ꠔꠃꠞꠣꠔ ৪: ꠡꠥꠝꠣꠞꠤ 11:16 - Siloṭi Asmani Kitab (Latin lipi)

¹⁶ Teu Mabude Musare ḳoila, “Boni Israilor maze tumi zarare murobbi neta ar ijjoti hishabe sino, erar maz taki shottoir zon murobbi netare loia amar gese ao. Tumi tarare ḳo, tara Milon-tambur gese aia tumar loge ubaita.

Siloṭi Asmani Kitab (Nagri lipi)

¹⁶ ꠔꠦꠃ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠔꠥꠝꠤ ꠎꠣꠞꠣꠞꠦ ꠝꠥꠞꠛ꠆ꠛꠤ ꠘꠦꠔꠣ ꠀꠞ ꠁꠎ꠆ꠎꠔꠤ ꠢꠤꠡꠣꠛꠦ ꠌꠤꠘꠅ, ꠄꠞꠣꠞ ꠝꠣꠎ ꠕꠣꠇꠤ ꠡꠔ꠆ꠔꠁꠞ ꠎꠘ ꠝꠥꠞꠛ꠆ꠛꠤ ꠘꠦꠔꠣꠞꠦ ꠟꠁꠀ ꠀꠝꠣꠞ ꠉꠦꠍꠦ ꠀꠅ। ꠔꠥꠝꠤ ꠔꠣꠞꠣꠞꠦ ꠇꠅ, ꠔꠣꠞꠣ ꠝꠤꠟꠘ-ꠔꠣꠝ꠆ꠛꠥꠞ ꠉꠦꠍꠦ ꠀꠁꠀ ꠔꠥꠝꠣꠞ ꠟꠉꠦ ꠃꠛꠣꠁꠔꠣ।

ছিলটি আছমানি কিতাব (বাংলা লিপি)

¹⁶ তেউ মাবুদে মুছারে কইলা, “বনি ইছরাইলর মাজে তুমি যারারে মুরব্বি নেতা আর ইজ্জতি হিসাবে চিনো, এরার মাজ থাকি সত্তইর জন মুরব্বি নেতারে লইয়া আমার গেছে আও। তুমি তারারে কও, তারা মিলন-তাম্বুর গেছে আইয়া তুমার লগে উবাইতা।

ꠔꠃꠞꠣꠔ ৪: ꠡꠥꠝꠣꠞꠤ 11:16 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 46:27

Mishor desho Iusufor duizon fua zonmisla. Era shoho Iakubor foribaror zara Mishoro aila, tara muṭ shottoir zon.

ꠔꠃꠞꠣꠔ ২: ꠢꠤꠎꠞꠔ 18:25

Musae tamam Boni Israil taki basia ufozukto manush tukaia, tara ḳeurore azar zon, ḳeurore sho zon, ḳeurore foinchash ar ḳeurore dosh zonor ufre neta banaila.

ꠔꠃꠞꠣꠔ ২: ꠢꠤꠎꠞꠔ 24:1

Mabude Musare ḳoila, “Tumi ar Harun, Harunor fuain Nadab ar Abihu, ar Boni Israilor shottoir zon murobbi neta amar gese uṭia ao. Aibar bala tumra duroi taki amare soizda ḳorio.

ꠔꠃꠞꠣꠔ ২: ꠢꠤꠎꠞꠔ 24:9

Teu Musa, Harun, Nadab, Abihu ar Boni Israilor shottoir zon murobbi neta faṛor ufre uṭla.

ꠔꠃꠞꠣꠔ ২: ꠢꠤꠎꠞꠔ 4:29

Bade Musa ar Harun Mishor desho gia Boni Israilor hoḳol murobbire dola ḳorla.

ꠔꠃꠞꠣꠔ ৪: ꠡꠥꠝꠣꠞꠤ 11:24

Teu Musa bare gela, gia ota manshore Mabudor hukum zanaila. Ar Boni Israilor shottoir zon murobbi netare ania Milon-tambur sairobae ḳaṛa ḳoraila.

ꠔꠃꠞꠣꠔ ৪: ꠡꠥꠝꠣꠞꠤ 16:25

Ikan hunia Musa soizda taki uṭia Daton ar Abiramor gese gela, tan ḳore oia Boni Israilor murobbi neta oḳol-o gela.

Injil 3: Luk 10:1

Bade Hozrot Isae aro shottoirzon shagridre tobligo faṭaita ḳori fosond ḳorla. Tain nize zeta ṭaun ba gauainto zaoar irada ḳorsila, hono zaibar age erare duizon duizon ḳoria faṭaila.

Injil 3: Luk 10:17

Bade hi shottoirzon shagride toblig koria kub kush mizaze firot aila. Aia ḳoila, “Huzur, afnar nam hunle zin-bute-o amrar ḳota mane.”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:15

Teu ami tumrar fortek kandan taki aḳoldar, buddiman ar zanra-hunra zonre nia tumrar azar zonor ufre, sho zonor ufre, foinchash zonor ufre, dosh zonor ufre shordar banai dislam, ar ofisar-o boail ḳorslam.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 16:18

“Tumrar Mabud Allae tumrare zeta ṭaun oḳol dan ḳorra, ita hoḳol ṭauno tumrar hoḳol ḳandan taki hakim-salish ar ofisar boail ḳorio. Era hok bisar-salish ḳorba.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 31:28

Tumra hoḳole zarzir ḳandanor murobbi ar ofisar oḳolre amar gese ano, ami nize tarar gese ota kulasa ḳoria ḳoia zaimu, asman-zominre tarar birudde shakki raḳtam sai.