আছমানি কিতাব: মালাখি 3:3 - Siloṭi Asmani Kitab (Latin lipi)

³ Hunare zela shuna-rufare zalaia ḳaṭi banae, tain-o ou beshe boiba. Ar shuna-rufar nomunae Lebir ḳandanre faḳ-saf ḳorba, ḳaṭi banaiba. Bade oula manush taḳba, zara Mabudor name sohi niote faḳ-saf lilla-kurbani adae ḳorba.

ছিলটি আছমানি কিতাব (বাংলা লিপি)

³ হুনারে যেলা সোনা-রুপারে জালাইয়া খাটি বানায়, তাইনও অউ বেশে বইবা। আর সোনা-রুপার নমুনায় লেবির খান্দানরে পাক-ছাফ করবা, খাটি বানাইবা। বাদে অউলা মানুষ থাকবা, যারা মাবুদর নামে ছহি নিয়তে পাক-ছাফ লিল্লা-কুরবানি আদায় করবা।

আছমানি কিতাব: মালাখি 3:3 Iomraidhean Croise

ꠎꠛꠥꠞ ꠡꠞꠤꠚ 4:5

Fak-forezgarir kurbani adae ḳoro, Mabudor ufre shullo-ana borosha raḳo.

ꠎꠛꠥꠞ ꠡꠞꠤꠚ 4:6

Bout zone ḳoy, “Amrare ḳegie balair fot deḳaibo?” O Mabud, tumar fobitro mukor nuror didar ḳan amrar nosib ouk.

আছমানি কিতাব: মালাখি 4:1

Huno, ami Alla Rabbul Alamine ḳoiram, hou din aior, zedin ḍomḳar agunir laḳan dau dau ḳori zolbo. I din hokkol boṛai korra ar naforman oḳol nerar laḳan zolba, tarar zoṛ ba dal-pala kunta-u zolar baki roito nae.

ꠔꠃꠞꠣꠔ ৪: ꠡꠥꠝꠣꠞꠤ 8:6

“Tumi Boni Israilor maz taki, Lebi kandanre alog koria pak-pakiza ḳoro.

Injil 3: Luk 3:16

Oile Ehiae tarare ḳoila, “Ami kali fanidi toubar gusol ḳoraiar, te amar bade zein toshrif anra, tain ama taki-o takkot-ala. Tan faor zutar fita gesa kular zuka-o ami nae. Tain aile Pak Ruhu ar aguin dia tumrare gusol ḳoraiba.

Injil 6: Ruman 12:1

Erlagi O bai oḳol, Allae tumrare ola meherbani korae, ami tumrare ḳas minoti koriar, tumra zarzir shorilre Allar ato shofi deo, ila zinda fobitro kurbani Allar dorbaro kobul oy, oḳṭa-u oibo tumrar sohi-shuddo ebadot.

Injil 6: Ruman 15:16

Isa al-Mosir ḳadim hishabe Allae amare tumrar laḳan bin zati oḳlor gese faṭaisoin. Erlagi-u tan deoa kush-ḳobri tobligor mazdi ami imamotir ḳam ḳoriar, zate ou bin zati oḳol Allar Pak Ruhe fobitro oia tan dorbaro kobul oar zuka kurbani oin.

Injil 11: Filifia 2:17

Huno, ze imanor kurbanir mazdi tumra Allar ebadot ḳorrae, er ufre zudi amar nizor loure kurbani hishabe ḍali deoa oy, ta-o ami kush asi, tumrare loia kushi korram.

Injil 11: Filifia 4:18

Amar hoḳol faona-u ami failisi. Ashole amar zotoḳan zorur, er saite-o beshi ase. Usaid bair at taki tumrar ufohar faia oḳon amar bout oise. Ou ufohar to Allai kushboy-ala, Allar dorbaro kobul oar zuka kurbani. Alla Pak itae kushi oin.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:6

Amar moutor din aia azigese, amar nizor loure kurbani hishabe ḍali deoa or.

Injil 17: Titas 2:14

Isa al-Mosie to amrare basanir lagi tan nizor zan kurbani dilaisoin, zate hoḳol guna taki amrare ḳalas ḳori anta faroin, ar ou laḳan eḳdol manshore fak-fobitro ḳoroin, zera ḳali tan nizor oiba, zera nek kamor ashik oiba.

Injil 19: Ibrani 12:10

Amrar duniabi baf oḳole zela bala mono ḳorta, ola amrare shashon ḳorta, ar ita to tuṛa ḳoydinor lagi, oile Allae to amrare shashon ḳorra zate amra-o tan fak-fobitrota hasil ḳori.

ꠁꠘ꠆ꠎꠤꠟ ২১: ১-ꠙꠤꠔꠞ 1:7

Ou forikka oḳol soler, tumra zen imane ḳaṭi oḳan forman ḳorar lagi. Ar Isa al-Mosir zair oar shomoy, tumra zanu tarif, gourob ar shomman fao. Ze shuna koy oizae, ou shunare-o agunit fuṛia zasai kora oy. Ar tumrar imanor dam to ou shunar saite-o bout beshi, erlagi ou forikka soler.

ꠁꠘ꠆ꠎꠤꠟ ২১: ১-ꠙꠤꠔꠞ 2:5

Ar tumra tan torika kobul ḳorae, tumrare-o zinda fattoror laḳan Alla Pak roibar fobitro Kaba gor banani or. Erlagi Allai imam sab hishabe tumrare alada ḳori raḳa oise, zate tumra oula ruhani kurbani deo, zeta Isa al-Mosir ḳatire Allae kobul ḳoroin.

ꠁꠘ꠆ꠎꠤꠟ ২১: ১-ꠙꠤꠔꠞ 2:9

Oile tumra to ila nae, tumra oilae Allar fosond ḳora ḳandan, bashshai imamor dol, fobitro zati, tan afon proza. Tain tumrare andair taki nizor nuror foro daot ḳori anchoin, tan gunogan ḳorar lagi.

Injil 27: Zaira Kalam 1:6

Tain amrare loia eḳ bashshai tiar ḳoria, tan gaibi baf Allar ebadotir lagi imam banaisoin. Tan mohima ar kudroti bol hor-hamesha boail rouk. Amin.

Injil 27: Zaira Kalam 3:18

Erlagi ami tumrare ou ufodesh diram, aguindi zalail ḳaṭi shuna tumra amar ges taki loia neo, zate tumra hasaror doni oitae faro. Amar ges taki dola lebas loia nia findo, teu tumrare ar lemṭa deḳa zaito nae. Amar ges taki sokut laganir surma loia neo, teu tumra hasaror souke deḳbae.

Injil 27: Zaira Kalam 5:10

Erare loia tumi eḳ bashshai kaim ḳorso, amrar Allar ebadotir lagi imam banaiso, era-u asta zogoto bashshai korba.”