ꠔꠃꠞꠣꠔ ৪: ꠡꠥꠝꠣꠞꠤ 10:29 - Siloṭi Asmani Kitab (Latin lipi)

²⁹ Erbade Musae Madian deshor tan hour Shuaib nobir fua Hubobre ḳoila, “Mabude amrare ze desh dibar oada ḳorsoin, amra hou desho zairamgi. Te tumi-o amrar loge ao. Mabude to oada ḳorsoin, tain Boni Israilre bout meherbani korba. Oḳon tumi amrar loge aile amra tumare kub maya-doya ḳormu.”

Siloṭi Asmani Kitab (Nagri lipi)

²⁹ ꠄꠞꠛꠣꠖꠦ ꠝꠥꠍꠣꠄ ꠝꠣꠖꠤꠀꠘ ꠖꠦꠡꠞ ꠔꠣꠘ ꠢꠃꠞ ꠡꠥꠀꠁꠛ ꠘꠛꠤꠞ ꠙꠥꠀ ꠢꠛꠛꠞꠦ ꠇꠁꠟꠣ, “ꠝꠣꠛꠥꠖꠦ ꠀꠝꠞꠣꠞꠦ ꠎꠦ ꠖꠦꠡ ꠖꠤꠛꠣꠞ ꠅꠀꠖꠣ ꠇꠞꠍꠂꠘ, ꠀꠝꠞꠣ ꠢꠃ ꠖꠦꠡꠅ ꠎꠣꠁꠞꠣꠝꠉꠤ। ꠔꠦ ꠔꠥꠝꠤꠅ ꠀꠝꠞꠣꠞ ꠟꠉꠦ ꠀꠅ। ꠝꠣꠛꠥꠖꠦ ꠔ ꠅꠀꠖꠣ ꠇꠞꠍꠂꠘ, ꠔꠣꠁꠘ ꠛꠘꠤ ꠁꠍꠞꠣꠁꠟꠞꠦ ꠛꠃꠔ ꠝꠦꠢꠦꠞꠛꠣꠘꠤ ꠇꠞꠛꠣ। ꠅꠈꠘ ꠔꠥꠝꠤ ꠀꠝꠞꠣꠞ ꠟꠉꠦ ꠀꠁꠟꠦ ꠀꠝꠞꠣ ꠔꠥꠝꠣꠞꠦ ꠈꠥꠛ ꠝꠣꠄꠀ-ꠖꠄꠀ ꠇꠞꠝꠥ।”

ছিলটি আছমানি কিতাব (বাংলা লিপি)

²⁹ এরবাদে মুছায় মাদিয়ান দেশর তান হউর শোয়াইব নবীর পুয়া হোববরে কইলা, “মাবুদে আমরারে যে দেশ দিবার ওয়াদা করছইন, আমরা হউ দেশো যাইরামগি। তে তুমিও আমরার লগে আও। মাবুদে তো ওয়াদা করছইন, তাইন বনি ইছরাইলরে বউত মেহেরবানি করবা। অখন তুমি আমরার লগে আইলে আমরা তুমারে খুব মায়া-দয়া করমু।”

ꠔꠃꠞꠣꠔ ৪: ꠡꠥꠝꠣꠞꠤ 10:29 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 12:7

Mabude Abramre doroshon dia ḳoila, i deshḳan ami tumar oarishre dilaimu. Abramre zein deḳa dila, hou Mabudor name tain hono ek kurbani kana banaila.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 13:15

Ze zaga oḳol tumi deḳrae, ita ami tumare ar tumar oarish oḳolre hameshakur lagi dilaimu.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 15:18

Mabude hou din-u Abramor loge oula oada ḳorla, “Mishoror gang tone boṛo gang Furat forzonto asta desh ami tumar oarishre dilam.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 17:8

Ar ze Kenan desho tumi oḳon musafir oia taḳrae, i furaṭa-u ami tumare ar tumar oarish oḳolre hor-hameshakur doḳolor lagi dimu. Ami tarar Alla oimu.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 32:12

Tumi-u to oada ḳorso, ‘Ami oboshsho-u tumar balai kormu, tumar oarish oḳolre doriar faror balur laḳan behishab ḳormu, zela gonia fuṛae na.’ ”

ꠎꠛꠥꠞ ꠡꠞꠤꠚ 100:1

Ore zogotbashi kushi-bashi koro, Mabudor name zur golae ḳoro.

ꠎꠛꠥꠞ ꠡꠞꠤꠚ 34:8

Zasai ḳoria deḳo Mabud ḳoto meherban, boṛo ḳofali hou zon ze asroy loy sayat tan.

ꠎꠛꠥꠞ ꠡꠞꠤꠚ 95:1

Ao amra kushir gozol gai Mabudor name, rokkaḳari ṭilla tain, furti kori zure zure.

ꠔꠃꠞꠣꠔ ২: ꠢꠤꠎꠞꠔ 18:1

Allae Hozrot Musare ar tan bonda Boni Israilre zoto laḳan rohom ḳorsoin, ita hoḳolta Musar hour Madian deshor imam Shuaibor ḳano gelo. Mabude Boni Israilre Mishor desh taki kila bar ḳori anchoin, eota tain hunla.

ꠔꠃꠞꠣꠔ ২: ꠢꠤꠎꠞꠔ 18:12

Bade Musar hour Shuaibe Allar name zalail kurbani ar hoḳol zator kurbani zuit ḳori loia aila. Heshe Harun ar Boni Israilor murobbi oḳol aia, Musar houror loge boia Allar samne ḳana-fina ḳaila.

ꠔꠃꠞꠣꠔ ২: ꠢꠤꠎꠞꠔ 18:27

Heshe Musae tan hourre bidae dile, tain nizor desho toshrif nilagi.

ꠔꠃꠞꠣꠔ ২: ꠢꠤꠎꠞꠔ 2:18

Tara tarar bafor daro gia harle tain zikaila, “Tumra aiz oto zoldi kemne ailae?”

ꠔꠃꠞꠣꠔ ২: ꠢꠤꠎꠞꠔ 2:21

Erbade Musae ou imamor baṛit roite razi oila. Imam sabe tan fuṛi Sofurare Musar loge shadi dila.

ꠔꠃꠞꠣꠔ ২: ꠢꠤꠎꠞꠔ 3:1

Ou shomoy Musae tan hour Madian zatir imam sab Hozrot Shuaibor sagol-meṛa raḳta. Eḳdin tan sagolor fal loia morubumir hesh galat Allar hou Tur faṛor ḳasat gela.

ꠔꠃꠞꠣꠔ ২: ꠢꠤꠎꠞꠔ 3:8

Dekia Mishori oḳlor at taki tarare basaitam ḳori ami nize lamia aisi. Te ami tarare Mishor taki horaia nimugi. Nia roshail zomir bout boṛo shundor eḳ desh dimu. Ikan dud ar mour banḍar-ala desh. Ou desh oilo oḳonkur Kenani, Hiṭṭi, Amuri, Farizi, Hibbi ar Zibuzi oḳlor desh.

ꠔꠃꠞꠣꠔ ২: ꠢꠤꠎꠞꠔ 6:4

Ami tarar loge ou oada ḳorslam, ami tumrare Kenan desh dimu, ze desho tumra musafir oia ro, ou desh-u ami tumrare dimu.

ꠔꠃꠞꠣꠔ ৪: ꠡꠥꠝꠣꠞꠤ 10:28

Ou laḳan Boni Israilor nanan fouzi dol eḳe eḳe roana oila.

ꠔꠃꠞꠣꠔ ৪: ꠡꠥꠝꠣꠞꠤ 23:19

Alla Pak to manush nae zen misa matiba, tain kunu Adom shontan nae zen dil bodlaiba. Tain zela ḳota ḳoin ṭik ola-u ḳoroin, tan oada oḳol-u nichchit fura ḳoroin.

Injil 5: Sahabi Nama 7:5

Ta-o Allae ino Ibrahimre tan nizor bolte kunta-u dila na, fao toibar zaga ḳan-o na, oile Allae tan loge oada ḳorla, tanre ar tan oarish oḳolre ou zominor malikana diba, zudio i shomoy Ibrahimor kunu aolad oisoin na.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 30:5

Tumrar moy-murobbir desho tumrare firaia anba, ita hirbar tumra doḳol ḳorbae. Tain tumrare bout baṛai diba, ar tumrar moy-murobbir saite-o tumrar aolador foriman aro baṛaiba.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:40

Erlagi ami oḳon ze shoriot ar hukum-ahkam zanairam, tumra ita mania solio, teu tumra ar tumrar aolad oḳlor balai oibo. Tumrar Mabud Allae siroḳalor lagi tumrare ze desh dan ḳorra, ou desho tumrar hayati lamba oibo.”

Injil 17: Titas 1:2

Ami al-Mosir kezmot ḳoriar, aḳeri zindegi faoar ashae. Ze Allae kunu misa matoin na, hou Allae i zindegi deoar oada ḳorsoin, dunia foyda oar age-u.

Injil 19: Ibrani 6:18

Ar Allae kunu misa mata to bout duror ḳota. Te tain zebla oadar loge ḳosom-o ḳorsoin, oḳon amra aro ḳoto beshi borosha raḳtam fari. Erlagi ao, amra zera tan dorbaro gia asroy faisi, faia ze asha foyda ase, amrar samnor hou ashare mozbut ḳori doria roi.

Injil 27: Zaira Kalam 22:17

Pak Ruhe ar ḳoinae ḳoira, “Ao.” Ar ze zone ou ḳota huner, he-o ḳouk, “Ao.” Fanir fiase zare dorse, he auk. Ze zone fani kaito sae, he bina foyshae zindegi-fani kauk.