ꠔꠃꠞꠣꠔ ৩: ꠟꠦꠛꠤꠀꠘ 5:11 - Siloṭi Asmani Kitab (Latin lipi)

¹¹ “Ar zudi ou gunar koforar lagi duiṭa ḍufi faki ba faro anto na fare, te he dui sher moyda ante oibo. Ita gunar koforar kurbani oae itar ufre kunu tel ba loban-agor dio na.

Siloṭi Asmani Kitab (Nagri lipi)

¹¹ “ꠀꠞ ꠎꠥꠖꠤ ꠅꠃ ꠉꠥꠘꠣꠞ ꠇꠚꠞꠣꠞ ꠟꠣꠉꠤ ꠖꠥꠁꠐꠣ ꠒꠥꠙꠤ ꠙꠣꠈꠤ ꠛꠣ ꠙꠣꠞꠅ ꠀꠘꠔ ꠘꠣ ꠙꠣꠞꠦ, ꠔꠦ ꠢꠦ ꠖꠥꠁ ꠡꠦꠞ ꠝꠄꠖꠣ ꠀꠘꠔꠦ ꠅꠁꠛ। ꠁꠔꠣ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠅꠀꠄ ꠁꠔꠣꠞ ꠃꠙꠞꠦ ꠇꠥꠘꠥ ꠔꠦꠟ ꠛꠣ ꠟꠥꠛꠣꠘ-ꠀꠉꠞ ꠖꠤꠅ ꠘꠣ।

ছিলটি আছমানি কিতাব (বাংলা লিপি)

¹¹ “আর যুদি অউ গুনার কফরার লাগি দুইটা ডুপি পাখি বা পারো আনতো না পারে, তে হে দুই সের ময়দা আনতে অইবো। ইতা গুনার কফরার কুরবানি অওয়ায় ইতার উপরে কুনু তেল বা লোবান-আগর দিও না।

ꠔꠃꠞꠣꠔ ৩: ꠟꠦꠛꠤꠀꠘ 5:11 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 16:18

Bade feṭudi mafia deḳla, zein beshi tukaisla, tan-o beshi oise na, ar zein tuṛa tukaisla, tan-o ḳom oise na; hoḳole-u zarzir foribaror ḳanir onumane tukaisoin.

ꠔꠃꠞꠣꠔ ২: ꠢꠤꠎꠞꠔ 16:36

Eḳ feṭu oilogi, eḳ furaror dosh baṭor eḳ baṭ.

ꠔꠃꠞꠣꠔ ৩: ꠟꠦꠛꠤꠀꠘ 1:14

“Ar kunu faki dia zudi Mabudor namor ou zalail kurbani adae ḳorar kial oy, te kurbani deorae ḍufi faki ba faro loia aibo.

ꠔꠃꠞꠣꠔ ৩: ꠟꠦꠛꠤꠀꠘ 12:8

Ar kurbanir lagi meṛa anar tofik zudi na taḳe, te dugu faro ba ḍufi faki anbo. Ermazor egu oibo zalail kurbani, ar dusraṭa gunar koforar kurbani. Ou nomunae imam sabe kurbani adae ḳoria taire nafaki taki basaiba, teu i beṭi pak-pakiza bonbo.

ꠔꠃꠞꠣꠔ ৩: ꠟꠦꠛꠤꠀꠘ 14:21

“Oile ou zon zudi gorib oy, ita hoḳolta anar tofik tar na taḳe, te dush-ḳosurir koforar kurbanir lagi kali egu meṛa-baichcha ante oibo, anle imame tar kofora adae ḳorar lagi oḳṭare kurbani dia dulaiba. Ar er logor dan-gomor sodga hishabe tar ana tel maḳail dui sher moyda, eḳ faoa tel

ꠔꠃꠞꠣꠔ ৩: ꠟꠦꠛꠤꠀꠘ 27:8

“Oile ou mannot ḳorra zon zudi gorib manush oy, tar mannotor hadia dibar takkot na taḳe, te tare loia imam sabor gese zaibae, gele imam sabe tar halot buzia hadia ṭik korba.

ꠔꠃꠞꠣꠔ ৩: ꠟꠦꠛꠤꠀꠘ 5:12

Ou moyda loia he imamor gese zaibo, gele ou asta kurbanir bodla nishana hishabe eḳ muiṭ moyda imam sabe kurbani kanar ufre Mabudor name zalailiba. Ita oilo Mabudor name gunar koforar kurbani.

ꠔꠃꠞꠣꠔ ৩: ꠟꠦꠛꠤꠀꠘ 5:6

Ar ou gunar zorimana hishabe he Mabudor name, gunar koforar kurbanir niote eḳṭa meṛi ba sagi anbo, ar imame tar gunar kofora adae ḳorba.

ꠔꠃꠞꠣꠔ ৩: ꠟꠦꠛꠤꠀꠘ 5:9

Bade ogur tuṛa lou nia kurbani kanar sairo galat siṭai diba, ar bad-baki lou kurbani kanar tole ḍali diba. Ita oilo gunar koforar lagi kurbani.

ꠔꠃꠞꠣꠔ ৩: ꠟꠦꠛꠤꠀꠘ 6:20

“Harune zedin imamotir ḳelafoti shomzia ḳamo boail oiba, ou din Harun ar tar fuainte dan-gomor sodgar niom mafik dui sher moyda Mabudor dorbaro anba. Itar ordeḳ biane ar ordeḳ hainja bala diba.

ꠔꠃꠞꠣꠔ ৪: ꠡꠥꠝꠣꠞꠤ 5:15

te zamaie tar boure loia imam sabor gese zaite oibo. Zaoar shomoy tar bour torof taki sodga hishabe dui sher barlir moyda nite oibo. Ou moyda oilo shondoyor lagi sodga, Mabudor samne oforad zair ḳorar sodga, erlagi itar maze kunu tel ba kushboydar loban mishani nished.

ꠔꠃꠞꠣꠔ ৪: ꠡꠥꠝꠣꠞꠤ 7:13

Tain dan-gomor sodgar lagi ebadot ḳanar mafe eḳ-sho tish tola uzonor rufar ekkan tal, ar shottoir tola uzonor rufar ek gamla ania dila, ou tal ar gamlat bora asil dan-gomor sodgar niote tel maḳail moyda.

Injil 3: Luk 2:24

Erloge, eḳ zuṛa ḍufi faki ba faror duiṭa baichcha kurbani dite oibo, shoriotor ou hukum mafik tara kurbani deoat aila.

Injil 8: 2-Korintia 5:21

Hozrot Isa al-Mosie to kunu guna-naformani korsoin na. Oile amra hoḳlor gunar shaza Allae tan ḳando tuli dila, zate tan ufre iman anar mazdi Allai fobitrotae amra forezgar hishabe kobul oi.

Injil 19: Ibrani 9:22

Asol ḳota oilo, Musar shoriot mafik beshir bag zinish-u lou dia fak-saf oite oy, kurbanir lou saṛa kunumonte-u gunar mafi faoa zae na.