ꠔꠃꠞꠣꠔ ৪: ꠡꠥꠝꠣꠞꠤ 11:17 - Siloṭi Asmani Kitab (Latin lipi)

¹⁷ Ami hono lamia aia tumar loge batchit ḳormu. Tumar maze Allar ze ruhu asoin, ou ruhu ami tarar ufre-o dan ḳormu. Manshor zimmadari boia nite tara-o tumare shaijjo ḳorba. Teu tumar eḳla boa lagto nae.

Siloṭi Asmani Kitab (Nagri lipi)

¹⁷ ꠀꠝꠤ ꠢꠘꠅ ꠟꠣꠝꠤꠀ ꠀꠁꠀ ꠔꠥꠝꠣꠞ ꠟꠉꠦ ꠛꠣꠔꠌꠤꠔ ꠇꠞꠝꠥ। ꠔꠥꠝꠣꠞ ꠝꠣꠎꠦ ꠀꠟ꠆ꠟꠣꠞ ꠎꠦ ꠞꠥꠢꠥ ꠀꠍꠂꠘ, ꠅꠃ ꠞꠥꠢꠥ ꠀꠝꠤ ꠔꠣꠞꠣꠞ ꠃꠙꠞꠦꠅ ꠖꠣꠘ ꠇꠞꠝꠥ। ꠝꠣꠘꠡꠞ ꠎꠤꠝ꠆ꠝꠣꠖꠣꠞꠤ ꠛꠁꠀ ꠘꠤꠔꠦ ꠔꠣꠞꠣꠅ ꠔꠥꠝꠣꠞꠦ ꠡꠣꠁꠎ꠆ꠎ ꠇꠞꠛꠣ। ꠔꠦꠃ ꠔꠥꠝꠣꠞ ꠄꠇꠟꠣ ꠛꠅꠀ ꠟꠣꠉꠔ ꠘꠣꠄ।

ছিলটি আছমানি কিতাব (বাংলা লিপি)

¹⁷ আমি হনো লামিয়া আইয়া তুমার লগে বাতচিত করমু। তুমার মাজে আল্লার যে রুহ আছইন, অউ রুহ আমি তারার উপরেও দান করমু। মানষর জিম্মাদারি বইয়া নিতে তারাও তুমারে সাইয্য করবা। তেউ তুমার একলা বওয়া লাগতো নায়।

ꠔꠃꠞꠣꠔ ৪: ꠡꠥꠝꠣꠞꠤ 11:17 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 11:5

Manshe ze usa gor ar shohor banaira ikṭa deḳat Mabud lami aila.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 17:22

Ibrahimor loge batchit shesh ḳoria Allae tan ges taki uṭia toshrif nilagi.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 17:3

Teu Abram soizdat foṛla, ar Allae tan loge batchit ḳori koila,

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 18:33

Ibrahimor loge Mabudor bat-soal shesh oia harle roana dilaila, ar Ibrahim-o tan baṛit firia aila.

ꠔꠃꠞꠣꠔ ২: ꠢꠤꠎꠞꠔ 18:18

Ila ḳorle tumi ar tumar hoḳol manush-o ḳahil oizibae. I kam tumar takkot taki beshi, tumi eḳla ita kulaitae fartae nae.

ꠔꠃꠞꠣꠔ ২: ꠢꠤꠎꠞꠔ 18:22

Era-u hamesha manshor bisar-insaf ḳorba. Huru-muru hoḳol bisar tara ḳorba, ḳali boṛo boṛo bisar tumar gese anba. Teu tumar bar kisu ḳombo, tara-o tumar loge kisu bar boukka.

ꠔꠃꠞꠣꠔ ২: ꠢꠤꠎꠞꠔ 19:11

Tara forshu dinor lagi toiar ouk, ou din ami Mabud Tur faṛor ufre lamia aia tara hoḳolre didar dimu.

ꠔꠃꠞꠣꠔ ২: ꠢꠤꠎꠞꠔ 19:20

Mabud nize Tur faṛor matat lamia aia Musare ḍakila, teu Musa uṭia faṛor ufre gela.

ꠔꠃꠞꠣꠔ ২: ꠢꠤꠎꠞꠔ 34:5

Ar Mabud-o megor ḳalnir maze lamia aila. Tain Hozrot Musar daro ubaia tan “Mabud, zein asoin” nam elan ḳorla.

ꠔꠃꠞꠣꠔ ৪: ꠡꠥꠝꠣꠞꠤ 11:25

Ou shomoy gaibi megor saḳat oia Mabud lamia aila, aia Musa nobir loge batchit ḳorla. Musar ufre Allai ze ruhu asla, Mabude ou shottoir zon netar ufre-o ou ruhur kisu ongsho dila. Ou ruhu tarare dan ḳorar bade, tara kisu shomoy sufi-dorbeshor eshki bab deḳaila, oile bade ar ila oise na.

ꠔꠃꠞꠣꠔ ৪: ꠡꠥꠝꠣꠞꠤ 12:5

Ou shomoy Mabude-o kudroti megor saḳat oia lamia aila, aia Milon-tambur duaror ges taki Harun ar Moriomre ḍakila. Tara aguaia aile

ꠔꠃꠞꠣꠔ ৪: ꠡꠥꠝꠣꠞꠤ 12:8

Ami tar loge samna-samni oia kula-kuli batchit ḳori, kunuta batuni raki na. Ami Mabude ze surote tare didar dei, he amare ola deḳe. Erbade-o tumra amar gulam Musar birudde matite ḍorailae na ni?”

ꠔꠃꠞꠣꠔ ৪: ꠡꠥꠝꠣꠞꠤ 27:18

Teu Mabude zuaf dila, “Nunor fut Iusar bitre to Allai ruhu asoin. Tumi tare ania tar ufre tumar at toia ḳelafoti boḳshia deo.

ꠔꠃꠞꠣꠔ ৪: ꠡꠥꠝꠣꠞꠤ 7:89

Erbade Musa nobie zebla-u Mabudor loge batchit ḳorar lagi Milon-tambut hamaita, ou shomoy shahadot shondukor ḍaḳnar ufre ze duio Karubi roin, erar mazḳan taki tan buli hunta. Mabude ou nomunae Musa nobir loge batchit ḳorta.

Injil 4: Hannan 3:13

Zein behesto taḳoin ar behest taki aisoin, hou bin-Adom saṛa ar ḳeu behesto uṭsoin na.

Injil 4: Hannan 7:39

Isar ufre iman ania zera Pak Ruhre faiba, hou Pak Ruhur befare tain ou ḳota ḳoila. Tarar gese Pak Ruhre oḳono deoa oise na, ḳaron Isae tan mohima oḳono hasil ḳorsoin na.

Injil 6: Ruman 8:9

Oile tumrar dilo zebla Allar ruhu boshot ḳoroin, te tumra to shorilor bod ḳaishor aotae nae, borong Pak Ruhur aotae. Asol ḳota oilo, al-Mosir ruhu zar maze nai, he al-Mosir nae.

Injil 7: 1-Korintia 2:12

Ar amra to duniabi ruhu faisi na, borong Allar torof taki tan ruhu faisi, erlagi tan deoa niamot oḳol amra sini.

ইঞ্জিল ১৩: ১-থিষল: 4:8

Erlagi zegie i talim mane na, he ḳali duniar manshore mane na ikan nae, he ashole hou Allare-u maner na, zein tumrare Pak Ruhu dan ḳorsoin.

ꠁꠘ꠆ꠎꠤꠟ ২১: ১-ꠙꠤꠔꠞ 1:22

Oḳon hok-halali mania, tumrar dilre fak-saf ḳorso ar imandar bai oḳol zebla tumrar gese mayar manush oisoin, te ami koiram, tumra eḳe-oinnore dile-zane maya ḳoro.

Injil 26: Ehuda 1:19

Duniabi babor ita manshe ḳali doladoli lagain, tarar bitre Allai Pak Ruhu nai.