ꠔꠃꠞꠣꠔ ৩: ꠟꠦꠛꠤꠀꠘ 5:16 - Siloṭi Asmani Kitab (Latin lipi)

¹⁶ Ar he ou fak-fobitro mal-samanar befare ze dush-ḳosuri korse, itar ḳeti-furon-o dite oibo. He ou meṛar damor loge aro fas baṭor eḳ baṭ foriman nogod ṭeḳa imam sabor ato dibo. Bade imame tar ḳosuri mafir niote ou meṛare nia dush-ḳosurir koforar kurbani adae ḳoria harle, he mafi faibo.

Siloṭi Asmani Kitab (Nagri lipi)

¹⁶ ꠀꠞ ꠢꠦ ꠅꠃ ꠙꠣꠇ-ꠙꠛꠤꠔ꠆ꠞ ꠝꠣꠟ-ꠍꠣꠝꠣꠘꠣꠞ ꠛꠦꠙꠣꠞꠦ ꠎꠦ ꠖꠥꠡ-ꠇꠍꠥꠞꠤ ꠇꠞꠍꠦ, ꠁꠔꠣꠞ ꠈꠦꠔꠤ-ꠙꠥꠞꠘꠅ ꠖꠤꠔꠦ ꠅꠁꠛ। ꠢꠦ ꠅꠃ ꠝꠦꠠꠣꠞ ꠖꠣꠝꠞ ꠟꠉꠦ ꠀꠞꠅ ꠙꠣꠌ ꠛꠣꠐꠞ ꠄꠇ ꠛꠣꠐ ꠙꠞꠤꠝꠣꠘ ꠘꠉꠖ ꠐꠦꠇꠣ ꠁꠝꠣꠝ ꠍꠣꠛꠞ ꠀꠔꠅ ꠖꠤꠛ। ꠛꠣꠖꠦ ꠁꠝꠣꠝꠦ ꠔꠣꠞ ꠇꠍꠥꠞꠤ ꠝꠣꠚꠤꠞ ꠘꠤꠅꠔꠦ ꠅꠃ ꠝꠦꠠꠣꠞꠦ ꠘꠤꠀ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠖꠣꠄ ꠇꠞꠤꠀ ꠢꠣꠞꠟꠦ, ꠢꠦ ꠝꠣꠚꠤ ꠙꠣꠁꠛ।

ছিলটি আছমানি কিতাব (বাংলা লিপি)

¹⁶ আর হে অউ পাক-পবিত্র মাল-ছামানার বেয়াপারে যে দুষ-কছুরি করছে, ইতার খেতি-পুরনও দিতে অইবো। হে অউ মেড়ার দামর লগে আরো পাচ বাটর এক বাট পরিমান নগদ টেকা ইমাম ছাবর আতো দিবো। বাদে ইমামে তার কছুরি মাফির নিয়তে অউ মেড়ারে নিয়া দুষ-কছুরির কফরার কুরবানি আদায় করিয়া হারলে, হে মাফি পাইবো।

ꠔꠃꠞꠣꠔ ৩: ꠟꠦꠛꠤꠀꠘ 5:16 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 22:1

“Ḳeu kunu manshor goru ba meṛa-sagol suri koria ania zudi besilae ba zobo ḳorilae, te ek gorur bodla fasgu, eḳ meṛa ba sagolor bodla sairgu firot dite oibo.

ꠔꠃꠞꠣꠔ ৩: ꠟꠦꠛꠤꠀꠘ 22:14

Ḳeu zudi bul ḳoria ita ḳailae, te i zone imamor gese ḳeti-furon dite oibo. Ou ḳanir damor loge aro fas baṭor eḳ baṭ dam beshi dite oibo.

ꠔꠃꠞꠣꠔ ৩: ꠟꠦꠛꠤꠀꠘ 27:13

Mannot ḳorrae iṭare ḳalas ḳorar kial oile, ou damor loge aro fas baṭor eḳ baṭ dam beshi dite oibo.

ꠔꠃꠞꠣꠔ ৩: ꠟꠦꠛꠤꠀꠘ 27:15

Oḳon ou baṛire he ḳalas ḳoria nito saile, ou damor loge aro fas baṭor eḳ baṭ beshi dite oibo. Teu baṛi kan tar oibo.

ꠔꠃꠞꠣꠔ ৩: ꠟꠦꠛꠤꠀꠘ 27:27

Zudi iṭa kunu haram foshur foyla meda baichcha oy, te imam sabor ṭik kora damor loge aro fas baṭor eḳ baṭ beshi dia iṭare ḳalas ḳori nito farbo. Ar he zudi kalas ḳori na ney, te ou dame iṭare besilite oibo.

ꠔꠃꠞꠣꠔ ৩: ꠟꠦꠛꠤꠀꠘ 27:31

Ḳeu zudi tar ou dosh baṭor eḳ baṭ ḳalas ḳoria nito sae, te er loge aro fas baṭor eḳ baṭ beshi dite oibo.

ꠔꠃꠞꠣꠔ ৩: ꠟꠦꠛꠤꠀꠘ 4:20

Fordan imamor gunar koforar lagi bisalre zela kurbani deoa oy, imame ou bisalre-o ola kurbani korba. Tain ou shomazor gunar koforar kurbani adae ḳorle, tarar gunar mafi milbo.

ꠔꠃꠞꠣꠔ ৩: ꠟꠦꠛꠤꠀꠘ 4:26

Ar salamoti kurbanir foshur sorbir laḳan ogur hoḳol sorbire kurbani kanar ufre zalailiba. Ou laḳan imame hou shordaror gunar mafir lagi kofora adae ḳorle, tain mafi faiba.

ꠔꠃꠞꠣꠔ ৩: ꠟꠦꠛꠤꠀꠘ 5:10

Ar dusra fakiṭare imam sabe niom mafik zalail kurbani diba. Dia, tar gunar kofora adae ḳorba, teu he mafi faibo.

ꠔꠃꠞꠣꠔ ৩: ꠟꠦꠛꠤꠀꠘ 5:13

He ze oforad ḳorse, otar mafir lagi imame ola kofora adae ḳorba, teu tar gunar mafi faibo. Ar kurbani deoar bade i moydar zotoḳan roibo, dan-gomor sodgar laḳan ita hoḳolta imame faiba.”

ꠔꠃꠞꠣꠔ ৩: ꠟꠦꠛꠤꠀꠘ 5:6

Ar ou gunar zorimana hishabe he Mabudor name, gunar koforar kurbanir niote eḳṭa meṛi ba sagi anbo, ar imame tar gunar kofora adae ḳorba.

ꠔꠃꠞꠣꠔ ৩: ꠟꠦꠛꠤꠀꠘ 7:2

Zalail kurbanir foshure ze zagat zobo ḳora oy, ou kurbanir foshure-o ono zobo ḳorte oibo. Itar lou kurbani kanar sairo galabae siṭai dite oibo.

ꠔꠃꠞꠣꠔ ৪: ꠡꠥꠝꠣꠞꠤ 5:7

He tar gunar shikarukti dite oibo. Ar he ze manshor ḳeti korse, tare shullo-ana ḳeti-furon dite oibo. Ze zinishor ḳeti korse, ḳeti-furon hishabe ou zinishor mul damor loge aro fas baṭor eḳ baṭ beshi dite oibo.

ꠔꠃꠞꠣꠔ ৪: ꠡꠥꠝꠣꠞꠤ 5:8

Ḳeti-furon neoar zuka manush zudi na roin ar tar kunu afon zon na taḳoin, te ita Mabudor faona oibo. Ou ḳeti-furon ar gunar koforar kurbanir meṛaṭa imam sabe faiba.

Injil 3: Luk 19:8

Zakire hoḳlor samne ubaia ḳoila, “Huzur deḳoukka, ami oḳon-u amar don-samanar ordek goribre lilla dilairam. Ar zerar hok ṭogia anchi, tarare sair otoḳan firot dilaimu.”

Injil 5: Sahabi Nama 26:20

Erdae foyla Dameskor manshor gese, bade Zeruzalemo, Ehudia zilar hoḳol zagat ar o-Ihudi oḳlor gese-o toblig korlam. Tarare ḳoilam, touba ḳoria Allar bae firo, ar ou laḳan amol ḳoro, zeta dekia forman mile tumra hasaror touba ḳorso.