ꠔꠃꠞꠣꠔ ৪: ꠡꠥꠝꠣꠞꠤ 11:12 - Siloṭi Asmani Kitab (Latin lipi)

¹² Ami kunu tarare feṭo loisi ni, ba tara amar feṭ taki zonmise ni? Tumi tarar baf-dadaintor gese ze desh dibar oada ḳorsilae, tarare hono nibar lagi amare ḳene tarar falok-bafor laḳan banaiso, ar tarare kulo ḳori nibar ḳota ḳene ḳoirae?

Siloṭi Asmani Kitab (Nagri lipi)

¹² ꠀꠝꠤ ꠇꠥꠘꠥ ꠔꠣꠞꠣꠞꠦ ꠙꠦꠐꠅ ꠟꠁꠍꠤ ꠘꠤ, ꠛꠣ ꠔꠣꠞꠣ ꠀꠝꠣꠞ ꠙꠦꠐ ꠕꠣꠇꠤ ꠎꠘꠝꠤꠍꠦ ꠘꠤ? ꠔꠥꠝꠤ ꠔꠣꠞꠣꠞ ꠛꠣꠚ-ꠖꠣꠖꠣꠁꠘ꠆ꠔꠞ ꠉꠦꠍꠦ ꠎꠦ ꠖꠦꠡ ꠖꠤꠛꠣꠞ ꠅꠀꠖꠣ ꠇꠞꠍꠤꠟꠣꠄ, ꠔꠣꠞꠣꠞꠦ ꠢꠘꠅ ꠘꠤꠛꠣꠞ ꠟꠣꠉꠤ ꠀꠝꠣꠞꠦ ꠇꠦꠘꠦ ꠔꠣꠞꠣꠞ ꠙꠣꠟꠇ-ꠛꠣꠚꠞ ꠟꠣꠈꠣꠘ ꠛꠣꠘꠣꠁꠍ, ꠀꠞ ꠔꠣꠞꠣꠞꠦ ꠇꠥꠟꠅ ꠇꠞꠤ ꠘꠤꠛꠣꠞ ꠇꠕꠣ ꠇꠦꠘꠦ ꠇꠁꠞꠣꠄ?

ছিলটি আছমানি কিতাব (বাংলা লিপি)

¹² আমি কুনু তারারে পেটো লইছি নি, বা তারা আমার পেট থাকি জনমিছে নি? তুমি তারার বাফ-দাদাইন্তর গেছে যে দেশ দিবার ওয়াদা করছিলায়, তারারে হনো নিবার লাগি আমারে কেনে তারার পালক-বাফর লাখান বানাইছো, আর তারারে কুলো করি নিবার কথা কেনে কইরায়?

ꠔꠃꠞꠣꠔ ৪: ꠡꠥꠝꠣꠞꠤ 11:12 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 13:15

Ze zaga oḳol tumi deḳrae, ita ami tumare ar tumar oarish oḳolre hameshakur lagi dilaimu.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 24:7

Ze asmani Alla Mabude amare, amar bafor baṛi ar zonom maṭi tone bar ḳoria anchoin, tain amar loge bat-soal ḳori kosom ḳoria ḳoisoin, i deshḳan tain amar oarish oḳolre diba. Tain tumar age-u tan firistare hono faṭaiba, zate amar fuar lagi tumi hon tone egu ḳoina antae faro.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 26:3

Ou desho tumi musafir oia ro. Ami tumar loge roia, tumare borkot nazil ḳormu. I desh oḳol ami tumare ar tumar oarish oḳolre dimu. Ar tumar baf Ibrahimor gese ami ze ḳosom ḳorslam, oḳṭa fura ḳormu.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 50:24

Bade Iusufe tan baiaintore ḳoila, “Amar to moutor oḳt aichche, nisoy Allae tumrar bae nozor raḳba. Tain Ibrahim, Isʼhak ar Iakubor gese ze desh dita ḳori kosom ḳorsoin, tumrare on taki hou desho loia zaiba.”

ꠔꠃꠞꠣꠔ ২: ꠢꠤꠎꠞꠔ 13:11

“Mabude tumrar gese ar tumrar baf-dadaintor gese zela oada ḳorsoin, ou oada mafik tain tumrare Kenani oḳlor desh dan ḳorsoin. Te Mabude hono nia harle,

ꠔꠃꠞꠣꠔ ২: ꠢꠤꠎꠞꠔ 13:5

Mabude tumrar baf-dadar gese oada ḳorsoin, Kenani, Hiṭṭi, Amuri, Hibbi ar Zibuzi oḳlor desho tumrare nibagi. I desh dud ar mour banḍar-ala desh. Te hono gia harle-o tumra forteḳ bosor Abib sandor ou id adae ḳorio.

ꠔꠃꠞꠣꠔ ২: ꠢꠤꠎꠞꠔ 33:1

Mabude Musare ḳoila, “Zao, tumi ou zerare Mishor taki ancho, erare loia oḳon-u i zaga saṛia zaogi. Amar oada ḳora hou desho zao. Ami Ibrahim, Isʼhak ar Iakubor gese oada ḳorslam, tarar oarish oḳolre ou desh oḳol dimu, te tumi tarare loia hono zaogi.

ꠔꠃꠞꠣꠔ ২: ꠢꠤꠎꠞꠔ 6:8

Ami Ibrahim, Isʼhak, Iakubor loge ze deshor ḳota oada ḳorsi, hou desho tumrare loia zaimu, tumra hou deshor malik oibae. Ami-u Mabud.”

Injil 4: Hannan 10:11

“Ami-u asol raḳal. Asol raḳale tar meṛar lagi nizor zan bilai dey.

Injil 7: 1-Korintia 4:15

Mono rakio, al-Mosir befare talim deoar lagi tumrar azar azar ustad taḳta faroin, oile tumrar baf to otozon nae. Kush-ḳobri tobligor mazdi Isayi zindegit eḳmatro ami-u oilam tumrar baf.

Injil 9: Galatia 4:19

O amar fiara aolad oḳol, tumra zotodin al-Mosir laḳan na boncho, otodin ami hirbar tumrar lagi hurutta foydar bishor laḳan soṭfoṭ ḳorram.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:31

Ar ou morubumir maze-o to tumra deḳso, ono aia fosar ag forzonto, bafe zelaḳan afon futre kulo ḳori boia nein, oulaḳan Alla Mabude tumrare-o asta fot boia anchoin.

ইঞ্জিল ১৩: ১-থিষল: 2:7

Amra ichcha ḳorle to al-Mosir sahabi hishabe tumrar ufre dabi kaṭaitam farlam one. Oile er bodla, maʼe zela nizor huruttainre zoy-zoton ḳoroin, tumrar loge taḳar shomoy amra-o ola norom bebohar ḳorsi.