ꠔꠃꠞꠣꠔ ৩: ꠟꠦꠛꠤꠀꠘ 5:13 - Siloṭi Asmani Kitab (Latin lipi)

¹³ He ze oforad ḳorse, otar mafir lagi imame ola kofora adae ḳorba, teu tar gunar mafi faibo. Ar kurbani deoar bade i moydar zotoḳan roibo, dan-gomor sodgar laḳan ita hoḳolta imame faiba.”

Siloṭi Asmani Kitab (Nagri lipi)

¹³ ꠢꠦ ꠎꠦ ꠅꠙꠞꠣꠗ ꠇꠞꠍꠦ, ꠅꠔꠣꠞ ꠝꠣꠚꠤꠞ ꠟꠣꠉꠤ ꠁꠝꠣꠝꠦ ꠅꠟꠣ ꠇꠚꠞꠣ ꠀꠖꠣꠄ ꠇꠞꠛꠣ, ꠔꠦꠃ ꠔꠣꠞ ꠉꠥꠘꠣꠞ ꠝꠣꠚꠤ ꠙꠣꠁꠛ। ꠀꠞ ꠇꠥꠞꠛꠣꠘꠤ ꠖꠦꠅꠀꠞ ꠛꠣꠖꠦ ꠁ ꠝꠄꠖꠣꠞ ꠎꠔꠈꠣꠘ ꠞꠁꠛ, ꠗꠣꠘ-ꠉꠝꠞ ꠍꠖꠉꠣꠞ ꠟꠣꠈꠣꠘ ꠁꠔꠣ ꠢꠇꠟꠔꠣ ꠁꠝꠣꠝꠦ ꠙꠣꠁꠛꠣ।”

ছিলটি আছমানি কিতাব (বাংলা লিপি)

¹³ হে যে অপরাধ করছে, অতার মাফির লাগি ইমামে অলা কফরা আদায় করবা, তেউ তার গুনার মাফি পাইবো। আর কুরবানি দেওয়ার বাদে ই ময়দার যতখান রইবো, ধান-গমর ছদগার লাখান ইতা হকলতা ইমামে পাইবা।”

ꠔꠃꠞꠣꠔ ৩: ꠟꠦꠛꠤꠀꠘ 5:13 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 2:10

Ou ongsho zalaia harle bad-baki zeta roibo, ita hoḳolta imam Harun ar tan fuainte faiba. Mabudor name agunit deoa kurbanir ongsho oae, basi zaoa ou sodgar ruṭi to ḳas fobitro zinish.

ꠔꠃꠞꠣꠔ ৩: ꠟꠦꠛꠤꠀꠘ 2:3

Zalanir bade zotoḳan baki roibo, ita imam Harun ar tan fuainte faiba. Mabudor namor agunit deoa kurbanir ongsho oae, basi zaoa ou moyda to ḳas fobitro zinish.

ꠔꠃꠞꠣꠔ ৩: ꠟꠦꠛꠤꠀꠘ 4:20

Fordan imamor gunar koforar lagi bisalre zela kurbani deoa oy, imame ou bisalre-o ola kurbani korba. Tain ou shomazor gunar koforar kurbani adae ḳorle, tarar gunar mafi milbo.

ꠔꠃꠞꠣꠔ ৩: ꠟꠦꠛꠤꠀꠘ 4:26

Ar salamoti kurbanir foshur sorbir laḳan ogur hoḳol sorbire kurbani kanar ufre zalailiba. Ou laḳan imame hou shordaror gunar mafir lagi kofora adae ḳorle, tain mafi faiba.

ꠔꠃꠞꠣꠔ ৩: ꠟꠦꠛꠤꠀꠘ 4:31

Ar salamoti kurbanir meṛar sorbir laḳan ogur hoḳol sorbi bar ḳoria kurbani kanar ufre zalailiba. Itar dumar gerane Mabud kushi oin. Ou nomunae imame hou zonor gunar kofora adae ḳorle, tar mafi milbo.

ꠔꠃꠞꠣꠔ ৩: ꠟꠦꠛꠤꠀꠘ 5:10

Ar dusra fakiṭare imam sabe niom mafik zalail kurbani diba. Dia, tar gunar kofora adae ḳorba, teu he mafi faibo.

ꠔꠃꠞꠣꠔ ৩: ꠟꠦꠛꠤꠀꠘ 5:12

Ou moyda loia he imamor gese zaibo, gele ou asta kurbanir bodla nishana hishabe eḳ muiṭ moyda imam sabe kurbani kanar ufre Mabudor name zalailiba. Ita oilo Mabudor name gunar koforar kurbani.

ꠔꠃꠞꠣꠔ ৩: ꠟꠦꠛꠤꠀꠘ 5:14

Bade Mabude Musa nobire ḳoila,

ꠔꠃꠞꠣꠔ ৩: ꠟꠦꠛꠤꠀꠘ 5:16

Ar he ou fak-fobitro mal-samanar befare ze dush-ḳosuri korse, itar ḳeti-furon-o dite oibo. He ou meṛar damor loge aro fas baṭor eḳ baṭ foriman nogod ṭeḳa imam sabor ato dibo. Bade imame tar ḳosuri mafir niote ou meṛare nia dush-ḳosurir koforar kurbani adae ḳoria harle, he mafi faibo.

ꠔꠃꠞꠣꠔ ৩: ꠟꠦꠛꠤꠀꠘ 5:4

“Aḳol-bibeḳ na ḳaṭaia aḳta zudi keu kunu ḳosom ḳorilae, bala ba bura kunta ḳormu ḳoia monor bekiale ḳeu kunu ḳosom ḳaile-o, he zebla ikan buzilibo ou shomoy he dushi bonbo.

ꠔꠃꠞꠣꠔ ৩: ꠟꠦꠛꠤꠀꠘ 5:5

“Ou laḳan zekunu oforad ḳoria ḳeu dushi bonigele, he nizor gunare shikar ḳorte oibo.

ꠔꠃꠞꠣꠔ ৩: ꠟꠦꠛꠤꠀꠘ 5:6

Ar ou gunar zorimana hishabe he Mabudor name, gunar koforar kurbanir niote eḳṭa meṛi ba sagi anbo, ar imame tar gunar kofora adae ḳorba.

ꠔꠃꠞꠣꠔ ৩: ꠟꠦꠛꠤꠀꠘ 7:6

Kurbanir gust imam foribaror zekunu beṭa manshe ḳaita farba. Ita to ḳas fobitro zinish, erlagi tara zekunu pak zagat boia ḳaite oibo.

Injil 7: 1-Korintia 9:13

Tumra zano na ni, fobitro Baytul-Mukaddoso zera ḳam ḳoroin, tara oḳan taki-u ḳana-fina fain, ar kurbani kanat zera ḳam ḳoroin, tara ou kurbanir mal taki baṭ fain.