ꠔꠃꠞꠣꠔ ৩: ꠟꠦꠛꠤꠀꠘ 7:5 - Siloṭi Asmani Kitab (Latin lipi)

⁵ Algaia imame ou hoḳolta nia Mabudor name agunit deoa kurbani hishabe kurbani kanar ufre zalailiba, ita oilo dush-ḳosurir koforar kurbani.

Siloṭi Asmani Kitab (Nagri lipi)

⁵ ꠀꠟꠉꠣꠁꠀ ꠁꠝꠣꠝꠦ ꠅꠃ ꠢꠇꠟꠔꠣ ꠘꠤꠀ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ ꠢꠤꠡꠣꠛꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠎꠣꠟꠣꠁꠟꠤꠛꠣ, ꠁꠔꠣ ꠅꠁꠟ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤ।

ছিলটি আছমানি কিতাব (বাংলা লিপি)

⁵ আলগাইয়া ইমামে অউ হকলতা নিয়া মাবুদর নামে আগুনিত দেওয়া কুরবানি হিসাবে কুরবানি খানার উপরে জালাইলিবা, ইতা অইলো দুষ-কছুরির কফরার কুরবানি।

ꠔꠃꠞꠣꠔ ৩: ꠟꠦꠛꠤꠀꠘ 7:5 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 1:13

Kurbani deorae iṭar ṭeng, feṭor bitoror hokkolta fani dia doia saf ḳoria diba, ar imam sabe ita hokkolta shomet asta foshure kurbani kanar ufre zalailiba. Iṭa oilo zalail kurbani, Mabudor name agunit deoa geran ala kurbani, ou dumar gerane tain kushi oin.

ꠔꠃꠞꠣꠔ ৩: ꠟꠦꠛꠤꠀꠘ 1:9

Kurbani deorae gorur ṭeng ar feṭor bitoror hokkolta fani dia doia saf ḳoria diba, ar imame ota nia asta bisalor hokkolta kurbani kanar ufre zalailiba. Iṭar nam oilo zalail kurbani, Mabudor name agunit deoa kurbani, ou dumar gerane tain kushi oin.

ꠔꠃꠞꠣꠔ ৩: ꠟꠦꠛꠤꠀꠘ 2:16

Ou sodga loia aile, imam sabe nishana hishabe ou zonor ana dan-gomor sodgar kisu ongsho, kisu tel ar hoḳol agor nia kurbani kanat zalailiba, ita oilo Mabudor name agunit deoa kurbani.

ꠔꠃꠞꠣꠔ ৩: ꠟꠦꠛꠤꠀꠘ 2:2

Dia imam Harunor ze fuainte imamoti koroin tarar gese ota loia aibo. Imame ota taki tel mishail eḳ muiṭ moyda ar hoḳol agor loia, tar ana hokkoltar bodla nishana hishabe ou ongshore kurbani kanar ufre zalailiba. Ita oilo Mabudor name agunit deoa kurbani, itar dumar gerane tain kushi oin.

ꠔꠃꠞꠣꠔ ৩: ꠟꠦꠛꠤꠀꠘ 2:9

Nia tar ana ou hokkoltar bodla nishana hishabe, imame oḳan taki kisu ongsho algaia kurbani kanar ufre zalailiba. Ita oilo agunit deoa kurbani, er dumar gerane Mabud kushi oin.

ꠔꠃꠞꠣꠔ ৩: ꠟꠦꠛꠤꠀꠘ 3:16

Imame ita hoḳolta nia kurbani kanar ufre zalailiba, ita to agunit deoa kurbanir ḳani, itar dumar gerane Mabud kushi oin. “Mono rakio, kurbanir foshur hokkol sorbi oilo Mabudor.

ꠔꠃꠞꠣꠔ ৩: ꠟꠦꠛꠤꠀꠘ 3:3

Ar kurbani deorae Mabudor name ana salamoti kurbanir foshur ou ongsho oḳol diba. Ogur feṭor bitoror hokkoltar ufror sorbi,

ꠔꠃꠞꠣꠔ ৩: ꠟꠦꠛꠤꠀꠘ 5:7

“Ar he zudi meṛi ba sagi ante ofarog oy, te ou gunar zorimana babot duiṭa ḍufi faki ba faro ania Mabudor name dite oibo. Itar mazor egu oibo gunar koforar kurbani, ar dusraṭa zalail kurbani.

ꠔꠃꠞꠣꠔ ৩: ꠟꠦꠛꠤꠀꠘ 7:4

er loge duio kiḍni ar otar ufror sorbi, ar ḳoiljar logor maṭia, i hoḳolta algaiba.

ꠔꠃꠞꠣꠔ ৩: ꠟꠦꠛꠤꠀꠘ 7:6

Kurbanir gust imam foribaror zekunu beṭa manshe ḳaita farba. Ita to ḳas fobitro zinish, erlagi tara zekunu pak zagat boia ḳaite oibo.

Injil 9: Galatia 2:20

Te dorilao, amare al-Mosir loge gaso loṭḳaia zane mara oise. Ami ar zinda nae, amar ḳayar maze al-Mosi-u zinda asoin. Ou ḳayae oḳon ze zindegi kaṭairam, iṭa Allar ḳas mayar zonor ufre imanor bole ḳaṭairam. Tain amare mohobbot ḳoria, amare toranir lagi nizor zan kurbani disoin.

Injil 9: Galatia 5:24

Ar Isa al-Mosir afon ummote to, zarzir rifure, dilor hoḳol bod ḳaish shudda Isa al-Mosir solibo ḳoybor dilaise.