun ar Moriomre ḍakila. Tara aguaia aile

ꠔꠃꠞꠣꠔ ৪: ꠡꠥꠝꠣꠞꠤ 16:25

Ikan hunia Musa soizda taki uṭia Daton ar Abiramor gese gela, tan ḳore oia Boni Israilor murobbi neta oḳol-o gela.

ꠔꠃꠞꠣꠔ ৪: ꠡꠥꠝꠣꠞꠤ 24:2

Firaia deḳla, Boni Israilor nanan ḳandanor tambu eḳ ek kori ṭangani oise. Ou shomoy tan ufre Allar ruhu lamia aila,

ꠔꠃꠞꠣꠔ ৪: ꠡꠥꠝꠣꠞꠤ 27:18

Teu Mabude zuaf dila, “Nunor fut Iusar bitre to Allai ruhu asoin. Tumi tare ania tar ufre tumar at toia ḳelafoti boḳshia deo.

Injil 5: Sahabi Nama 11:28

Erar maze Agabus namor eḳ nobie Pak Ruhur zoriae ḳaṛa oia ḳoila, asta duniai zuṛia eḳ bezuita nidan deḳa dibo; Bashsha Keladusor razottor ḳalo ikan fura oilo.

Injil 7: 1-Korintia 14:32

Firaki matrar ruhu to tarar nizor boshe taḳe,

Injil 20: Iakub 1:17

Hokkol bala ar nikut dan to behest tone lamia ae, zein asmani nur oḳol foyda ḳorsoin, hou Allar ges tone ae. Ou nur oḳol sebar laḳan ḍulaḍuli korle-o, tain ila ḳoroin na.

ꠁꠘ꠆ꠎꠤꠟ ২২: ২-ꠙꠤꠔꠞ 1:21

Ḳaron nobi oḳole tarar ichchamoto kunu ḳota ḳoisoin na, ḳali Pak Ruhur bole Allar deoa buli bataisoin.