ꠔꠃꠞꠣꠔ ৩: ꠟꠦꠛꠤꠀꠘ 4:26 - Siloṭi Asmani Kitab (Latin lipi)

²⁶ Ar salamoti kurbanir foshur sorbir laḳan ogur hoḳol sorbire kurbani kanar ufre zalailiba. Ou laḳan imame hou shordaror gunar mafir lagi kofora adae ḳorle, tain mafi faiba.

Siloṭi Asmani Kitab (Nagri lipi)

²⁶ ꠀꠞ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠙꠡꠥꠞ ꠌꠞ꠆ꠛꠤꠞ ꠟꠣꠈꠣꠘ ꠅꠉꠥꠞ ꠢꠇꠟ ꠌꠞ꠆ꠛꠤꠞꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠎꠣꠟꠣꠁꠟꠤꠛꠣ। ꠅꠃ ꠟꠣꠈꠣꠘ ꠁꠝꠣꠝꠦ ꠢꠃ ꠡꠞ꠆ꠖꠣꠞꠞ ꠉꠥꠘꠣꠞ ꠝꠣꠚꠤꠞ ꠟꠣꠉꠤ ꠇꠚꠞꠣ ꠀꠖꠣꠄ ꠇꠞꠟꠦ, ꠔꠣꠁꠘ ꠝꠣꠚꠤ ꠙꠣꠁꠛꠣ।

ছিলটি আছমানি কিতাব (বাংলা লিপি)

²⁶ আর ছালামতি কুরবানির পশুর চর্বির লাখান অগুর হকল চর্বিরে কুরবানি খানার উপরে জালাইলিবা। অউ লাখান ইমামে হউ সর্দারর গুনার মাফির লাগি কফরা আদায় করলে, তাইন মাফি পাইবা।

ꠔꠃꠞꠣꠔ ৩: ꠟꠦꠛꠤꠀꠘ 4:26 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 1:4

Aia zalail kurbanir niote ana ou bisalor ḳollar ufre at toibo, teu tar gunar kofora hishabe iṭare kobul ḳora oibo.

ꠔꠃꠞꠣꠔ ৩: ꠟꠦꠛꠤꠀꠘ 12:8

Ar kurbanir lagi meṛa anar tofik zudi na taḳe, te dugu faro ba ḍufi faki anbo. Ermazor egu oibo zalail kurbani, ar dusraṭa gunar koforar kurbani. Ou nomunae imam sabe kurbani adae ḳoria taire nafaki taki basaiba, teu i beṭi pak-pakiza bonbo.

ꠔꠃꠞꠣꠔ ৩: ꠟꠦꠛꠤꠀꠘ 14:18

Ar ator talur baki tel tain hou fak-saf oa zonor matat lagaiba. “Ar ou nomunae tar kofora adae ḳorba,

ꠔꠃꠞꠣꠔ ৩: ꠟꠦꠛꠤꠀꠘ 15:15

Imame hou duiṭar egure dia gunar koforar kurbani, ar dusraṭa dia zalail kurbani adae ḳorba. Datu zaora beṭar nafaki horanir niote, imam sabe Mabudor samne ou nomunae tar kofora adae ḳorba.

ꠔꠃꠞꠣꠔ ৩: ꠟꠦꠛꠤꠀꠘ 17:11

Lour maze-u to hoḳol zandaror zan taḳe. Erlagi tumrar zanor bodla kurbanir loure kurbani kanat siṭaia ami tumrar gunar koforar shuzug disi. Lour maze zan ase ḳori-u lour bodla gunar kofora adae oy.

ꠔꠃꠞꠣꠔ ৩: ꠟꠦꠛꠤꠀꠘ 19:22

Dush-ḳosurir koforar kurbanir lagi ana hou foshure kurbani dia, imam sabe Mabudor samne tar gunar kofora adae ḳorar bade, he ou gunar mafi faibo.

ꠔꠃꠞꠣꠔ ৩: ꠟꠦꠛꠤꠀꠘ 3:5

Bade Harunor fuainte kurbani kanar ufre hazail daru ar kurbanir foshur ufre ita hoḳolta rakia eḳloge zalailiba. Ita to eḳ nomunar agunit deoa kurbani, itar dumar gerane Mabud kushi oin.

ꠔꠃꠞꠣꠔ ৩: ꠟꠦꠛꠤꠀꠘ 4:19

Ar bisalor hoḳol sorbi bar ḳoria kurbani kanat zalailiba.

ꠔꠃꠞꠣꠔ ৩: ꠟꠦꠛꠤꠀꠘ 4:20

Fordan imamor gunar koforar lagi bisalre zela kurbani deoa oy, imame ou bisalre-o ola kurbani korba. Tain ou shomazor gunar koforar kurbani adae ḳorle, tarar gunar mafi milbo.

ꠔꠃꠞꠣꠔ ৩: ꠟꠦꠛꠤꠀꠘ 4:31

Ar salamoti kurbanir meṛar sorbir laḳan ogur hoḳol sorbi bar ḳoria kurbani kanar ufre zalailiba. Itar dumar gerane Mabud kushi oin. Ou nomunae imame hou zonor gunar kofora adae ḳorle, tar mafi milbo.

ꠔꠃꠞꠣꠔ ৩: ꠟꠦꠛꠤꠀꠘ 4:35

Ar salamoti kurbanir meṛar sorbi zela bar ḳoroin, ogur hoḳol sorbire-o ola bar ḳorba. Bar ḳoria kurbani kanat kurbani deoa hoḳoltar ufre toia ou sorbire-o zalailiba, ou nomunae imame hou zonor gunar kofora adae ḳoria harle, he mafi faibo.

ꠔꠃꠞꠣꠔ ৩: ꠟꠦꠛꠤꠀꠘ 5:10

Ar dusra fakiṭare imam sabe niom mafik zalail kurbani diba. Dia, tar gunar kofora adae ḳorba, teu he mafi faibo.

ꠔꠃꠞꠣꠔ ৩: ꠟꠦꠛꠤꠀꠘ 5:13

He ze oforad ḳorse, otar mafir lagi imame ola kofora adae ḳorba, teu tar gunar mafi faibo. Ar kurbani deoar bade i moydar zotoḳan roibo, dan-gomor sodgar laḳan ita hoḳolta imame faiba.”

ꠔꠃꠞꠣꠔ ৩: ꠟꠦꠛꠤꠀꠘ 5:16

Ar he ou fak-fobitro mal-samanar befare ze dush-ḳosuri korse, itar ḳeti-furon-o dite oibo. He ou meṛar damor loge aro fas baṭor eḳ baṭ foriman nogod ṭeḳa imam sabor ato dibo. Bade imame tar ḳosuri mafir niote ou meṛare nia dush-ḳosurir koforar kurbani adae ḳoria harle, he mafi faibo.

ꠔꠃꠞꠣꠔ ৩: ꠟꠦꠛꠤꠀꠘ 5:18

He tar ou dush-ḳosurir kofora hishabe, egu nikut meṛar faṭa ba er dam ania imam sabor gese dibo. He na zania ze dush-ḳosuri korilise, imam sabe otar kofora adae ḳorba, teu tar mafi milbo.

ꠔꠃꠞꠣꠔ ৩: ꠟꠦꠛꠤꠀꠘ 6:7

Imame Mabudor dorbaro tar gunar kofora adae ḳorba. He otar mazor zekunu guna ḳorle, ou nomunae tar gunar mafi faibo.”

ꠔꠃꠞꠣꠔ ৪: ꠡꠥꠝꠣꠞꠤ 15:25

Imam sabe asta Boni Israil shomazor ou ozana gunar kofora adae ḳorba, teu tara mafi faiba. Tara to ichcha ḳoria i naformani korse na, tarar bulor lagi Mabudor name agunit deoa kurbani ar gunar koforar kurbani-o adae ḳorse.

ꠔꠃꠞꠣꠔ ৪: ꠡꠥꠝꠣꠞꠤ 15:28

Ar ze zone monor ozante ou guna ḳorse, imam sabe Mabudor dorbaro tar gunar koforar bebosta ḳorba. Ou kurbani kobul oile he mafi faibo.