ꠔꠃꠞꠣꠔ ৪: ꠡꠥꠝꠣꠞꠤ 10:9 - Siloṭi Asmani Kitab (Latin lipi)

⁹ “Nizor desho gia harle tumra zebla kunu zulumbaz dushmonor loge laṛait bar oibae, ou shomoy duio sunga bazaia shongkeṭ dibae. Teu tumrar Mabud Allae tumrar bae kial ḳoria dushmonor at taki tumrare basaiba.

Siloṭi Asmani Kitab (Nagri lipi)

⁹ “ꠘꠤꠎꠞ ꠖꠦꠡꠅ ꠉꠤꠀ ꠢꠣꠞꠟꠦ ꠔꠥꠝꠞꠣ ꠎꠦꠛꠟꠣ ꠇꠥꠘꠥ ꠎꠥꠟꠥꠝꠛꠣꠎ ꠖꠥꠡꠝꠘꠞ ꠟꠉꠦ ꠟꠣꠠꠣꠁꠔ ꠛꠣꠞ ꠅꠁꠛꠣꠄ, ꠅꠃ ꠡꠝꠄ ꠖꠥꠁꠅ ꠌꠥꠋꠉꠣ ꠛꠣꠎꠣꠁꠀ ꠡꠋꠇꠦꠔ ꠖꠤꠛꠣꠄ। ꠔꠦꠃ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠔꠥꠝꠞꠣꠞ ꠛꠣꠄ ꠈꠤꠀꠟ ꠇꠞꠤꠀ ꠖꠥꠡꠝꠘꠞ ꠀꠔ ꠕꠣꠇꠤ ꠔꠥꠝꠞꠣꠞꠦ ꠛꠣꠌꠣꠁꠛꠣ।

ছিলটি আছমানি কিতাব (বাংলা লিপি)

⁹ “নিজর দেশো গিয়া হারলে তুমরা যেবলা কুনু জুলুমবাজ দুশমনর লগে লাড়াইত বার অইবায়, অউ সময় দুইও চুংগা বাজাইয়া সংকেত দিবায়। তেউ তুমরার মাবুদ আল্লায় তুমরার বায় খিয়াল করিয়া দুশমনর আত থাকি তুমরারে বাচাইবা।

ꠔꠃꠞꠣꠔ ৪: ꠡꠥꠝꠣꠞꠤ 10:9 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 8:1

Zazo Nuh ar tan loge zoto zandar ar fala heman asil, Allae tarar ḳota-o faurila na. Tain duniait batash salaile fani koma shuru oilo.

ꠔꠃꠞꠣꠔ ৩: ꠟꠦꠛꠤꠀꠘ 23:24

“Tumi Boni Israilre zanai deo, bosoror shat nombor sandor foyla dinre tumra furafur ziranir din hishabe manio. Ou din tumra shinga bazaio ar hoḳole milia idor fobitro milon-mahfil ḳorio.

ꠔꠃꠞꠣꠔ ৪: ꠡꠥꠝꠣꠞꠤ 31:6

Musae fortek kandan taki eḳ azar zon sifaire zuddot faṭaila. Erar loge imam Ali-Azoror fua Finohosh-o gela, zaite fobitro Kaba goror kisu samana loge ḳori nila ar tan ato ḳori zuddor aoazor sunga oḳol-o nila.

Injil 7: 1-Korintia 14:8

Zuddot zaoar lagi fouzi shingae zudi forishkar aoaz na dey, te kunu sifai reḍi oibo ni?

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 20:1

“Tumrar dushmonor loge laṛai korat gia zudi deḳo, tarar guṛa, guṛar gaṛi, tarar sifai tumra taki beshi, te ḍoraio na. Zano to, tumrar Mabud Alla, zein tumrare Mishor desh taki bar ḳoria anchoin, tain nize tumrar loge asoin.