ꠔꠃꠞꠣꠔ ৩: ꠟꠦꠛꠤꠀꠘ 26:16 - Siloṭi Asmani Kitab (Latin lipi)

¹⁶ te ami tumrar ufre ola ḳaṛa mosibot dimu, tumrar shoril koy oar bemar dimu, gozobi jokka bemar ar bezuita taf oibo, ota bemare tumrar sokur faoar koy oibo, shorilor ḳomzuri aibo. Tumra zomino ḳet ḳorle-o fayda oito nae, tumrar foshol dushmone ḳaibo.

Siloṭi Asmani Kitab (Nagri lipi)

¹⁶ ꠔꠦ ꠀꠝꠤ ꠔꠥꠝꠞꠣꠞ ꠃꠙꠞꠦ ꠅꠟꠣ ꠈꠣꠠꠣ ꠝꠍꠤꠛꠔ ꠖꠤꠝꠥ, ꠔꠥꠝꠞꠣꠞ ꠡꠞꠤꠟ ꠇ꠆ꠇꠄ ꠅꠀꠞ ꠛꠦꠝꠣꠞ ꠖꠤꠝꠥ, ꠉꠎꠛꠤ ꠎꠇ꠆ꠇꠣ ꠛꠦꠝꠣꠞ ꠀꠞ ꠛꠦꠎꠥꠁꠔꠣ ꠔꠣꠙ ꠅꠁꠛ, ꠅꠔꠣ ꠛꠦꠝꠣꠞꠦ ꠔꠥꠝꠞꠣꠞ ꠌꠈꠥꠞ ꠙꠣꠅꠀꠞ ꠇ꠆ꠇꠄ ꠅꠁꠛ, ꠡꠞꠤꠟꠞ ꠇꠝꠎꠥꠞꠤ ꠀꠁꠛ। ꠔꠥꠝꠞꠣ ꠎꠝꠤꠘꠅ ꠈꠦꠔ ꠇꠞꠟꠦꠅ ꠚꠣꠄꠖꠣ ꠅꠁꠔ ꠘꠣꠄ, ꠔꠥꠝꠞꠣꠞ ꠚꠡꠟ ꠖꠥꠡꠝꠘꠦ ꠈꠣꠁꠛ।

ছিলটি আছমানি কিতাব (বাংলা লিপি)

¹⁶ তে আমি তুমরার উপরে অলা খাড়া মছিবত দিমু, তুমরার শরিল ক্ষয় অওয়ার বেমার দিমু, গজবি যক্ষা বেমার আর বেজুইতা তাপ অইবো, অতা বেমারে তুমরার চখুর পাওয়ার ক্ষয় অইবো, শরিলর কমজুরি আইবো। তুমরা জমিনো খেত করলেও ফায়দা অইতো নায়, তুমরার ফসল দুশমনে খাইবো।

ꠔꠃꠞꠣꠔ ৩: ꠟꠦꠛꠤꠀꠘ 26:16 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 15:26

Tain ḳoila, “Tumra zudi kial ḳoria tumrar Mabud Allar kalam huno ar ou laḳan amol ḳoro, ami zeta fosond ḳori ota ḳoro, amar hukum mano, te ami Mabude Mishori oḳolre zeta bemar-azar disi, ita kunu bemar tumrar ufre ditam nae; zano to, ami Mabud tumrar shifa ḳoroneala.”

আছমানি কিতাব: মালাখি 2:3

Tumrar lagi tumrar aolad oḳolre-o shaza dimu. Tumrar idor kurbanir foshur gufor-sena ami tumrar muko maḳaimu, ota maḳail halote manshe tumrare horaia falaiba.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:51

Tara tumrar foshur baichcha ar ḳetor foshol ḳailiba, hesh-mesh tumra binash oibae. Tara kunuzat foshol, noya kunu anguror shorbot, tel, goru-sagolor baichcha, kunta-u tumrar lagi toita nae, hesh-mesh tumra binash oizibae.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:25

Bare gele morba tara toluaror tole, goro roile morba hoḳol zanor ḍor-ḳofe. Zuan fua zuan fuṛin dudor hurutta, binashi gozobe morba daṛi sul faḳna.

Injil 19: Ibrani 10:31

Buzrae ni, zinda Allar samne azira deoa ḳoto boṛo mosibotor befar!