ꠔꠃꠞꠣꠔ ৪: ꠡꠥꠝꠣꠞꠤ 1:50 - Siloṭi Asmani Kitab (Latin lipi)

⁵⁰ Tumi tarare shahadot tambu, mani amar goror shaz-shoronjam ar hokkoltar deḳa-hunar bar dibae. Tarar ḳam oibo, amar gor ar er hoḳol shaz-shoronjam boia neoa. Tara er sairo galabae zarzir tambu ṭangaia roiba ar amar goror deḳa-huna ḳorba.

Siloṭi Asmani Kitab (Nagri lipi)

⁵⁰ ꠔꠥꠝꠤ ꠔꠣꠞꠣꠞꠦ ꠡꠣꠢꠣꠖꠔ ꠔꠣꠝ꠆ꠛꠥ, ꠝꠣꠘꠤ ꠀꠝꠣꠞ ꠊꠞꠞ ꠡꠣꠎ-ꠡꠞꠘ꠆ꠎꠣꠝ ꠀꠞ ꠢꠇꠟꠔꠣꠞ ꠖꠦꠈꠣ-ꠢꠥꠘꠣꠞ ꠜꠣꠞ ꠖꠤꠛꠣꠄ। ꠔꠣꠞꠣꠞ ꠇꠣꠝ ꠅꠁꠛ, ꠀꠝꠣꠞ ꠊꠞ ꠀꠞ ꠄꠞ ꠢꠇꠟ ꠡꠣꠎ-ꠡꠞꠘ꠆ꠎꠣꠝ ꠛꠁꠀ ꠘꠦꠅꠀ। ꠔꠣꠞꠣ ꠄꠞ ꠌꠣꠁꠞꠅ ꠉꠣꠟꠣꠛꠣꠄ ꠎꠣꠞꠎꠤꠞ ꠔꠣꠝ꠆ꠛꠥ ꠐꠣꠋꠉꠣꠁꠀ ꠞꠁꠛꠣ ꠀꠞ ꠀꠝꠣꠞ ꠊꠞꠞ ꠖꠦꠈꠣ-ꠢꠥꠘꠣ ꠇꠞꠛꠣ।

ছিলটি আছমানি কিতাব (বাংলা লিপি)

⁵⁰ তুমি তারারে শাহাদত তাম্বু, মানি আমার ঘরর সাজ-সরঞ্জাম আর হকলতার দেখা-হুনার ভার দিবায়। তারার কাম অইবো, আমার ঘর আর এর হকল সাজ-সরঞ্জাম বইয়া নেওয়া। তারা এর চাইরো গালাবায় যারযির তাম্বু টাংগাইয়া রইবা আর আমার ঘরর দেখা-হুনা করবা।

ꠔꠃꠞꠣꠔ ৪: ꠡꠥꠝꠣꠞꠤ 1:50 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 31:18

Mabude Tur faṛor ufre Hozrot Musar loge ou batchit shesh ḳoria harle, Musar ato dui ṭukra shahadot fattor dila. Ou fattoror maze Alla Pake tan nizor ate tan hukum-ahkam leḳsoin.

ꠔꠃꠞꠣꠔ ২: ꠢꠤꠎꠞꠔ 38:21

Allar gor mani ou shahadot tambu banaite zeta mal-samana lagsil, imam Harunor fua Isamaror zimmae Lebi kandanor manshe itar hishab raḳla. Musa nobie ou hishab raḳar hukum disla.

ꠔꠃꠞꠣꠔ ৪: ꠡꠥꠝꠣꠞꠤ 1:53

Boni Israilor ufre zate Mabudor gozob na lame, erlagi Lebi kandanor manshe amar shahadot tambur faradari korar lagi amar goror sairo galabae tarar tambu ṭangaia roiba.”

ꠔꠃꠞꠣꠔ ৪: ꠡꠥꠝꠣꠞꠤ 10:21

Erar bade Allar goror fak-fobitro mal-samana loia Kahati oḳole roana dila. Kahati oḳol zagat gia fosar age-u Allar gor ḳaṛa ḳorar ḳota asil.

ꠔꠃꠞꠣꠔ ৪: ꠡꠥꠝꠣꠞꠤ 17:7

Musae ou laṭiguin nia shahadot tambur bitre Mabudor samne toila.

ꠔꠃꠞꠣꠔ ৪: ꠡꠥꠝꠣꠞꠤ 18:5

Boni Israilor ufre ami zanu hirbar naraz na oi, erlagi ebadot ḳana ar kurbani kana deḳa-hunar bar tumrar ufre roibo.

ꠔꠃꠞꠣꠔ ৪: ꠡꠥꠝꠣꠞꠤ 2:17

“Bade Lebi kandanor manshe Milon-tambure loia roana diba, hoḳlor mazḳano era roiba. Zarzir tambu ṭananir sirial mafik lain doria roana oiba. Fouzi dolor zarzir fotaḳar manush nizor dolor loge roiba.

ꠔꠃꠞꠣꠔ ৪: ꠡꠥꠝꠣꠞꠤ 20:11

Oḳan ḳoia Musae laṭi dia ou fattoro dui baṛi marla, baṛi marar loge loge fattor taki zure zure fani bar oilo, teu tara ar tarar foshur fale fani kaila.

ꠔꠃꠞꠣꠔ ৪: ꠡꠥꠝꠣꠞꠤ 4:15

Harun ar tar fuainte zebla ou fak-fobitro zinish oḳol ar ebadot ḳanar mal-samana hoḳolta guriliba, tara tambu tulia soforo baronir lagi zebla tiar oiziba, ou shomoy ota boia nibar lagi Kahati oḳol aiba. Oile tara kunu fak-fobitro sizre atdi soita farta nae, soile-u morba. Milon-tambur ou hokkol zinish tara boia niba.

ꠔꠃꠞꠣꠔ ৪: ꠡꠥꠝꠣꠞꠤ 4:3

Tish taki foinchash bosor boyoshor zeta beṭainte Milon-tambur ḳam-ḳaz ḳorat aiba, ḳali tarare gonio.

ꠔꠃꠞꠣꠔ ৪: ꠡꠥꠝꠣꠞꠤ 8:19

Ou Lebi oḳolre ami Harun ar tar fuaintore shomzaisi, zate tara Boni Israilor oia Milon-tambur kezmot ḳoroin, tarar gunar koforar usilla ḳoroin. Erlagi Boni Israilor ḳeu amar goror ḳandat aile-o tar ufre kunu gozob lamto nae.”

ꠔꠃꠞꠣꠔ ৪: ꠡꠥꠝꠣꠞꠤ 8:20

Mabude Lebi oḳlor befare Musa nobire zela hukum disla, ou hukum mafik Musa, Harun ar hoḳol Boni Israile ola ḳorla.

ꠔꠃꠞꠣꠔ ৪: ꠡꠥꠝꠣꠞꠤ 8:22

Erbade Lebi oḳol-o Harun ar tan fuaintor zimmae Milon-tambur ḳadimdarit gela. Gele Mabude Musare Lebi oḳlor befare zela hukum disla, ṭik oula ḳora oilo.

Injil 27: Zaira Kalam 15:5

Erbade ami deḳlam, behestor hou shahadot tambur bitoror fobitro Kaba gorḳan kula oilo.