ꠔꠃꠞꠣꠔ ৩: ꠟꠦꠛꠤꠀꠘ 6:5 - Siloṭi Asmani Kitab (Latin lipi)

⁵ ba zekunu malor befare misa ḳosom ḳaise, ita hoḳolta he firot dibo, erloge zorimana hishabe aro fas baṭor eḳ baṭ beshi dibo. He zedin tar dush shikar ḳorbo, ou din malor malikre ita firai dibo.

Siloṭi Asmani Kitab (Nagri lipi)

⁵ ꠛꠣ ꠎꠦꠇꠥꠘꠥ ꠝꠣꠟꠞ ꠛꠦꠙꠣꠞꠦ ꠝꠤꠍꠣ ꠇꠍꠝ ꠈꠣꠁꠍꠦ, ꠁꠔꠣ ꠢꠇꠟꠔꠣ ꠢꠦ ꠚꠤꠞꠔ ꠖꠤꠛ, ꠄꠞꠟꠉꠦ ꠎꠞꠤꠝꠣꠘꠣ ꠢꠤꠡꠣꠛꠦ ꠀꠞꠅ ꠙꠣꠌ ꠛꠣꠐꠞ ꠄꠇ ꠛꠣꠐ ꠛꠦꠡꠤ ꠖꠤꠛ। ꠢꠦ ꠎꠦꠖꠤꠘ ꠔꠣꠞ ꠖꠥꠡ ꠡ꠆ꠛꠤꠇꠣꠞ ꠇꠞꠛ, ꠅꠃ ꠖꠤꠘ ꠝꠣꠟꠞ ꠝꠣꠟꠤꠇꠞꠦ ꠁꠔꠣ ꠚꠤꠞꠣꠁ ꠖꠤꠛ।

ছিলটি আছমানি কিতাব (বাংলা লিপি)

⁵ বা যেকুনু মালর বেয়াপারে মিছা কছম খাইছে, ইতা হকলতা হে ফিরত দিবো, এরলগে জরিমানা হিসাবে আরো পাচ বাটর এক বাট বেশি দিবো। হে যেদিন তার দুষ স্বীকার করবো, অউ দিন মালর মালিকরে ইতা ফিরাই দিবো।

ꠔꠃꠞꠣꠔ ৩: ꠟꠦꠛꠤꠀꠘ 6:5 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 22:1

“Ḳeu kunu manshor goru ba meṛa-sagol suri koria ania zudi besilae ba zobo ḳorilae, te ek gorur bodla fasgu, eḳ meṛa ba sagolor bodla sairgu firot dite oibo.

ꠔꠃꠞꠣꠔ ২: ꠢꠤꠎꠞꠔ 22:7

“Ḳeu zudi aroḳzonor gese mal-samana ba ṭeḳa-foysha amanot toy, ar amanot-daror gor taki ita suri oizae, te ou sur dora foṛle, sure er ḍabul firot dibo.

ꠔꠃꠞꠣꠔ ২: ꠢꠤꠎꠞꠔ 22:9

“Aroḳ zonor doḳolo ase, oula kunu goru-gada, meṛa-sagol, finnor ḳafoṛ ba zekunu arail samana dekia ḳeu zudi mono ḳore iṭa tar mal, taile iṭar salishir lagi tara duiozon gia Allar dorbaro azir oibo. Allae zare dushi shaibosto ḳorba, he tar birudi zonre er ḍabul firot dibo.

ꠔꠃꠞꠣꠔ ২: ꠢꠤꠎꠞꠔ 30:7

“Forteḳ din biane serag guin zuit-zait ḳorar bala, Harune ou ṭebulor ufre kushboy-ala agor zalaibo.

ꠔꠃꠞꠣꠔ ৩: ꠟꠦꠛꠤꠀꠘ 5:16

Ar he ou fak-fobitro mal-samanar befare ze dush-ḳosuri korse, itar ḳeti-furon-o dite oibo. He ou meṛar damor loge aro fas baṭor eḳ baṭ foriman nogod ṭeḳa imam sabor ato dibo. Bade imame tar ḳosuri mafir niote ou meṛare nia dush-ḳosurir koforar kurbani adae ḳoria harle, he mafi faibo.

Injil 3: Luk 19:8

Zakire hoḳlor samne ubaia ḳoila, “Huzur deḳoukka, ami oḳon-u amar don-samanar ordek goribre lilla dilairam. Ar zerar hok ṭogia anchi, tarare sair otoḳan firot dilaimu.”